மனிதன் தன் வாழ்நாளெல்லாம் மகிழ்ச்சியையே தேடுகிறான். மகிழ்ச்சிக்காகவே அனைத்தையும் செய்கிறான். அந்த மகிழ்ச்சியைத் தக்க வைத்துக் கொள்ள பாடுபடுகிறான். மகிழ்ச்சியே அவன் வாழ்வின் லட்சியமாக இருக்கிறது. ஆனால் அவன் மகிழ்ச்சியின் தேடலில் தன்னை இழந்து விடுகிறானா இல்லை, தன்னை இனம் கண்டு கொள்கிறானா என்பது அவன் தேடும் மகிழ்ச்சியின் தன்மையில் தான் இருக்கிறது.
கௌதம புத்தர் மகிழ்ச்சிகளை இருவகையாகப் பிரிக்கிறார். அதை வைத்தே மனிதன் அந்த மகிழ்ச்சிக்காக செல்ல வேண்டுமா அல்லது தவிர்க்க வேண்டுமா என்று தீர்மானிக்க வேண்டும் என்கிறார். “எந்த மகிழ்ச்சியை அனுபவிப்பதில் நம் நல்ல குணங்கள் குறைந்து தீய குணங்களும், தீய விளைவுகளும் அதிகரிக்கின்றனவோ அந்த மகிழ்ச்சியை மனிதன் விலக்க வேண்டும். எந்த மகிழ்ச்சியை அனுபவிப்பதில் நற்குணங்கள் அதிகரித்து நல்ல விளைவுகளும் ஏற்படுகின்றனவோ அந்த மகிழ்ச்சிக்காக மனிதன் முயல வேண்டும்”
ஒரு குறிப்பிட்ட ஓய்வு மாலை நேரத்தில் மூன்று இளைஞர்கள் தனித்தனியாக மகிழ்ச்சியாக பொழுதைக் கழித்துக் கொண்டிருக்கிறார்கள். ஒருவன் நண்பர்களுடன் சேர்ந்து கோப்பை கோப்பையாக மது அருந்திக் கொண்டிருக்கிறான். இன்னொருவன் நண்பர்களுடன் சேர்ந்து கல்லூரி வாசலில் அமர்ந்து போகிற பெண்களை எல்லாம் கிண்டல் அடித்துக் கொண்டிருக்கிறான். இன்னொருவன் நண்பர்களுடன் சேர்ந்து கால்பந்தாடிக் கொண்டிருக்கிறான். இந்த மூன்று இளைஞர்களுமே நண்பர்களுடன் சேர்ந்து மகிழ்ச்சியாகத் தான் இருக்கிறார்கள். அவர்களுக்கு நேரம் போவதே தெரியாமல் தான் இருக்கிறது.
ஆனால் புத்தரின் அளவுகோலை வைத்து மகிழ்ச்சியை எடை போட்டுப் பார்த்தீர்களானால் முதலாமவன் மகிழ்ச்சி அவன் உடலைக் கெடுக்கிறது, இரண்டாமவன் மகிழ்ச்சி அவன் மனதைக் கெடுக்கிறது, மூன்றாமவன் மகிழ்ச்சி அவனுக்கு நல்ல உடற்பயிற்சியாக அமைகிறது என்பதைப் புரிந்து கொள்ளலாம். இந்த ஒரு நாள் மகிழ்ச்சியால் பெரிதாக எந்த விளைவும் வெளியே தெரியாமல் போகலாம். ஆனால் மூன்று பேரும் தொடர்ந்து பல காலம் அந்த மகிழ்ச்சியிலேயே திளைத்தார்கள் என்றால் ஒரு குடிகாரனும், ஒரு போக்கிரியும், ஒரு கால்பந்தாட்ட வீரனும் உருவாகக் கூடும். மகிழ்ச்சியுடன் காலம் கழித்தவர்களுடைய எதிர்காலத்தை நிர்ணயிப்பது அந்த மகிழ்ச்சி எப்படி அவர்களுக்கு ஏற்பட்டது என்பதைப் பொறுத்து தான்.
ஹெர்மன் ஹெஸ்ஸே என்ற இலக்கியத்திற்காக நோபல் பரிசு வாங்கிய ஜெர்மானிய எழுத்தாளர் எழுதிய “சித்தார்த்தா” என்ற நாவலின் கதாநாயகனான சித்தார்த்தன் தியான முறைகளையும், பல சூட்சும சித்திகளையும் அறிந்தவன். அவன் ஓரிடத்தில் நண்பன் கோவிந்தனிடம் விளையாட்டாகச் சொல்வான். “ தியானம் என்பது என்ன? உடல் மறந்து கிடப்பதும், உபவாசம் இருப்பதும், மூச்சை அடக்குவதும் எல்லாம் என்ன?அகத்தை விட்டுப் பறப்பது தானே! நான் என்ற வேதனையிலிருந்து சற்றே தப்பித்துக் கொள்ளும் தந்திரங்கள் தானே! உயிர்த் துயரங்களையும் தொல்லைகளையும் சற்றே மறந்திருக்கின்ற தன் ஏமாற்றம் தானே! எருதுகள் பூட்டி வண்டியடித்து அலுத்தவனும் இதே வழியைத் தானே பின்பற்றுகிறான். ஏதோ ஒரு விடுதியில் நுழைந்து கொஞ்சம் பனை நீரையோ, புளித்த காடியையோ ஒரு மொந்தை போட்டு விட்டால் எல்லாத் துன்ப நினவுகளையும் அதில் மூழ்கடித்துக் கொண்டு விடுகிறான். அப்போது அவனுக்கு சுய உணர்வு போய் விடுகிறது. உயிர்த் துன்பங்களை அவன் அறிவதில்லை.”
அவன் நண்பன் கோவிந்தன் கூறுவான். “குடி வெறியன் ஏதோ ஆறுதல் பெறுவது சரி தான். சற்று நேர அமைதியும் ஓய்வும் கூட பெறலாம். ஆனால் போதை தெளிந்து பார்க்கும் போது எல்லாம் முன்னிருந்தபடியே அவன் பார்க்க நேரிடும். இதனால் அவன் நுண்ணறிவு பெற்று உயர்ந்து விடுவதில்லை. ஒருபடி கூட மேலேறி விடுவதில்லையே”
வாதத்திற்கு என்று பார்க்கும் போது இருவரும் தன்னிலை மறந்து மகிழ்ச்சி பெறுகிறார்கள் என்றாலும் முடிவில் ஒருவன் தன் பழைய நிலையிலிருந்து ஒரு படி உயர்ந்தும், மற்றவன் ஒரு படி தாழ்ந்தும் போகிறது தான் புத்தர் சுட்டிக் காட்டுவதும்.
எனவே மகிழ்ச்சியாக இருங்கள். மகிழ்ச்சியாக இருக்க வேண்டியது வாழ்வின் அர்த்தமும், தேவையும் கூட தான். ஆனால் மகிழ்ச்சியின் தரத்தை மட்டும் அவ்வப்போது கண்காணித்துக் கொள்ளுங்கள். புத்தர் சொன்னது போல முடிவில் ஏதாவது விதத்தில் நீங்கள் உயர்வதும், பயன் பெறுவதும் மிக முக்கியம். அது தான் உங்கள் மகிழ்ச்சியின் வகையை அளக்க உதவும் சரியான அளவு கோல்.
இன்று அடையும் மகிழ்ச்சிகள் எல்லாம் நாளைய துக்கத்தின் விதைகளாக இருந்து விட அனுமதிக்காதீர்கள். இன்றைய மகிழ்ச்சிகள் உங்கள் தரத்தை குறைத்து விடவும் அனுமதிக்காதீர்கள். அப்போது தான் உங்கள் மகிழ்ச்சிகள் உண்மையான மகிழ்ச்சிகளாக இருக்கும். அந்த மகிழ்ச்சிகள் நாளையும் நீடிக்கும். நாளை உங்களை பச்சாதாபத்தில் ஆழ்த்தாது.
இது தான் மகிழ்ச்சி என்று ஓரிரண்டை மட்டும் வைத்துக் கொண்டு கடைசியில் அலுப்படைந்து போகாதீர்கள். மகிழ்ச்சி என்ற பெயரில் உங்கள் தரம் தாழ்ந்து விடாதீர்கள். உங்கள் திறமைகளை நீட்டிக்கும் செயல்களில் ஈடுபட்டு மகிழ்ச்சி பெறுங்கள். வாழ்வின் புதிய புதிய பரிமாணங்களைக் கண்டு களியுங்கள். அந்தப் புதியனவெல்லாம் உங்களைப் புதுப்பிப்பதாகவும், புதிய மைல்கல்களை அடைய வைப்பனவாகவும் இருக்கட்டும்.
ஆறறிவை ஐந்து நான்கு என்று குறைத்து விடும் மகிழ்ச்சிகள் உண்மையில் மகிழ்ச்சிகளே அல்ல. மகிழ்ச்சியின் போர்வையில் உங்களைத் துன்பப் படுகுழியில் வீழ்த்த வரும் தூண்டில்கள் அவை. மகிழ்ச்சியில் ஆழ்ந்து கிடக்கும் தருணங்களில் கூட இந்த உண்மையை மறந்து விடாதீர்கள். தூண்டிலா, ஏணியா என்று மகிழ்ச்சியின் தருணங்களிலும் ஒரு முறை விழிப்புடன் கேட்டுக் கொண்டால் அது உங்களுக்குப் பெரிய பாதுகாப்பாகவும், வாழ்க்கைக்குப் பெரிய வழித்துணையாகவும் இருக்கும் என்பதில் சந்தேகமில்லை.
என்.கணேசன் ஈழநேசன்
சனி, 12 ஜூன், 2010
' நீ நீயாக இருக்கக் கற்றுக்கொள்'
கொழும்புத் தமிழ்ச் சங்கத்தில் நேற்று நடைபெற்ற அறிவொளி மன்றத்தின் அங்குரார்ப்பண நிகழ்வில் கம்பவாரிதி இ. ஜெயராஜ் ஆற்றிய உரை அனைவரையும் சிந்திக்க வைத்தது.
சிறந்த பேச்சாற்றல்மிக்க கம்பவாரிதி நடைமுறையில் நாம் கைக்கொள்ளும் பிழையான பழக்கவழக்கங்களை சுவாரஸ்யமாகக் கூறியதுடன் எமது சிந்தனை வட்டத்துக்குள் அந்த வார்த்தைகளை சுழலவும் விட்டமை சிறப்பம்சம்.
"நீ, நீயாக இருக்கக் கற்றுக்கொள்... எதற்காகவும் உனது சுயத்தை மாற்றிக் கொள்ளாதே" என்பதுதான் அவரது உரையின் பிரதான கருப்பொருளாக இருந்தது.
கம்பவாரிதி உரைத்தவை சுருக்கமாக....
"நாம் பிறருடைய பார்வைக்காக வாழப் பழகிவிட்டோம். எமக்கென்று தனித்துவம் உண்டு. தனிப் பாணியுண்டு அவற்றைச் சரியாகக் கடைப்பிடிக்காமல் மாயையால் கட்டுண்டுக் கிடக்கின்றோம்.
மேற்குலக வெள்ளைக்காரர்கள் என்ன செய்கிறார்களோ அதையே நாம் கடைபிடிக்க வேண்டும்; இல்லாவிட்டால் மற்றவர்கள் நம்மை ஏளனமாக நினைப்பார்கள் என்பது பலரது எண்ணம்.
ஏன் எம்மை மாற்றிக் கொள்ள வேண்டும்?
ஏன், நாங்கள் எங்களை மாற்றிக்கொள்ள வேண்டும்? எமக்கென உள்ள தனியான அடையாளங்களை வேற்றுக் கலாசார மோகத்துக்காக ஏன் விட்டுக்கொடுக்க வேண்டும்?
சிலர் காலிலுள்ள உரோமங்களை சவரம் செய்து கொள்கிறார்கள். அதனால் எந்தப் பிரயோசனமும் இல்லை. ஏன் என்று கேட்டால் மற்றவர்கள் பார்ப்பதற்காக என்கிறார்கள். தன்னை மற்றவர்கள் பார்க்க வேண்டும் என்பதற்காக வெள்ளைக்காரன் செய்துகொள்ளும் இவ்வாறானவற்றை நாம் ஏன் பின்தொடர வேண்டும்?
இலங்கையிலிருந்து லண்டன் செல்பவர்களை நான் பார்த்திருக்கிறேன். புதிய சப்பாத்து, புதிய உடை என மேலை நாட்டுக் கலாசாரத்துக்கு ஏற்ப அவர்கள் உடையணிந்திருப்பார்கள். ஆனால் அங்கு சென்று பார்த்தால் வெள்ளைக்காரர்களோ மிகவும் எளிமையான உடையில் இருப்பார்கள்.
எங்களுடைய தனித்துவத்தை விட்டுக் கொடுத்து பிறருடைய பார்வைக்காக வாழ்கிறோம்.
சரி, ஆகட்டும்.
இன்னும் சிலர் இருக்கிறார்கள். அவர்களுக்கு எப்போதுமே தாழ்மையுணர்வு இருக்கும். 'எங்களால் முடியாது' என்றே சொல்லிக்கொண்டிருப்பார்கள். ஆனால் ஏன் முடியாது என அவர்கள் சிந்திக்க மாட்டார்கள்.
நீ... நீயாக இரு. எதற்காகவும் உன்னை மாற்றிக்கொள்ள வேண்டிய அவசியம் இல்லை. இப்படித்தான் சாப்பிடுவேன் என்றால் அப்படியே சாப்பிடு. இப்படி உடையணிவது தான் உனக்குப் பிடிக்கும் என்றால் அப்படியே அணிந்துகொள்.
இந்தப் பழக்கத்தை நமது இளம் சமுதாயத்தினரிடையே வளர்க்க வேண்டும். எங்களுடைய தனித்துவம் இழக்கப்படுவதற்கு நாமே காரணமாக அமைந்துவிடக் கூடாது....." இவ்வாறு அவரது உரை தொடர்கின்றது.
கம்பவாரிதி தனது ஆணித்தரமான கருத்துக்களைச் சொல்லிக்கொண்டிருக்கும் போதே, பலர் தாம் அணிந்திருந்த உடைகளை ஒருதரம் பார்த்துக்கொண்டதை அவதானிக்க முடிந்தது.
உண்மையில் இது சிந்திக்கக் கூடிய விடயம் தான். தமிழ்ச் சங்கத்தில் நேற்றுக் கூடியிருந்தோர் இதனை நன்றாக உணர்ந்திருப்பார்கள். நல்ல விடயங்கள், அதுவும் நமது நன்மைக்காகக் கூறப்படும்போது, அவை தொடர்பாக நாமும் எமது சிந்தனையைச் செலுத்த வேண்டியது அவசியமல்லவா?
-என். அஞ்சனா வீரகேசரி இணையம்
சிறந்த பேச்சாற்றல்மிக்க கம்பவாரிதி நடைமுறையில் நாம் கைக்கொள்ளும் பிழையான பழக்கவழக்கங்களை சுவாரஸ்யமாகக் கூறியதுடன் எமது சிந்தனை வட்டத்துக்குள் அந்த வார்த்தைகளை சுழலவும் விட்டமை சிறப்பம்சம்.
"நீ, நீயாக இருக்கக் கற்றுக்கொள்... எதற்காகவும் உனது சுயத்தை மாற்றிக் கொள்ளாதே" என்பதுதான் அவரது உரையின் பிரதான கருப்பொருளாக இருந்தது.
கம்பவாரிதி உரைத்தவை சுருக்கமாக....
"நாம் பிறருடைய பார்வைக்காக வாழப் பழகிவிட்டோம். எமக்கென்று தனித்துவம் உண்டு. தனிப் பாணியுண்டு அவற்றைச் சரியாகக் கடைப்பிடிக்காமல் மாயையால் கட்டுண்டுக் கிடக்கின்றோம்.
மேற்குலக வெள்ளைக்காரர்கள் என்ன செய்கிறார்களோ அதையே நாம் கடைபிடிக்க வேண்டும்; இல்லாவிட்டால் மற்றவர்கள் நம்மை ஏளனமாக நினைப்பார்கள் என்பது பலரது எண்ணம்.
ஏன் எம்மை மாற்றிக் கொள்ள வேண்டும்?
ஏன், நாங்கள் எங்களை மாற்றிக்கொள்ள வேண்டும்? எமக்கென உள்ள தனியான அடையாளங்களை வேற்றுக் கலாசார மோகத்துக்காக ஏன் விட்டுக்கொடுக்க வேண்டும்?
சிலர் காலிலுள்ள உரோமங்களை சவரம் செய்து கொள்கிறார்கள். அதனால் எந்தப் பிரயோசனமும் இல்லை. ஏன் என்று கேட்டால் மற்றவர்கள் பார்ப்பதற்காக என்கிறார்கள். தன்னை மற்றவர்கள் பார்க்க வேண்டும் என்பதற்காக வெள்ளைக்காரன் செய்துகொள்ளும் இவ்வாறானவற்றை நாம் ஏன் பின்தொடர வேண்டும்?
இலங்கையிலிருந்து லண்டன் செல்பவர்களை நான் பார்த்திருக்கிறேன். புதிய சப்பாத்து, புதிய உடை என மேலை நாட்டுக் கலாசாரத்துக்கு ஏற்ப அவர்கள் உடையணிந்திருப்பார்கள். ஆனால் அங்கு சென்று பார்த்தால் வெள்ளைக்காரர்களோ மிகவும் எளிமையான உடையில் இருப்பார்கள்.
எங்களுடைய தனித்துவத்தை விட்டுக் கொடுத்து பிறருடைய பார்வைக்காக வாழ்கிறோம்.
சரி, ஆகட்டும்.
இன்னும் சிலர் இருக்கிறார்கள். அவர்களுக்கு எப்போதுமே தாழ்மையுணர்வு இருக்கும். 'எங்களால் முடியாது' என்றே சொல்லிக்கொண்டிருப்பார்கள். ஆனால் ஏன் முடியாது என அவர்கள் சிந்திக்க மாட்டார்கள்.
நீ... நீயாக இரு. எதற்காகவும் உன்னை மாற்றிக்கொள்ள வேண்டிய அவசியம் இல்லை. இப்படித்தான் சாப்பிடுவேன் என்றால் அப்படியே சாப்பிடு. இப்படி உடையணிவது தான் உனக்குப் பிடிக்கும் என்றால் அப்படியே அணிந்துகொள்.
இந்தப் பழக்கத்தை நமது இளம் சமுதாயத்தினரிடையே வளர்க்க வேண்டும். எங்களுடைய தனித்துவம் இழக்கப்படுவதற்கு நாமே காரணமாக அமைந்துவிடக் கூடாது....." இவ்வாறு அவரது உரை தொடர்கின்றது.
கம்பவாரிதி தனது ஆணித்தரமான கருத்துக்களைச் சொல்லிக்கொண்டிருக்கும் போதே, பலர் தாம் அணிந்திருந்த உடைகளை ஒருதரம் பார்த்துக்கொண்டதை அவதானிக்க முடிந்தது.
உண்மையில் இது சிந்திக்கக் கூடிய விடயம் தான். தமிழ்ச் சங்கத்தில் நேற்றுக் கூடியிருந்தோர் இதனை நன்றாக உணர்ந்திருப்பார்கள். நல்ல விடயங்கள், அதுவும் நமது நன்மைக்காகக் கூறப்படும்போது, அவை தொடர்பாக நாமும் எமது சிந்தனையைச் செலுத்த வேண்டியது அவசியமல்லவா?
-என். அஞ்சனா வீரகேசரி இணையம்
ஒழுக்கம் அவசியமா
ஒழுக்கம் என்ற சொல்லே பல இளைஞர்களுக்கு கசப்பான சொல்லாகத் தெரிகிறது. வாழ்க்கையை வாழத் துடிக்கும் வயதில் வாழ்ந்து முடித்த முதியவர்கள் தங்களுக்குப் போடும் அனாவசியக் கடிவாளமாக இளைஞர்கள் நினைக்கிறார்கள். வாழ்வது ஒரு முறை அதில் அத்தனை அனுபவங்களையும் சுகித்து விட வேண்டாமா என்று நினைக்கிறார்கள். உண்மையில் வள்ளுவர் காலத்திலிருந்து இன்றைய காலம் வரை ஒழுக்கத்திற்கு தேவைக்கும் அதிகமாக முக்கியத்துவம் தந்து விடுகிறோமா? விடைக்கு ஒரு கதை...
கதிர் ஒரு கட்டிளங்காளை. மிகவும் ஒழுக்கமானவன். எல்லா விஷயங்களிலும் கட்டுப்பாடுடையவன். தன் உடலை உடற்பயிற்சிகளாலும், யோகாசனங்களாலும் நன்கு பாதுகாக்கிறவன். அவன் ஒரு முறை தங்கள் யோகா வகுப்பினர் நடத்தும் ஒரு சொற்பொழிவில் கலந்து கொள்ள அழைப்பு விடுக்க ஒரு புகழ்பெற்ற மருத்துவரைக் காணச் சென்றான். அந்த மருத்துவமனையில் கூட்டம் நிரம்பி வழிந்தது. அவரைக் காண அவன் காத்திருந்தான்.
அப்போது அந்த மருத்துவமனைக்கு தள்ளாத வயதுடைய முதியவர் ஒருவர் நுழையக் கண்டான். அந்த வயதிலும் அந்த முதியவர் கைத்தடி எதுவும் இல்லாமல் மருத்துவமனைக்கு தனியாக வந்தது அவனுக்கு வியப்பை அளித்தது. அவர் அவனருகே அமர்ந்தார். மருத்துவரைப் பார்க்க நேரம் அதிகமானதால் பொழுதைப் போக்க இருவரும் பேசிக்கொண்டார்கள்.
அந்த முதியவர் அவனிடம் ஒரு கட்டத்தில் கேட்டார். "நீ புகை பிடிப்பதுண்டா?"
கதிர் பெருமையாகச் சொன்னான். "இல்லை"
அவர் சொன்னார். "நான் தினமும் மூன்று பேக்கட் சிகரெட்டுகள் புகைப்பேன். பன்னிரண்டாம் வயதில் ஆரம்பித்த பழக்கம் அது. நீ மது குடிப்பதுண்டா?"
கதிர் சொன்னான். "இல்லை"
அவர் பெருமையாகச் சொன்னார். "நான் பதினாறாம் வயது முதல் மது குடிக்கிறேன். தற்போது தினந்தோறும் இரண்டு முறை இரண்டு புட்டி மதுவைக் காலையிலும், இரவிலும் குடிப்பேன்."
கதிருக்கு வியப்பாக இருந்தது.
முதியவர் மிகவும் ரகசியமாகக் கேட்டார். "உனக்கு பெண்களுடன் அனுபவம் எப்படி?"
கதிர் சொன்னான். "எனக்கு இன்னும் திருமணமாகவில்லை....."
முதியவர் புன்னகையுடன் சொன்னார். "நானும் திருமணம் செய்து கொள்ளவில்லை. ஆனால் பதினெட்டாம் வயது முதல் கணக்கில்லாத பெண்களுடன் உல்லாசமாக இருந்திருக்கிறேன்....."
முதியவருடன் பேசிக் கொண்டே போனதில் அவருக்கு இல்லாத தீயபழக்கங்கள் இல்லை என்று கதிருக்குத் தெரிந்தது. முதியவர் வாழ்க்கையில் எல்லாவற்றையும் முழுமையாக அனுபவித்து விட வேண்டும் என்ற வெறியுடன் இருப்பவராகத் தெரிந்தார். எதிலும் எப்போதும் கட்டுப்பாடில்லாமல் அனுபவித்து இத்தனை வருடங்கள் வாழ்ந்த அவர் அவனை ஆச்சரியப்படுத்தினார். ஒவ்வொன்றிலும் கட்டுப்பாடோடு வாழ்ந்ததன் மூலம் நிறைய இழந்து விட்டோமா என்று கூட கதிருக்குத் தோன்ற ஆரம்பித்தது.
"இப்போது எதற்காக மருத்துவரைப் பார்க்க வந்திருக்கிறீர்கள்?" என்று கதிர் கேட்டான்.
சில நாட்களாக மூச்சுத் திணறல், நரம்புத்தளர்ச்சி, பலவீனம் போன்றவற்றால் பாதிக்கப்பட்டுள்ளதாக முதியவர் கூறினார். இந்த வயதில் இது பெரிய விஷயமல்ல என்று நினைத்த கதிர் ஆவலுடன் அவர் வயதைக் கேட்டான்.
அவர் சொன்னார். "27"
இவ்வளவு நேரம் தன்னுடன் பேசிக் கொண்டிருந்தவர் முதியவரே அல்ல, இளைஞர் தான் என்று தெரிந்த கதிர் அதிர்ச்சி அடைந்தான். இது தான் ஒழுக்கமில்லாத வாழ்க்கையின் முடிவு.
திருவள்ளுவர் ஒழுக்கத்தின் அவசியத்தை ரத்தினச் சுருக்கமாக பல குறள்களில் கூறியுள்ளார். அவற்றுள் சில-
ஒழுக்கம் விழுப்பம் தரலான் ஒழுக்கம்
உயிரினும் ஓம்பப்படும்.
(ஒழுக்கமே எல்லோருக்கும் மேன்மையைத் தருவதால் அந்த ஒழுக்கம் உயிரையும் விடச் சிறந்ததாகப் போற்றப்படும்)
நன்றிக்கு வித்தாகும் நல்லொழுக்கம் தீயொழுக்கம்
என்றும் இடும்பைத் தரும்.
(நல்லொழுக்கம் இன்பமான நல்வாழ்க்கைக்குக் காரணமாக இருக்கும். தீயொழுக்கம் எப்போதும் துன்பத்தைத் தரும்)
பரிந்தோம்பிக் காக்க ஒழுக்கம் தெரிந்தோம்பித்
தேரினும் அ·தே துணை.
(ஒழுக்கத்தை வருந்தியும் போற்றிக் காக்க வேண்டும். பலவற்றையும் ஆராய்ந்து போற்றித் தெரிந்தாலும் உண்மையில் அந்த ஒழுக்கமே வாழ்க்கையில் துணையாக நிற்கும்)
இந்தக் குறள்களின் கருத்துகளுக்கு எத்தனையோ உயிருள்ள உதாரணங்களை இன்றும் நம்மால் பார்க்க முடியும். எத்தனையோ அறிவாளிகள், புத்திசாலிகள் கூட ஒழுக்கம் என்ற ஒரு விஷயத்தில் தவறி விட்டு தீய பழக்கங்களுக்கு அடிமையாகி வாழ்க்கையையே கோட்டை விட்டு நிற்பதை நம்மால் காண முடியும். அவர்களை விடக் குறைந்த அறிவிருந்தாலும், குறைந்த கல்வியே பெற்றிருந்தாலும் ஒழுக்கமாக இருப்பவர்கள் எத்தனையோ நிம்மதியாகவும், நிறைவாகவும் வாழ்வதையும் நாம் காணலாம்.
ஒழுக்கத்துடனும், கட்டுப்பாட்டுடனும் இருப்பது ஆரம்பத்தில் கஷ்டமாக இருக்கலாம். ஆனால் முடிவில் அது பெரிய பாதுகாப்பு வளையமாக இருக்கும் என்பதில் சந்தேகமே இல்லை. அதே போல் ஒழுக்கமின்மை ஆரம்பத்தில் கிளர்ச்சிகளைத் தரலாம். கடைசியில் அது எத்தனையோ பிரச்னைகளுக்கு வேராக நின்று துன்புறுத்தும் என்பதிலும் சந்தேகமில்லை.
ஒழுக்கமான வாழ்க்கை ஏதோ உப்புசப்பில்லாத வாழ்க்கை என்பது போல் சிலர் உருவகப்படுத்தி விடுகிறார்கள். அதில் சிறிதும் உண்மை இல்லை. ஒழுக்கமான வாழ்க்கையில் உண்மையான ஆனந்தத்திற்குக் குறைவில்லை. நல்ல வழியிலேயே இங்கு ஆனந்தம் ஏராளமாக இருக்கிறது. நல்ல இசையிலும், நல்ல புத்தகத்திலும், நல்ல வாழ்க்கைத் துணையிலும் கிடைக்காத ஆனந்தமா புகையிலும், மதுவிலும், தவறான உடலுறவிலும் கிடைத்து விடப்போகிறது? அழகான இயற்கைக் காட்சிகளிலும், மழலைகளின் பேச்சுகளிலும் கிடைக்காத மகிழ்ச்சியா போதையில் கிடைத்து விடப்போகிறது?
மேலும் நல்ல வழிகளில் கிடைக்கும் ஆனந்தம் முடிவில் மனிதனை உயர்த்தி விடுகிறது. தீய வழிகளில் கிடைக்கும் கிளர்ச்சிகள் கடைசியில் மனிதனின் தரத்தை தாழ்த்தி விடுகிறது. இன்னொரு உண்மை என்னவென்றால் ஒழுக்கமாக வாழ்பவன் தான் மட்டுமல்லாமல் தன் குடும்பத்தாரையும், தன்னைச் சேர்ந்தவர்களையும் கூட நிறைவாக இருக்க விடுகிறான். அதே சமயம் ஒழுக்கமில்லாதவன் தன் குடும்பத்தினருக்கும், தன்னைச் சேர்ந்தவர்களுக்கும், தீராத மன உளைச்சலை ஏற்படுத்தி விடுகிறான்.
நம்மையும் உயர்த்தி, நம்மைச் சார்ந்தவர்களையும் நிம்மதியாக இருக்க விடும் ஒழுக்கம் மேன்மையா? இல்லை நம்மை சீரழித்து, நம்மைச் சேர்ந்தவர்களைத் துயரத்தில் ஆழ்த்தும் ஒழுக்கமில்லாத வாழ்க்கை தேவையா?
சிந்தித்துப் பார்த்து பதில் சொல்லுங்கள். ஒழுக்கம் அவசியமா? இல்லையா?
கதிர் ஒரு கட்டிளங்காளை. மிகவும் ஒழுக்கமானவன். எல்லா விஷயங்களிலும் கட்டுப்பாடுடையவன். தன் உடலை உடற்பயிற்சிகளாலும், யோகாசனங்களாலும் நன்கு பாதுகாக்கிறவன். அவன் ஒரு முறை தங்கள் யோகா வகுப்பினர் நடத்தும் ஒரு சொற்பொழிவில் கலந்து கொள்ள அழைப்பு விடுக்க ஒரு புகழ்பெற்ற மருத்துவரைக் காணச் சென்றான். அந்த மருத்துவமனையில் கூட்டம் நிரம்பி வழிந்தது. அவரைக் காண அவன் காத்திருந்தான்.
அப்போது அந்த மருத்துவமனைக்கு தள்ளாத வயதுடைய முதியவர் ஒருவர் நுழையக் கண்டான். அந்த வயதிலும் அந்த முதியவர் கைத்தடி எதுவும் இல்லாமல் மருத்துவமனைக்கு தனியாக வந்தது அவனுக்கு வியப்பை அளித்தது. அவர் அவனருகே அமர்ந்தார். மருத்துவரைப் பார்க்க நேரம் அதிகமானதால் பொழுதைப் போக்க இருவரும் பேசிக்கொண்டார்கள்.
அந்த முதியவர் அவனிடம் ஒரு கட்டத்தில் கேட்டார். "நீ புகை பிடிப்பதுண்டா?"
கதிர் பெருமையாகச் சொன்னான். "இல்லை"
அவர் சொன்னார். "நான் தினமும் மூன்று பேக்கட் சிகரெட்டுகள் புகைப்பேன். பன்னிரண்டாம் வயதில் ஆரம்பித்த பழக்கம் அது. நீ மது குடிப்பதுண்டா?"
கதிர் சொன்னான். "இல்லை"
அவர் பெருமையாகச் சொன்னார். "நான் பதினாறாம் வயது முதல் மது குடிக்கிறேன். தற்போது தினந்தோறும் இரண்டு முறை இரண்டு புட்டி மதுவைக் காலையிலும், இரவிலும் குடிப்பேன்."
கதிருக்கு வியப்பாக இருந்தது.
முதியவர் மிகவும் ரகசியமாகக் கேட்டார். "உனக்கு பெண்களுடன் அனுபவம் எப்படி?"
கதிர் சொன்னான். "எனக்கு இன்னும் திருமணமாகவில்லை....."
முதியவர் புன்னகையுடன் சொன்னார். "நானும் திருமணம் செய்து கொள்ளவில்லை. ஆனால் பதினெட்டாம் வயது முதல் கணக்கில்லாத பெண்களுடன் உல்லாசமாக இருந்திருக்கிறேன்....."
முதியவருடன் பேசிக் கொண்டே போனதில் அவருக்கு இல்லாத தீயபழக்கங்கள் இல்லை என்று கதிருக்குத் தெரிந்தது. முதியவர் வாழ்க்கையில் எல்லாவற்றையும் முழுமையாக அனுபவித்து விட வேண்டும் என்ற வெறியுடன் இருப்பவராகத் தெரிந்தார். எதிலும் எப்போதும் கட்டுப்பாடில்லாமல் அனுபவித்து இத்தனை வருடங்கள் வாழ்ந்த அவர் அவனை ஆச்சரியப்படுத்தினார். ஒவ்வொன்றிலும் கட்டுப்பாடோடு வாழ்ந்ததன் மூலம் நிறைய இழந்து விட்டோமா என்று கூட கதிருக்குத் தோன்ற ஆரம்பித்தது.
"இப்போது எதற்காக மருத்துவரைப் பார்க்க வந்திருக்கிறீர்கள்?" என்று கதிர் கேட்டான்.
சில நாட்களாக மூச்சுத் திணறல், நரம்புத்தளர்ச்சி, பலவீனம் போன்றவற்றால் பாதிக்கப்பட்டுள்ளதாக முதியவர் கூறினார். இந்த வயதில் இது பெரிய விஷயமல்ல என்று நினைத்த கதிர் ஆவலுடன் அவர் வயதைக் கேட்டான்.
அவர் சொன்னார். "27"
இவ்வளவு நேரம் தன்னுடன் பேசிக் கொண்டிருந்தவர் முதியவரே அல்ல, இளைஞர் தான் என்று தெரிந்த கதிர் அதிர்ச்சி அடைந்தான். இது தான் ஒழுக்கமில்லாத வாழ்க்கையின் முடிவு.
திருவள்ளுவர் ஒழுக்கத்தின் அவசியத்தை ரத்தினச் சுருக்கமாக பல குறள்களில் கூறியுள்ளார். அவற்றுள் சில-
ஒழுக்கம் விழுப்பம் தரலான் ஒழுக்கம்
உயிரினும் ஓம்பப்படும்.
(ஒழுக்கமே எல்லோருக்கும் மேன்மையைத் தருவதால் அந்த ஒழுக்கம் உயிரையும் விடச் சிறந்ததாகப் போற்றப்படும்)
நன்றிக்கு வித்தாகும் நல்லொழுக்கம் தீயொழுக்கம்
என்றும் இடும்பைத் தரும்.
(நல்லொழுக்கம் இன்பமான நல்வாழ்க்கைக்குக் காரணமாக இருக்கும். தீயொழுக்கம் எப்போதும் துன்பத்தைத் தரும்)
பரிந்தோம்பிக் காக்க ஒழுக்கம் தெரிந்தோம்பித்
தேரினும் அ·தே துணை.
(ஒழுக்கத்தை வருந்தியும் போற்றிக் காக்க வேண்டும். பலவற்றையும் ஆராய்ந்து போற்றித் தெரிந்தாலும் உண்மையில் அந்த ஒழுக்கமே வாழ்க்கையில் துணையாக நிற்கும்)
இந்தக் குறள்களின் கருத்துகளுக்கு எத்தனையோ உயிருள்ள உதாரணங்களை இன்றும் நம்மால் பார்க்க முடியும். எத்தனையோ அறிவாளிகள், புத்திசாலிகள் கூட ஒழுக்கம் என்ற ஒரு விஷயத்தில் தவறி விட்டு தீய பழக்கங்களுக்கு அடிமையாகி வாழ்க்கையையே கோட்டை விட்டு நிற்பதை நம்மால் காண முடியும். அவர்களை விடக் குறைந்த அறிவிருந்தாலும், குறைந்த கல்வியே பெற்றிருந்தாலும் ஒழுக்கமாக இருப்பவர்கள் எத்தனையோ நிம்மதியாகவும், நிறைவாகவும் வாழ்வதையும் நாம் காணலாம்.
ஒழுக்கத்துடனும், கட்டுப்பாட்டுடனும் இருப்பது ஆரம்பத்தில் கஷ்டமாக இருக்கலாம். ஆனால் முடிவில் அது பெரிய பாதுகாப்பு வளையமாக இருக்கும் என்பதில் சந்தேகமே இல்லை. அதே போல் ஒழுக்கமின்மை ஆரம்பத்தில் கிளர்ச்சிகளைத் தரலாம். கடைசியில் அது எத்தனையோ பிரச்னைகளுக்கு வேராக நின்று துன்புறுத்தும் என்பதிலும் சந்தேகமில்லை.
ஒழுக்கமான வாழ்க்கை ஏதோ உப்புசப்பில்லாத வாழ்க்கை என்பது போல் சிலர் உருவகப்படுத்தி விடுகிறார்கள். அதில் சிறிதும் உண்மை இல்லை. ஒழுக்கமான வாழ்க்கையில் உண்மையான ஆனந்தத்திற்குக் குறைவில்லை. நல்ல வழியிலேயே இங்கு ஆனந்தம் ஏராளமாக இருக்கிறது. நல்ல இசையிலும், நல்ல புத்தகத்திலும், நல்ல வாழ்க்கைத் துணையிலும் கிடைக்காத ஆனந்தமா புகையிலும், மதுவிலும், தவறான உடலுறவிலும் கிடைத்து விடப்போகிறது? அழகான இயற்கைக் காட்சிகளிலும், மழலைகளின் பேச்சுகளிலும் கிடைக்காத மகிழ்ச்சியா போதையில் கிடைத்து விடப்போகிறது?
மேலும் நல்ல வழிகளில் கிடைக்கும் ஆனந்தம் முடிவில் மனிதனை உயர்த்தி விடுகிறது. தீய வழிகளில் கிடைக்கும் கிளர்ச்சிகள் கடைசியில் மனிதனின் தரத்தை தாழ்த்தி விடுகிறது. இன்னொரு உண்மை என்னவென்றால் ஒழுக்கமாக வாழ்பவன் தான் மட்டுமல்லாமல் தன் குடும்பத்தாரையும், தன்னைச் சேர்ந்தவர்களையும் கூட நிறைவாக இருக்க விடுகிறான். அதே சமயம் ஒழுக்கமில்லாதவன் தன் குடும்பத்தினருக்கும், தன்னைச் சேர்ந்தவர்களுக்கும், தீராத மன உளைச்சலை ஏற்படுத்தி விடுகிறான்.
நம்மையும் உயர்த்தி, நம்மைச் சார்ந்தவர்களையும் நிம்மதியாக இருக்க விடும் ஒழுக்கம் மேன்மையா? இல்லை நம்மை சீரழித்து, நம்மைச் சேர்ந்தவர்களைத் துயரத்தில் ஆழ்த்தும் ஒழுக்கமில்லாத வாழ்க்கை தேவையா?
சிந்தித்துப் பார்த்து பதில் சொல்லுங்கள். ஒழுக்கம் அவசியமா? இல்லையா?
நமது வாழ்க்கை -கதை
ஒரு மனிதன் தனியாக நடந்து கொண்டிருந்தான். அப்போது அருகில் இருந்த மற்றைகள் ஆடுவது தெரிந்தது. திரும்பிப் பார்த்தான் ஒரு யானை நின்றது. அவன் அலறியபடியே ஓடலானான், யானையும் அவனை விரட்டியது.
வேகமாக ஓடிவந்தவன் அப்படியே ஒரு மலை உச்சிக்கு வந்துவிட்டான். அங்கே முகட்டில் ஒரேயொரு மரம் இருந்தது, அந்த மரத்தில் ஏறி ஒரு கொப்பில் தொங்கினான். யானை அவனை பிடிப்பதற்காக தும்பிக்கையை நீட்டியது. அதனிடம் அகப்படாமல் அடுத்த கொப்பிற்கு தாவினான். அப்படியே கீழே பார்த்தான். அங்கே அதல பாதாளம் தெரிந்தது. கீழே விழுந்தால் எலும்பையும் எடுக்க இயலாது.
அந்தப் பாதாளத்தையே கூர்ந்து பார்த்தான். அந்த பள்ளத்தின் படியில் ஒரு சிங்கம் வெகுநாள் பசியோடு அவனையே விழுங்க வாயைத் திறந்தபடி இருந்தது.
மேலே பார்த்தான், இரண்டு குருவிகள் ஒன்று கறுப்பு, மற்றது வெள்ளை ஒன்று மாறி ஒன்று மரக்கொப்பை கொத்தியபடி இருந்தன. அந்த அதிர்வில் மரத்தின் உச்சியில் இருந்த தேன்கூடு உடைந்து தேன் துளிகள் பொட்டு பொட்டென அவன் வாயை நோக்கி சிந்தியன. அந்தத் தேன் துளிகளை சுவைத்தபடி அவன் தொங்கினான்.
இந்தக் கதையில் வரும் யானைதான் வாழ்க்கையின் பிரச்சனை. அதற்குப் பயந்து ஓடி மரத்தில் தொங்குபவனே மனிதன்.
பாதாளத்தில் இருக்கும் சிங்கமே நெருங்கும் மரணம்.
அவன் தொங்கும் மெல்லிய கொப்புத்தான் வாழும் காலம் என்ற அவனுடைய ஆயுள் காலம்.
கறுப்பு வெள்ளை குருவிகள் என்பது இரவும் பகலும். ஒவ்வொரு இரவும் பகலும் முடிய முடிய வாழ்வும் முடிகிறது. வாழ்க்கை என்னும் மரக்கொப்பை முறித்து பாதாளத்தில் விழுத்தும் குருவிகள்.
அவன் வாயில் சிந்தும் தேன்துளிதான் வாழ்வில் காணும் இன்பம்.
இதுதான் நமது வாழ்க்கை என்கிறது கதை.
இதை அறியாமல் தினசரி அச்சத்துடனும், துன்பத்துடனும் வாழ்கிறான் மனிதன். இன்பத்தை பகிஷ்கரிக்க வேண்டுமென ஓலமிடுகிறான்.
பைத்தியக்காரரின் பேச்சுக்களை கேட்காமல் கிடைக்கும் இன்பமே நிஜம் என்பதை உணருங்கள். அந்த மகிழ்வெனும் தேன் துளிகளை உடனடியாகக் குடியுங்கள் என்பது கதையின் பொருளாகும்.
வேகமாக ஓடிவந்தவன் அப்படியே ஒரு மலை உச்சிக்கு வந்துவிட்டான். அங்கே முகட்டில் ஒரேயொரு மரம் இருந்தது, அந்த மரத்தில் ஏறி ஒரு கொப்பில் தொங்கினான். யானை அவனை பிடிப்பதற்காக தும்பிக்கையை நீட்டியது. அதனிடம் அகப்படாமல் அடுத்த கொப்பிற்கு தாவினான். அப்படியே கீழே பார்த்தான். அங்கே அதல பாதாளம் தெரிந்தது. கீழே விழுந்தால் எலும்பையும் எடுக்க இயலாது.
அந்தப் பாதாளத்தையே கூர்ந்து பார்த்தான். அந்த பள்ளத்தின் படியில் ஒரு சிங்கம் வெகுநாள் பசியோடு அவனையே விழுங்க வாயைத் திறந்தபடி இருந்தது.
மேலே பார்த்தான், இரண்டு குருவிகள் ஒன்று கறுப்பு, மற்றது வெள்ளை ஒன்று மாறி ஒன்று மரக்கொப்பை கொத்தியபடி இருந்தன. அந்த அதிர்வில் மரத்தின் உச்சியில் இருந்த தேன்கூடு உடைந்து தேன் துளிகள் பொட்டு பொட்டென அவன் வாயை நோக்கி சிந்தியன. அந்தத் தேன் துளிகளை சுவைத்தபடி அவன் தொங்கினான்.
இந்தக் கதையில் வரும் யானைதான் வாழ்க்கையின் பிரச்சனை. அதற்குப் பயந்து ஓடி மரத்தில் தொங்குபவனே மனிதன்.
பாதாளத்தில் இருக்கும் சிங்கமே நெருங்கும் மரணம்.
அவன் தொங்கும் மெல்லிய கொப்புத்தான் வாழும் காலம் என்ற அவனுடைய ஆயுள் காலம்.
கறுப்பு வெள்ளை குருவிகள் என்பது இரவும் பகலும். ஒவ்வொரு இரவும் பகலும் முடிய முடிய வாழ்வும் முடிகிறது. வாழ்க்கை என்னும் மரக்கொப்பை முறித்து பாதாளத்தில் விழுத்தும் குருவிகள்.
அவன் வாயில் சிந்தும் தேன்துளிதான் வாழ்வில் காணும் இன்பம்.
இதுதான் நமது வாழ்க்கை என்கிறது கதை.
இதை அறியாமல் தினசரி அச்சத்துடனும், துன்பத்துடனும் வாழ்கிறான் மனிதன். இன்பத்தை பகிஷ்கரிக்க வேண்டுமென ஓலமிடுகிறான்.
பைத்தியக்காரரின் பேச்சுக்களை கேட்காமல் கிடைக்கும் இன்பமே நிஜம் என்பதை உணருங்கள். அந்த மகிழ்வெனும் தேன் துளிகளை உடனடியாகக் குடியுங்கள் என்பது கதையின் பொருளாகும்.
இனி இன்றய நல்ல தகவல்கள்
இனி இன்றய நல்ல தகவல்கள்.
பன்நெடுங்காலமாகவே மூடத்தனத்தில் மூழ்கிக் கிடக்கும் மனிதனுக்கு விமோசனம் உண்டா ? அவனுடைய அறியாமை இருளைப் போக்கிட முடியுமா ? அவனது அடிமை விலங்குகளை உடைத்தெறிய முடியுமா ? எனப் பலவாறு சிந்தித்து அதற்கான வழிகை தேடத் தொடங்கிய அறிஞர் இங்கர்சாலின் கருத்துக்களில் இருந்து..
01. இந்த உலகத்தில் உண்மையிலேயே ஒன்றுமில்லாததும், கண்ணீர் மட்டுமே மிஞ்சுவதும், தேன்துளிகள் கூட கிடைக்காத அவல வாழ்வாக இருப்பதும் அரசியல் வாழ்வுதான். அரசியலுக்காக ஏமார்ந்து கோஷமிடுவது அதைவிட அவலமான வாழ்வாகும்.
02. ஒவ்வொரு தொட்டிலும் எங்கிருந்து வந்தேன் என்று கேட்கிறது, ஒவ்வொரு சவப்பெட்டியும் எங்கே போகிறேன் என்று கேட்கிறது.
03. எந்தப் பெண்ணை மனப்பூர்வமாக காதலிக்கிறாயோ அவள் என்றும் உன் கண்களுக்கு குமரியாக தோன்றுவாள்.
04. எவ்வித நோக்கமும் இன்றி மனிதனை இயற்கை படைக்கிறது, அதுபோலவே எவ்வித நோக்கமும் இன்றியே அழிக்கவும் செய்கிறது.
05. தான் ஏமாற்றப்படுகிறேன் என்ற உண்மையை எவன் கண்டு பிடிக்கிறானோ அப்போதே அவன் இருட்டில் ஒரு விளக்கை ஏற்றியவனாகின்றான்.
06. பெற்ற சுதந்திரத்தை மற்றவருக்கும் பகிர்ந்தளிக்க தவறுபவன் அயோக்கியன் மட்டுமல்ல களங்கம் உடையவனும் ஆவான்.
07. இவ்வுலகில் மிகவும் புரட்சிகரமானது கல்வி. ஓர் எழுத்தை கற்றுத்தருவது ஒரு புரட்சிக்கு வித்திடுவதாகும். ஒரு பாடசாலையைக் கட்டுவது கோட்டையை கட்டுவதற்கு ஒப்பான செயலாகும்.
08. மகிழ்ச்சி அடைவதற்கான வழி மற்றவரையும் மகிழச் செய்வதுதான். பிறகு என்று இல்லாமல் இன்பத்தை இப்போதே அனுபவி.
09. இயற்கையின் தடைகளை தாண்டினால் மட்டுமே மனிதனால் முன்னேற முடியும். உழைப்பினாலும் சிந்தனையாலுமே அது சாத்தியமாகும். அனைத்திற்கும் உழைப்பே அத்திவாரமாகும். கடின உழைப்பில்லாது முன்னேற்றம் என்பது முடியாத காரியமாகும்.
10. வயலில் உழைப்பவன், விதைத்து அறுப்பவன், உலைக்களத்தின் சுவாலையில் முகம் சிவப்பவன், கோடரியால் மரத்தைப் பிளப்பவன், கண்டுபிடிப்பாளன், கடலின் அலைகளோடு போராடுபவன், ஆராய்ச்சியாளன், சிந்தனையாளன் ஆகியோரைப் பொறுத்தே ஒரு நாட்டின் முன்னேற்றம் அமையும். இவைகளை துப்பாக்கியால் தீர்மானித்தால் துர்ப்பாக்கியமே பரிசாகக் கிடைக்கும்.
11. காதலும் மரணமும் கை கோர்க்கும்போது எழுவதுதான் அற்புதமான இசை. உணர்ச்சிகள் அனைத்திலும் சிறந்தது காதல்..! மரணம் என்பது அதன் நிழல்… ! ஆமாம்… கல்லறைகளின் கரையில் பூத்துள்ள மலர்களே காதலாகும்.
12. படித்தவனே சிந்திக்கிறான்! சிந்திக்கிறவனே முன்னேறுகிறான்.
13. ஒரு ஆணும் பெண்ணும் ஒருவரை ஒருவர் மனப்பூர்வமாக நேசிக்கும் குடும்பத்தில் அமைதி நிலவும்.
14. ஆன்மாவின் சட்டபூர்வமான பாதுகாவலன்தான் இன்பம். அந்த இன்பமே ஒருவனது உண்மையான ஆஸ்தி.
15. நன்மைக்கு நன்மை செய் ! தீமைக்கு நீதி வழங்கு !
16. இல்லாத கடவுளின் பலிபீடம் கணக்கற்ற தலைமுறைகளாக மனித இரத்தத்தால் கழுவப்பட்டு வருகிறது.
17. உயிருடன் இருப்போருக்கு உதவி செய் !சிறந்தவரிடம் நம்பிக்கை வை ! இவைகளே உனக்குப் போதும்.
18. ஏழ்மை ஒரு நோய் அதை ஏற்றுக் கொண்டவுடன் அது நிலைபெற்றுவிடுகிறது. பிறகு அதை அசைப்பது கடினம்.
19. ஏழ்மையில் பிறப்பது அவமானகரமானதல்ல ஆனால் அது மாற்ற முடியாத ஒன்றொன நினைப்பதே அவமானகரமானதாகும்.
20. ஒருவனைத் தூண்டி திட்டமிடச் செய்து, உயர் நோக்கங்களை அடைய வைக்கும் உபாயமே ஏழ்மையாகும்
பன்நெடுங்காலமாகவே மூடத்தனத்தில் மூழ்கிக் கிடக்கும் மனிதனுக்கு விமோசனம் உண்டா ? அவனுடைய அறியாமை இருளைப் போக்கிட முடியுமா ? அவனது அடிமை விலங்குகளை உடைத்தெறிய முடியுமா ? எனப் பலவாறு சிந்தித்து அதற்கான வழிகை தேடத் தொடங்கிய அறிஞர் இங்கர்சாலின் கருத்துக்களில் இருந்து..
01. இந்த உலகத்தில் உண்மையிலேயே ஒன்றுமில்லாததும், கண்ணீர் மட்டுமே மிஞ்சுவதும், தேன்துளிகள் கூட கிடைக்காத அவல வாழ்வாக இருப்பதும் அரசியல் வாழ்வுதான். அரசியலுக்காக ஏமார்ந்து கோஷமிடுவது அதைவிட அவலமான வாழ்வாகும்.
02. ஒவ்வொரு தொட்டிலும் எங்கிருந்து வந்தேன் என்று கேட்கிறது, ஒவ்வொரு சவப்பெட்டியும் எங்கே போகிறேன் என்று கேட்கிறது.
03. எந்தப் பெண்ணை மனப்பூர்வமாக காதலிக்கிறாயோ அவள் என்றும் உன் கண்களுக்கு குமரியாக தோன்றுவாள்.
04. எவ்வித நோக்கமும் இன்றி மனிதனை இயற்கை படைக்கிறது, அதுபோலவே எவ்வித நோக்கமும் இன்றியே அழிக்கவும் செய்கிறது.
05. தான் ஏமாற்றப்படுகிறேன் என்ற உண்மையை எவன் கண்டு பிடிக்கிறானோ அப்போதே அவன் இருட்டில் ஒரு விளக்கை ஏற்றியவனாகின்றான்.
06. பெற்ற சுதந்திரத்தை மற்றவருக்கும் பகிர்ந்தளிக்க தவறுபவன் அயோக்கியன் மட்டுமல்ல களங்கம் உடையவனும் ஆவான்.
07. இவ்வுலகில் மிகவும் புரட்சிகரமானது கல்வி. ஓர் எழுத்தை கற்றுத்தருவது ஒரு புரட்சிக்கு வித்திடுவதாகும். ஒரு பாடசாலையைக் கட்டுவது கோட்டையை கட்டுவதற்கு ஒப்பான செயலாகும்.
08. மகிழ்ச்சி அடைவதற்கான வழி மற்றவரையும் மகிழச் செய்வதுதான். பிறகு என்று இல்லாமல் இன்பத்தை இப்போதே அனுபவி.
09. இயற்கையின் தடைகளை தாண்டினால் மட்டுமே மனிதனால் முன்னேற முடியும். உழைப்பினாலும் சிந்தனையாலுமே அது சாத்தியமாகும். அனைத்திற்கும் உழைப்பே அத்திவாரமாகும். கடின உழைப்பில்லாது முன்னேற்றம் என்பது முடியாத காரியமாகும்.
10. வயலில் உழைப்பவன், விதைத்து அறுப்பவன், உலைக்களத்தின் சுவாலையில் முகம் சிவப்பவன், கோடரியால் மரத்தைப் பிளப்பவன், கண்டுபிடிப்பாளன், கடலின் அலைகளோடு போராடுபவன், ஆராய்ச்சியாளன், சிந்தனையாளன் ஆகியோரைப் பொறுத்தே ஒரு நாட்டின் முன்னேற்றம் அமையும். இவைகளை துப்பாக்கியால் தீர்மானித்தால் துர்ப்பாக்கியமே பரிசாகக் கிடைக்கும்.
11. காதலும் மரணமும் கை கோர்க்கும்போது எழுவதுதான் அற்புதமான இசை. உணர்ச்சிகள் அனைத்திலும் சிறந்தது காதல்..! மரணம் என்பது அதன் நிழல்… ! ஆமாம்… கல்லறைகளின் கரையில் பூத்துள்ள மலர்களே காதலாகும்.
12. படித்தவனே சிந்திக்கிறான்! சிந்திக்கிறவனே முன்னேறுகிறான்.
13. ஒரு ஆணும் பெண்ணும் ஒருவரை ஒருவர் மனப்பூர்வமாக நேசிக்கும் குடும்பத்தில் அமைதி நிலவும்.
14. ஆன்மாவின் சட்டபூர்வமான பாதுகாவலன்தான் இன்பம். அந்த இன்பமே ஒருவனது உண்மையான ஆஸ்தி.
15. நன்மைக்கு நன்மை செய் ! தீமைக்கு நீதி வழங்கு !
16. இல்லாத கடவுளின் பலிபீடம் கணக்கற்ற தலைமுறைகளாக மனித இரத்தத்தால் கழுவப்பட்டு வருகிறது.
17. உயிருடன் இருப்போருக்கு உதவி செய் !சிறந்தவரிடம் நம்பிக்கை வை ! இவைகளே உனக்குப் போதும்.
18. ஏழ்மை ஒரு நோய் அதை ஏற்றுக் கொண்டவுடன் அது நிலைபெற்றுவிடுகிறது. பிறகு அதை அசைப்பது கடினம்.
19. ஏழ்மையில் பிறப்பது அவமானகரமானதல்ல ஆனால் அது மாற்ற முடியாத ஒன்றொன நினைப்பதே அவமானகரமானதாகும்.
20. ஒருவனைத் தூண்டி திட்டமிடச் செய்து, உயர் நோக்கங்களை அடைய வைக்கும் உபாயமே ஏழ்மையாகும்
மூளையைப் பாதிக்கும் 10 பழக்கங்கள்
1. காலையில் உணவு உண்ணாமல் இருப்பது : காலையில் உணவு உண்ணாமல் இருப்பவர்களுக்கு ரத்தத்தில் குறைவான அளவே சர்க்கரை இருக்கும். இது மூளைக்குத் தேவையான சக்தியையும் தேவையான ஊட்டச்சத்துக்களையும் கொடுக்காமல் ஆக்கி, மூளை அழிவுக்குக் காரணமாகும்.
2. மிக அதிகமாகச் சாப்பிடுவது : இது மூளையில் இருக்கும் ரத்த நாளங்கள் இறுகக் காரணமாகி, மூளையின் சக்தி குறைவுக்குக் காரணமாகும்.
3. புகை பிடித்தல் : மூளை சுருங்கவும், அல்ûஸமர்ஸ் வியாதி வருவதற்கும் காரணமாகிறது.
4. நிறைய சர்க்கரை சாப்பிடுதல் : நிறைய சர்க்கரை சாப்பிடுவது, புரோட்டின் நமது உடலில் சேர்வதைத் தடுக்கிறது. இதுவும் மூளை வளர்ச்சிக்கு பாதிப்பாகிறது.
5. மாசு நிறைந்த காற்று : மாசு நிறைந்த காற்றை சுவாசித்தல், நமக்குத் தேவையான ஆக்ஸிஜனை நாம் பெறுவதிலிருந்துதடை செய்கிறது. மூளைக்கு ஆக்ஸிஜன் செல்லா விட்டால், மூளை பாதிப்படையும்.
6. தூக்கமின்மை : நல்ல தூக்கம் நம் மூளைக்கு ஓய்வு கொடுக்கும். வெகுகாலம் தேவையானஅளவு தூங்காமலிருப்பது மூளைக்கு நீண்டகாலப் பாதிப்பை ஏற்படுத்தும்.
7. தலையை மூடிக்கொண்டு தூங்குவது : தலையை மூடிக்கொண்டு தூங்குவது, போர்வைக்குள் கரியமிலவாயு அதிகரிக்க வைக்கிறது. இது நீங்கள்; சுவாசிக்கும் ஆக்ஸிஜனை குறைக்கிறது. குறைவான ஆக்ஸிஜன் மூளையைப் பாதிக்கிறது.
8. நோயுற்ற காலத்தில் மூளைக்கு வேலை கொடுப்பது : உடல் நோயுற்ற காலத்தில் மிக அதிகமாக மூளைக்கு வேலை கொடுப்பதும், தீவிரமாகப் படிப்பதும் மூளையைப் பாதிக்கும். உடல் சரியாக ஆனபின்னால், மூளைக்கு வேலை கொடுப்பதே சிறந்தது.
9. மூளைக்கு வேலை கொடுக்கும் சிந்தனைகளை மேற்கொள்ளாமல் இருப்பது : மூளையை அதிகமாக உபயோகப்படுத்தும் சிந்தனைகளை மேற்கொள்வதால், மூளையில் புதுப்புது இணைப்புகள் உருவாகின்றன. அதனால், மூளை வலிமையான உறுப்பாக ஆகிறது.
10. பேசாமல் இருப்பது : அறிவுப்பூர்வமான உரையாடல்களை மேற்கொள்வது மூளையின் வலிமையை அதிகரிக்கிறது.
வாழ்க்கையில் முன்னேற பத்து வழிகள்
1. வாழ்க்கைத் திட்டம் இல்லாமை
தெளிவான வாழ்க்கைத் திட்டத்தை வகுத்தவர்கள் எல்லோருமே வெற்றி பெற்ற மனிதர்களாக உலா வருகிறார்கள். தங்கள் முன்னேற்றத்திற்கு இதை இதை செய்ய வேண்டும் என்று திட்டமிட்டு அவற்றை மனதில் கொண்டு இவர்கள் செயல்பட்டு இருப்பார்கள். அல்லது, தங்கள் திட்டங்களை வரிசைப்படுத்தி எழுதிவைத்து செயல்படுத்தி இருப்பார்கள்.அந்தத் திட்டங்களை உருவாக்கி, அதை அவ்வப்போது சீர் செய்து உபயோகித்து இருப்பார்கள். 85 சதவீதம் பேர் தங்கள் வாழ்க்கையில் திருப்திகரமான திட்டம் வகுத்திருப்பதாக தெரிவித்துள்ளனர்.‘திட்டம் இல்லாவிட்டால், நமது வெற்றியை வேறொருவர் கையில் கொடுத்துவிட நேரும். அவர்களும் கூட மற்றவர்கள் வெற்றியைப் பற்றி கவலைப்பட நேரம் இல்லாதவர்களாக இருப்பார்கள்’’ என்கிறார் மெக்கீ.
2. சமயத்துக்கு தகுந்தபடி திறனை பயன்படுத்த தவறுதல்
வர்த்தகத்தின் போக்கு நாளுக்கு நாள் நேரத்துக்கு நேரம் மாறிக்கொண்டே இருக்கும். வினியோகத்தைக் காட்டிலும் வேலைக்கு கூடுதல் தேவை அதிகரித்துக் கொண்டே இருக்கும். சக ஊழியர்களிடம் எச்சரிக்கையாக இருங்கள். அவர்கள் எப்போதும் உங்கள் இடத்தைக் கைப்பற்ற தயாராக இருப்பார்கள்.<க்ஷழ்>நிறுவனங்கள் தங்கள் செலவுகளைச் சுருக்கவோ, அல்லது, தங்கள் முதலீட்டுக்கு அதிக பட்ச லாபத்தை ஈட்டவோ விரும்புகின்றன. ‘‘உங்களைக் காட்டிலும் கூடுதல் லாபம் சம்பாதித்துத் தரக்கூடிய நபர் உங்கள் இடத்துக்கு நியமிக்கப்படும் வாய்ப்பு இருந்து கொண்டே இருக்கும்.
3. பலனை வெளிப்படுத்த தவறுதல்
பொறுப்புணர்வுதான் வெற்றிக்கு முக்கிய காரணம் என்பது வெற்றியாளர்களுக்குப் புரியும். நீங்கள் உங்கள் பொறுப்பை தட்டிக்கழித்தால், மூலையில் தூக்கி வீசப்படுவீர்கள் என்பதை உணர வேண்டும். வர்த்தகத்தையோ, தொழில் துறையையோ புரிந்து கொள்ளுங்கள். தொலைக் காட்சியில் எந்த நிகழ்ச்சிக்கு வருவாய் அதிகமோ, யாருடைய நிகழ்ச்சிக்கு அதிக பார்வையாளர்கள் கிடைக்கிறார்களோ அவர்களுக்கு மதிப்பு கூடும். பார்வையாளர்கள் விரும்பாத நிகழ்ச்சிகள் தூக்கி எறியப்படும். அது போலத்தான், உங்களால் வருவாய் குறையும்போது உங்களுக்குப் பதிலாக வேறு நபர் நியமிக்கப்பட்டு விடுவார்.
4. தகுதியையும் திறமையும் குழப்புதல்
நேரடித் தொடர்பைக் காட்டிலும், மெயில் மூலம் தொடர்பு கொள்வதே இந்தக் காலத்தில் போதுமானதாக சிலர் கருதுகிறார்கள். இது அவர்களுடைய தனித்தகுதி எனவும் நினைக்கிறார்கள். இருந்தாலும் நேரடித் தொடர்புதான் தனித்திறமையை வெளிப்படுத்தவும், நிலையான வெற்றிக்கு அடித்தளமாகவும் கருதப்படுகிறது. இ&ஹம்ல்;மெயில் மூலம் தொடர்பு கொள்ளுதல் ஒருவருடைய தகுதியை வெளிப்படுத்தலாம். ஆனால், நேரடியாக பேசிப் பழகுதல் அவரிடைய திறமையை முழுமையாக பிறர் புரிந்துகொள்ள உதவும் என்பதை உணர வேண்டும்.
5. உங்களுக்குப் பதிலாக வேறொருவர்
பணிபுரியும் இடங்களில் எதுவுமே நிரந்தரம் இல்லை. ஒரு விஷயத்தை நீங்கள் மட்டுமே செய்ய முடியும் என்பது இல்லை. ஒரு காரியத்தை நீங்கள் மட்டுமே செய்ய முடியும் என்றும், நீங்கள் செய்தால்தான் அது சரியாக இருக்கும் என்றும் எப்போது நம்பத் தொடங்குகிறீர்களோ, அப்போதே உங்கள் வீழ்ச்சி தொடங்கிவிடுகிறது என்பதை புரிந்துகொள்ளுங்கள்.
6. கேள்வி கேட்பதில் விருப்பம்
சிறந்த தலைவர்கள் யாவருமே கேள்விகள் கேட்பதையே விரும்புவார்கள். எல்லா கேள்விகளுக்கும் பதில் தெரிந்தவராக தன்னைக் காட்டிக் கொள்கிறவர்கள் தோல்வியையே சந்திப்பார்கள். நிறைய கேள்விகள் கேட்டவர்கள் பின்னாளில் வெற்றிச் சிகரத்தை தொட்டிருக்கிறார்கள். அறிவுதான் ஆற்றல் என்பதே உண்மை. வெற்றியாளர்கள் எல்லோருமே புதிய யோசனைகளையும் அணுகுமுறைகளையும் கற்றுக்கொள்ள விரும்புகிறவர்களாக இருக்கிறார்கள்.அவ்வப்போதைய சூழலுக்குத் தகுந்தவாறு யோசனைகளை கடைப்பிடிக்கிறவர்கள் தனக்குக் கீழ் பணிபுரிகிறவர்களால் விரும்பப்படுகிறார்கள்.
7. புகழ்ச்சிக்கு மயங்கி பொழுதைக் கழித்தல்
தங்களைச் சுற்றிலும் புகழ்பாடும் கூட்டத்தை சேர்த்திருப்பவர்கள் உழைப்பை வீணாக்குகிறார்கள். அவர்கள் பாடும் பாட்டு உண்மையாக இருந்தாலும் சரி, பொய்யாக இருந்தாலும் சரி. அந்தப் பாட்டுக்கு மயங்குகிறவர்கள் இருக்கிறார்கள். புகழ்பாடும் நபர்களை தட்டிக் கேட்கத் தவறுகிறார்கள். வெற்றிகரமான மேலாளர்கள் அனைவருமே, மற்றவர்களுக்குள் இருக்கும் புத்தி கூர்மையையும், படைப்புத் திறனையும் ஊக்குவிக்கிறவர்களாக இருக்கிறார்கள்.
8. பிறரை பாராட்ட மறுப்பது
தொழிலாளர்கள் அல்லது ஊழியர்களால் கிடைக்கும் லாபத்தை அல்லது உழைப்பின் பலனை அங்கீகரித்து பாராட்ட மறுப்பவர்கள் நஷ்டத்தையே சந்திப்பார்கள். தங்களுடைய உழைப்புக்கு ஏற்ற பாராட்டுகளை தொழிலாளர்கள் எதிர்பார்ப்பார்கள் என்பதை அவர்கள் உணர வேண்டும். வெற்றியாளர்கள் யாவருமே, சக தொழிலாளர்களைப் பாராட்டி வேலை வாங்கியவர்கள் என்பதை நிதர்சனமான உண்மை. தங்களுடைய யோசனைகளைத் திருடி முதலாளிகள் பெயர் சம்பாதித்தை தொழிலாளர்கள் விரும்புவதில்லை.
9. தன்னை முன்னிறுத்த தவறுவது
வெற்றி பெற்றவர்கள் தங்களுடைய வெற்றிக்கு காரணத்தை பிறருக்கு தெரிவிக்காமல் மறைப்பதும் தவறு. நேர் வழியில் வெற்றி பெற்றவர்கள் அதை பகிரங்கமாக தெரிவிப்பதன் மூலம் மற்றவர்களுக்கு உதாரணமாக முடியும். வெற்றியின் ரகசியத்தை தெரிவிக்க மறுத்தால், அவர்கள் தவறான வழியில் வெற்றி பெற்றதாக பிறர் கருத இடம் கொடுத்துவிடும்.
10. குறைகளை உணரத் தவறுதல்
வெற்றி பெறுவதற்கான எத்தனையோ முயற்சிகளில் ஈடுபடுவீர்கள். மிகச் சிறந்த யோசனைகளைக் கூட கடைப்பிடிப்பீர்கள். இருந்தாலும் உங்கள் பாதையில் வரும் தடங்கல்களை எதிர் கொள்வதற்கு உங்கள் நண்பர்களிடமோ, சகாக்களிடமோ, உங்களுக்குப் பயிற்சி அளித்தவரிடமோ ஆலோசனை கேட்க தவறியிருப்பீர்கள். உங்கள் குறைகள் உங்களைக் காட்டிலும் பிறருக்கு நன்றாக தெரியும் என்பதை ஒப்புக்கொள்ள வேண்டும். தவறினால், தோல்வியைச் சந்திக்க வேண்டியதுதான்.
தெளிவான வாழ்க்கைத் திட்டத்தை வகுத்தவர்கள் எல்லோருமே வெற்றி பெற்ற மனிதர்களாக உலா வருகிறார்கள். தங்கள் முன்னேற்றத்திற்கு இதை இதை செய்ய வேண்டும் என்று திட்டமிட்டு அவற்றை மனதில் கொண்டு இவர்கள் செயல்பட்டு இருப்பார்கள். அல்லது, தங்கள் திட்டங்களை வரிசைப்படுத்தி எழுதிவைத்து செயல்படுத்தி இருப்பார்கள்.அந்தத் திட்டங்களை உருவாக்கி, அதை அவ்வப்போது சீர் செய்து உபயோகித்து இருப்பார்கள். 85 சதவீதம் பேர் தங்கள் வாழ்க்கையில் திருப்திகரமான திட்டம் வகுத்திருப்பதாக தெரிவித்துள்ளனர்.‘திட்டம் இல்லாவிட்டால், நமது வெற்றியை வேறொருவர் கையில் கொடுத்துவிட நேரும். அவர்களும் கூட மற்றவர்கள் வெற்றியைப் பற்றி கவலைப்பட நேரம் இல்லாதவர்களாக இருப்பார்கள்’’ என்கிறார் மெக்கீ.
2. சமயத்துக்கு தகுந்தபடி திறனை பயன்படுத்த தவறுதல்
வர்த்தகத்தின் போக்கு நாளுக்கு நாள் நேரத்துக்கு நேரம் மாறிக்கொண்டே இருக்கும். வினியோகத்தைக் காட்டிலும் வேலைக்கு கூடுதல் தேவை அதிகரித்துக் கொண்டே இருக்கும். சக ஊழியர்களிடம் எச்சரிக்கையாக இருங்கள். அவர்கள் எப்போதும் உங்கள் இடத்தைக் கைப்பற்ற தயாராக இருப்பார்கள்.<க்ஷழ்>நிறுவனங்கள் தங்கள் செலவுகளைச் சுருக்கவோ, அல்லது, தங்கள் முதலீட்டுக்கு அதிக பட்ச லாபத்தை ஈட்டவோ விரும்புகின்றன. ‘‘உங்களைக் காட்டிலும் கூடுதல் லாபம் சம்பாதித்துத் தரக்கூடிய நபர் உங்கள் இடத்துக்கு நியமிக்கப்படும் வாய்ப்பு இருந்து கொண்டே இருக்கும்.
3. பலனை வெளிப்படுத்த தவறுதல்
பொறுப்புணர்வுதான் வெற்றிக்கு முக்கிய காரணம் என்பது வெற்றியாளர்களுக்குப் புரியும். நீங்கள் உங்கள் பொறுப்பை தட்டிக்கழித்தால், மூலையில் தூக்கி வீசப்படுவீர்கள் என்பதை உணர வேண்டும். வர்த்தகத்தையோ, தொழில் துறையையோ புரிந்து கொள்ளுங்கள். தொலைக் காட்சியில் எந்த நிகழ்ச்சிக்கு வருவாய் அதிகமோ, யாருடைய நிகழ்ச்சிக்கு அதிக பார்வையாளர்கள் கிடைக்கிறார்களோ அவர்களுக்கு மதிப்பு கூடும். பார்வையாளர்கள் விரும்பாத நிகழ்ச்சிகள் தூக்கி எறியப்படும். அது போலத்தான், உங்களால் வருவாய் குறையும்போது உங்களுக்குப் பதிலாக வேறு நபர் நியமிக்கப்பட்டு விடுவார்.
4. தகுதியையும் திறமையும் குழப்புதல்
நேரடித் தொடர்பைக் காட்டிலும், மெயில் மூலம் தொடர்பு கொள்வதே இந்தக் காலத்தில் போதுமானதாக சிலர் கருதுகிறார்கள். இது அவர்களுடைய தனித்தகுதி எனவும் நினைக்கிறார்கள். இருந்தாலும் நேரடித் தொடர்புதான் தனித்திறமையை வெளிப்படுத்தவும், நிலையான வெற்றிக்கு அடித்தளமாகவும் கருதப்படுகிறது. இ&ஹம்ல்;மெயில் மூலம் தொடர்பு கொள்ளுதல் ஒருவருடைய தகுதியை வெளிப்படுத்தலாம். ஆனால், நேரடியாக பேசிப் பழகுதல் அவரிடைய திறமையை முழுமையாக பிறர் புரிந்துகொள்ள உதவும் என்பதை உணர வேண்டும்.
5. உங்களுக்குப் பதிலாக வேறொருவர்
பணிபுரியும் இடங்களில் எதுவுமே நிரந்தரம் இல்லை. ஒரு விஷயத்தை நீங்கள் மட்டுமே செய்ய முடியும் என்பது இல்லை. ஒரு காரியத்தை நீங்கள் மட்டுமே செய்ய முடியும் என்றும், நீங்கள் செய்தால்தான் அது சரியாக இருக்கும் என்றும் எப்போது நம்பத் தொடங்குகிறீர்களோ, அப்போதே உங்கள் வீழ்ச்சி தொடங்கிவிடுகிறது என்பதை புரிந்துகொள்ளுங்கள்.
6. கேள்வி கேட்பதில் விருப்பம்
சிறந்த தலைவர்கள் யாவருமே கேள்விகள் கேட்பதையே விரும்புவார்கள். எல்லா கேள்விகளுக்கும் பதில் தெரிந்தவராக தன்னைக் காட்டிக் கொள்கிறவர்கள் தோல்வியையே சந்திப்பார்கள். நிறைய கேள்விகள் கேட்டவர்கள் பின்னாளில் வெற்றிச் சிகரத்தை தொட்டிருக்கிறார்கள். அறிவுதான் ஆற்றல் என்பதே உண்மை. வெற்றியாளர்கள் எல்லோருமே புதிய யோசனைகளையும் அணுகுமுறைகளையும் கற்றுக்கொள்ள விரும்புகிறவர்களாக இருக்கிறார்கள்.அவ்வப்போதைய சூழலுக்குத் தகுந்தவாறு யோசனைகளை கடைப்பிடிக்கிறவர்கள் தனக்குக் கீழ் பணிபுரிகிறவர்களால் விரும்பப்படுகிறார்கள்.
7. புகழ்ச்சிக்கு மயங்கி பொழுதைக் கழித்தல்
தங்களைச் சுற்றிலும் புகழ்பாடும் கூட்டத்தை சேர்த்திருப்பவர்கள் உழைப்பை வீணாக்குகிறார்கள். அவர்கள் பாடும் பாட்டு உண்மையாக இருந்தாலும் சரி, பொய்யாக இருந்தாலும் சரி. அந்தப் பாட்டுக்கு மயங்குகிறவர்கள் இருக்கிறார்கள். புகழ்பாடும் நபர்களை தட்டிக் கேட்கத் தவறுகிறார்கள். வெற்றிகரமான மேலாளர்கள் அனைவருமே, மற்றவர்களுக்குள் இருக்கும் புத்தி கூர்மையையும், படைப்புத் திறனையும் ஊக்குவிக்கிறவர்களாக இருக்கிறார்கள்.
8. பிறரை பாராட்ட மறுப்பது
தொழிலாளர்கள் அல்லது ஊழியர்களால் கிடைக்கும் லாபத்தை அல்லது உழைப்பின் பலனை அங்கீகரித்து பாராட்ட மறுப்பவர்கள் நஷ்டத்தையே சந்திப்பார்கள். தங்களுடைய உழைப்புக்கு ஏற்ற பாராட்டுகளை தொழிலாளர்கள் எதிர்பார்ப்பார்கள் என்பதை அவர்கள் உணர வேண்டும். வெற்றியாளர்கள் யாவருமே, சக தொழிலாளர்களைப் பாராட்டி வேலை வாங்கியவர்கள் என்பதை நிதர்சனமான உண்மை. தங்களுடைய யோசனைகளைத் திருடி முதலாளிகள் பெயர் சம்பாதித்தை தொழிலாளர்கள் விரும்புவதில்லை.
9. தன்னை முன்னிறுத்த தவறுவது
வெற்றி பெற்றவர்கள் தங்களுடைய வெற்றிக்கு காரணத்தை பிறருக்கு தெரிவிக்காமல் மறைப்பதும் தவறு. நேர் வழியில் வெற்றி பெற்றவர்கள் அதை பகிரங்கமாக தெரிவிப்பதன் மூலம் மற்றவர்களுக்கு உதாரணமாக முடியும். வெற்றியின் ரகசியத்தை தெரிவிக்க மறுத்தால், அவர்கள் தவறான வழியில் வெற்றி பெற்றதாக பிறர் கருத இடம் கொடுத்துவிடும்.
10. குறைகளை உணரத் தவறுதல்
வெற்றி பெறுவதற்கான எத்தனையோ முயற்சிகளில் ஈடுபடுவீர்கள். மிகச் சிறந்த யோசனைகளைக் கூட கடைப்பிடிப்பீர்கள். இருந்தாலும் உங்கள் பாதையில் வரும் தடங்கல்களை எதிர் கொள்வதற்கு உங்கள் நண்பர்களிடமோ, சகாக்களிடமோ, உங்களுக்குப் பயிற்சி அளித்தவரிடமோ ஆலோசனை கேட்க தவறியிருப்பீர்கள். உங்கள் குறைகள் உங்களைக் காட்டிலும் பிறருக்கு நன்றாக தெரியும் என்பதை ஒப்புக்கொள்ள வேண்டும். தவறினால், தோல்வியைச் சந்திக்க வேண்டியதுதான்.
இதற்கு குழுசேர்:
இடுகைகள் (Atom)