உங்கள் வாழ்க்கை உங்கள் கையில்

உங்கள் வாழ்க்கை உங்கள் கையில். இது எத்தனை பேருக்கு புரிகிறது. ஏன் சிலரது வாழ்க்கை ஆனந்த மயமாக, அமைதியாக, ஆரோக்கியமாக இல்லை. அதிர்ஷ்ட தேவதை சிலரைப் பார்த்து மட்டும் சிரிக்கிறாளா? சிலரது வீட்டுக் கதவை மட்டும் தட்டுகிறாளா? ஆண்டவன் சிலருக்கு மட்டுமே உதவ சௌபாக்கியங்களையும் தந்துவிட்டு சிலரை வஞ்சிக்கிறாரா?

இது ஒரு மில்லியன் டாலர் கேள்விதான். உங்களது அமைதி, ஆனந்தம், ஆரோக்கியம் யாவுமே உங்களது மனப்போக்கின் படியேதான் அமைகிறது. உங்களது சிந்தனை, செயல்பாடு, மனப்போக்கு, வாழ்க்கை முறையே இதற்குக் காரணம்.

உங்களுடைய எண்ணங்கள் நீங்கள் சென்றடையும் இலக்கை நிர்ணயிக்கின்றன. எப்போதும் புதுமையாக சிந்தியுங்கள். அந்தத் தூய, நல்ல சிந்தனைகளை உங்கள் மனதிற்கு உரமிட்டு, நீங்கள் வாழ்க்கையில் முன்னேற வழி கோலுகிறது. மனவளத்தை வளர்த்துக் கொள்ளுங்கள். எப்போதும் நல்லதையே எண்ணுங்கள். நல்ல விதமாக கனவு காணுங்கள்.

எதிர்மறையான எண்ணங்கள் உங்கள் மனதில் தோன்றி வாட்டும் போதெல்லாம், மாற்றி யோசியுங்கள். ஏனெனில் எதிர்மறையான எண்ணங்களே உங்களது வீழ்ச்சிக்குக் காரணமாகின்றன.

ஆகவே, ஆக்கபூர்வமான, ஆரோக்கியமான எண்ணங்களை உரம்போட்டு வளர்த்துக் கொள்ளுங்கள். தண்ணீரில் விழுந்தவன், நீந்தத் தெரியாவிட்டாலும், தைரியமாக இருந்தால் எப்படியாவது நீந்தி கரை சேர்ந்து விடுவான். மாறாக பயந்தால் தண்ணீரில் மூழ்கி விடுவான்.

அடிக்கடி புதிய, புதிய நல்ல சிந்தனைகளை உங்கள் மனதில் நிரப்பிக் கொள்ளுங்கள். நீங்கள் புதிய மனிதராக மாறி விடுவீர்கள்.

அனைவருக்கும் சந்தோஷத்தைக் கொடுங்கள். நீங்களும் சந்தோஷமாக வாழ முடியும்.

மனதில் அமைதியும் நிலவும். நீங்கள் அமைதியாக வாழ்வீர்கள். ஆகவே உங்கள் மனதை எப்போதும் அமைதிப் பூங்காவாக வைத்துக் கொள்ளுங்கள். உங்கள் மனதில் அமைதி எனும் பூங்காற்று எப்போதும் வீசிக்கொண்டிருந்தால் நீங்கள் உங்களைச் சுற்றி அமைதியான உலகத்தை உருவாக்க முடியும்.

என்னுடைய வாழ்க்கையில் எது முக்கியமானது? நான் சென்றடைய வேண்டிய இலக்கு என்ன? அதை எப்படி அடைவது என்று சற்றுநேரம் சிந்தியுங்கள்.

உங்கள் பிரச்சனை என்ன? அது உண்மையாகவே பிரச்சனையானதா? நீங்களாக ஒன்றுமில்லாத விஷங்களைப் பிரச்சனை என்று கருதுகிறீர்களா?

பிரச்சனைக்குத் தீர்வு உண்டா? எப்படி முயன்றால் அதற்குத் தீர்வு காணலாம். எலிப் பொறியில் எலி சிக்கிக் கொள்வது போல, நீங்களாக பிரச்சனை வளைக்குள் சிக்கிக் கொள்கிறீர்களா?

தீர்க்க முடியாத பிரச்சனை என்றால் அதை உடனே மறந்து விடுங்கள். மனதார ஏற்றுக்கொள்ளுங்கள். அப்போது பிரச்சனை உங்களை வருத்தாது. வீணாகத் தீராத, தீர்க்க முடியாத பிரச்சனைகளைப் பற்றியே எண்ணிக் கொண்டிருப்பீர்களேயானால், பிரச்சனை ஒருபோதும் தீராது. மாறாக உங்கள் கவலை உங்களை வருத்தத்தில் ஆழ்த்தும். மனவளமும், உடல் நலனும் கூட அதனால் பாதிக்கப்படும்.

கடந்தவைகளை மறந்து விடுங்கள். அதனை மாற்ற முடியாது. அதைப்பற்றியே நினைத்துக் கொண்டிருந்தால் ஒரு பயனும் இல்லை. மாற்ற முடியாத அந்த நிகழ்வைப் பற்றியே ஏன் வீணாக நினைத்து நினைத்து மருகுகிறீர்கள்.

எதிர்காலம் நமது கையில் இல்லை. அதைப் பற்றி எண்ணி ஏன் ஆகாயக் கோட்டை கட்ட வேண்டும். நிகழ்காலம் உங்கள் கையில் உள்ளது. இப்போது நிகழ்ந்துள்ள வாழ்க்கையை நன்கு அனுபவியுங்கள். நிகழ்காலத்தில் வாழ்வீர்களானால், கடந்தகால நிகழ்ச்சிகளோ அல்லது எதிர்கால எதிர்பார்ப்புகளோ உங்களை ஒன்றும் செய்ய முடியாது.

நீங்கள் ஆனந்தமாக, அமைதியாக வாழ முடியும். தடைகளும், கஷ்டங்களும் நிறைந்ததுதான் வாழ்க்கை. அவைகள் உங்களை நிலைநிறுத்துவதற்காக வருகின்றன என்று எண்ணுங்கள். அதனை இடையூறாகக் கருதாதீர்கள். அவை உங்களை மிகவும் புத்திசாலியாக ஆக்குவதோடு நீங்கள் பல அனுபவங்கள் பெறவும், முன்னேறுவதற்கும் உதவக்கூடும்.

தொடர்ந்து முன்னேறிக் கொண்டே இருங்கள். உங்கள் வாழ்க்கையை மேம்படுத்துவதற்கான எண்ணங்களையே மனதில் வளர்த்துக் கொள்ளுங்கள்.

ஒருநாள் மற்றொரு நாளைப்போல இருப்பதில்லை. இன்று புதிதாகப் பிறந்தோம் என்று எண்ணுங்கள். அந்தப் புத்துணர்ச்சி உங்களுக்கு ஊக்கத்தையும், உற்சாகத்தையும், செயல் வேகத்தையும், மனத்தெளிவையும் தரும்.

எதிர்வரும் தடைகளைப் பின்னுக்குத் தள்ளிவிட்டுத் தொடர்ந்து முன்னேறிக் கொண்டே இருங்கள். உங்கள் வாழ்க்கை என்றும் வசந்தமாக அமைவதை உணர்வீர்கள்.

உத்தரேத் மருத்மானம் நாத்மருமவ ஸாதயேத்
ஆத்மைவ ஹ்யாத்மளோ பந்துராத்மைவ ரிபுராத்மள:

என்கிறது கீதை (அத் 6-5)

இதன் பொருள் தன்னைத்தானே உயர்த்திக் கொள்ள வேண்டும். ஒருபோதும் தன்னை இழிவுபடுத்திக் கொள்ளலாகாது. ஏனெனில் தானே தனக்கு உற்ற நண்பன். தானே தனக்குப் பகை.

வெள்ளத் தனைய மலர்நீட்டம் மாந்தர்தம்
உள்ளத் தனைய துயர்வு

என்று வள்ளுவர் கூறுவதும் இந்த உயரிய கோட்பாட்டின் அடிப்படையில் தான்.

உன்னைப்போல் அயலானையும் நேசி என்று ஏசுபிரான் சொல்வதும் இதுதான். முதலில் நம்மை நாம் நேசிக்கத் தெரிந்து கொண்டாலே, மற்றவர்களையும் நாம் நேசிக்க முடியும். தீதும், நன்றும் பிறர்தரவாரா என்றும், முயற்சி உடையார் இகழ்ச்சி அடையார் என்றும், நம்பினோர் கெடுவதில்லை என்றும் மூதுரைகள் சொல்லியிருப்பதை நாம் அறிந்து கொள்ள வேண்டும்.

எல்லாமே நாம் எதிர்பார்த்தபடி வெற்றிகரமாக அமைந்துவிடும் என்று சொல்ல முடியாது. சில நேரங்களில் தோல்வியையும் நாம் சந்திக்க வேண்டியிருக்கும். ஆனால் தோல்வி கண்டு மனம் துவண்டு போகக்கூடாது.

தோல்வியைக் கண்டு மனம் துவண்டு போவோரும் உண்டு. மனம் தளராமல் எங்கே நாம் தவறு செய்தோம் என்று ஆராய்ந்து தெளிந்து வெற்றிக்கு வழி காண்போரும் உண்டு. தோல்வி மனப்பான்மை உடையவர்கள் மனம் துவண்டு, நொறுங்கிப் போய் தாம் தோற்றுவிட்டதாகவே கருதுகிறார்கள். வெற்றி பெறும் தகுதியோ, ஆற்றலோ தமக்கு இல்லை என்று மருகி மாய்கிறார்கள். இனி தம்மால் எதுவுமே செய்ய முடியாது என்று அடுத்தடுத்து முயற்சிகளை மேற்கொள்ளாமலே இருந்து விடுகிறார்கள்.

தங்களுக்கு அதிர்ஷ்டமே இல்லை. இனி தாங்கள் செய்யக்கூடியது எதுவுமே இல்லை என்று எண்ணுகிறார்கள். சமுதாயத்தில் தாங்கள் மிகவும் தாழ்ந்துவிட்டதாகவே எண்ணி, தாழ்வு மனப்பான்மை கொண்டு தவிக்கிறார்கள். இந்தத் தோல்வியால் தங்கள் வாழ்க்கையே இருண்ட பாலைவனம் ஆகிவிட்டதாகவே தயங்குகிறார்கள்.

இனி முயற்சியை மேற்கொண்டு என்ன செய்ய, என்று தன் முயற்சி முழுவதையும் கைவிட்டுவிடத் துணிகிறார்கள். தங்களால் எதையும் சாதிக்க முடியாது என்ற எண்ணம் மேலோங்கித் தவிக்கிறார்கள். கடவுள் ஓர் வஞ்சனை உடையவர். தங்களை அவர் கைவிட்டுவிட்டார் என்று எண்ண ஆரம்பித்து விடுகிறார்கள். நம்பிக்கையை இழந்து நடைப்பிணமாகி, தங்கள் வாழ்க்கை நாசமாகிவிட்டதாக எண்ணி, எண்ணி வேதனைப்படுகிறார்கள்.

மாறாக, தோல்வியைக் கண்டு சற்றும் அஞ்சாதவர்கள், தாங்கள் இன்னும் வெற்றி பெறவில்லை என்று எண்ணுவதோடு நின்றுவிடாமல், வெற்றி பெற என்ன வழி என்று தேட முனைகிறார்கள்.
தோல்வி தனக்கு ஒரு படிப்பினை. தன் தவறுகளைத் திருத்திக் கொண்டு, அடுத்து முயன்று வெற்றி பெற வேண்டும். வெற்று பெறும் வரை தொடர்ந்து முயல்வேன் என்று உறுதியுடன் நம்புகிறார்கள்.

தவறான சிந்தனைகளை செயல்முறையை விடுத்து, வேறுவழியில் சிந்திக்கவும், செயல்படவும் முயல்கிறார்கள். இனி சரியான முறையில் முயற்சியை மேற்கொண்டு வெற்றிப்பாதையில் செல்வேன் என்று நம்புகிறார்கள்.

அதற்காகக் கடினமான முயற்சியை மேற்கொள்ளத் துவங்குகிறார்கள். எடுத்த எடுப்பிலேயே எதையும் சாதிக்க முடியாது என்பதை உணர்ந்து, சாதனைக்கு இன்னும் சில காலங்கள் ஆகும். அதுவரை பொறுமையுடன் காத்திருப்போம் என்று காத்திருக்கிறார்கள்.

இறைவனை அவர்கள் முழுமையாக நம்பி இறைவன் தங்களுக்குச் சரியான முறையைக் காட்டியருளி, தன் பாதையைச் சீர்ப்படுத்துவார் என்று எண்ணுகிறார்கள். இந்த நம்பிக்கை அவர்களது மனதில் உரமிட்டு வெற்றிக்கு வழி கோலுகிறது.

இப்படி இருவரது எண்ணப்போக்கும் மாறுபட்டே இருப்பதைக் காண்கிறோம்.

தண்ணீர் வேண்டுமென்று ஆற்றுப்படுகையில் ஒரே இடத்தில் ஆழமாகத் தோண்டாமல் பல இடங்களில் தோண்டுவதால் என்ன பலன். படுத்துக் கிடந்தால் படுக்கையே உனக்குச் சாக்காடு. எழுந்துநட பூமியே உனக்கும் பூக்காடு. இதுதான், ஆரம்பத்தில் கீதையில் சொன்னதன் சாரமாகும்.

ஆனால் எல்லோருமே முயற்சியைத் தொடர்ந்து மேற்கொள்கிறார்களா? தோல்வியைக் கண்டு துவண்டுபோகின்றவர்கள் தானே நிறையப் பேர்.

‘Failure is a stepping stone to success’ என்பதைப் புரிந்து கொண்டால் மேன்மை அடையலாம்.

ஸ்ரீ சுவாமி விவேகானந்தர் கூறும் அறிவுரை:

உங்கள் வாழ்க்கை உங்கள் கையில் என்பதை உறுதியாக நம்புங்கள் என்கிறார் ஸ்ரீ சுவாமி விவேகானந்தர். உங்கள் உடலையும், உள்ளத்தையும், அறிவையும், ஞானத்தையும் பலவீனப்படுத்துகின்ற எந்த விஷயத்தையும் நஞ்சென ஒதுக்கித் தள்ளுங்கள்.

போதுமான அளவுக்கு நீங்கள் கண்ணீர்விட்டு அழுதுவிட்டீர்கள். இனியும் அழத்தேவையில்லை. கண்ணீரைத் துடைத்துக் கொண்டு விழித்தெழுந்து, செயலாற்ற வேண்டிய நேரம் வந்துவிட்டது.

எழுமின், விழிமின், செயல் முடியும்வரை உழை மின் என்று உரத்த குரலில் நமக்கு அவர் உணர்த்துகிறார்.

தைரியத்தையும், நம்பிக்கையையும் ஒரு போதும் கைவிடாதீர்கள். பலவீனமான மூளையால் நீங்கள் எதையும் சாதிக்க முடியாது. பலமற்ற மூளையை மாற்றி அதனைப் பலமுள்ள மூளையாக ஆக்க வேண்டியது உங்கள் முதற்கடமை. பலம் வந்தால் வெற்றி உங்களைத் தானே தேடி வரும்.

தைரியமாக இருங்கள். எல்லாவற்றிற்கும் மேலானது இந்தத் தைரியமே. இவ்வுலகில் நீங்கள் வாழப்போகும் நாள் எத்தனை என்பது உங்களுக்குத் தெரியாது. வாழும் நாளில் ஏன் கோழைகளைப் போல துவண்டு போகிறீர்கள். எழுமின், விழிமின், செயல் கைகூடும் வரை உழை மின் என்று விவேகானந்தர் ஆணித்தரமாக நமக்கு உணர்த்துகிறார். அதற்கு அவரே உதாரணமாகத் திகழ்ந்தார்.

நரேந்திரன் (சுவாமி விவேகானந்தர்) பள்ளியில் படிக்கும்போது, ஒருமுறை காரணமின்றி பள்ளி ஆசிரியரால் தண்டிக்கப்பட்டார். அவர் தன் அன்னையிடம் இதனை வேதனையுடன் கூறியபோது, அன்னை புவனேஸ்வரி தேவி, அவருக்கு இவ்வாறு புத்திமதி கூறுகிறார்.

மகனே! நீ செய்தது சரியே என்று எண்ணும்போது, அதற்காகத் தண்டிக்கப்பட்டால் தான் என்ன? உனக்குவரும் எதிர்விளைவுகள் மகிழ்ச்சியற்றதாக அநீதியாக இருந்தாலும், மனம் தளராமல் உன் மனதில் சரியென்று தோன்றுவதையே எப்போதும் செய் என்றார்.

அன்னையாரின் இச்சொல்லைக் கேட்ட விவேகானந்தர் மனம் ஆறுதலடைந்தார். தன் வாழ்வின் இறுதிக்காலம் வரையில் சுவாமிஜி மன உறுதியுடன் தளராமல், வாழ்வோ, தாழ்வோ கொண்ட கொள்கையில் உறுதியாக இரு என்று அன்னை சொன்னதைத் திடசித்தத்துடன் கடைபிடித்தார்.

சுவாமிகளது அன்னை நேர்மை, தூய்மை, கண்ணியம் மற்றும் மனிதநேயம் போன்ற வாழ்வியல் நெறிகளைப் போதித்தார். அத்தூய நெறிகளைப் போதித்து சுவாமிகளுக்கு வாழ்விற்கு வேண்டிய மாறாத உயரிய வாழ்க்கையை கற்றுத் தந்தார்.

இளம்வயதில் தாய் விதைத்த இந்த அறநெறிகள் தான் விவேகானந்தரை உலகப் புகழ் ஒளியாக்கியது.

விதியைப் பொசுக்கி சாம்பலாக்கு
விதி, விதி என்று சிலர் மதியிழந்து மருகிச் சாகிறார்கள். மதியினால் விதியை வெல்லலாம் என்பதை ஏனோ அவர்கள் அறிவதில்லை.

விதியைப் பொசுக்கி சாம்பலாக்கு என்று கடுமையாகக் கூறுகிறார் ஸ்ரீ விவேகானந்தர். அவர் சொல்லும் கருத்து நமக்குப் புத்துயிர் ஊட்டக் கூடியது. உற்சாகத்தைத் தரக்கூடியது. ஊக்கமுடன் செயல்படத் தூண்டக்கூடியது.

அவர் சொல்வதைக் கேளுங்கள்.
நதியாக நட சமுத்திரத்திலே சங்கமிக்கலாம்.
சத்தியத்தை நம்பு, சரித்திரத்தில் எழுத்தாகலாம்
இமயம் நீ, தாழ்வு உனக்கில்லை
கதிர் நீ, குளிர் உனக்கில்லை
வானம் நீ, சுருக்கம் உனக்கில்லை
மகாநதி நீ, சோர்வு உனக்கில்லை
சமுத்திரம் நீ, ஓய்வு உனக்கில்லை
கண்டம் நீ, உலகம் நீ, சந்திரன் நீ
அண்ட சராசரங்கள் யாவும் நீ
விதியால் உன்னை என்ன செய்ய முடியும்
விதியைப் பொசுக்கிச் சாம்பலாக்கு
வீறு கொண்டெழு, விதி வலியைவிட
மதி வலியால் பெருஞ்சாதனை நீ புரிவாய்
உற்சாகத்தை ஊட்டும் அதி அற்புதமான வாசகங்கள் விவேகானந்தரின் வார்த்தைகள்.
சாதனையாளர்களின் வரலாற்றை நாம் புரட்டிப் பார்க்கும்போது, அவர்கள் எத்தனை, எத்தனை சிரமங்களை, இடையூறுகளை சந்திக்க வேண்டியிருந்தது. அதனை எப்படி அவர்கள் சமாளித்து, மீண்டு வந்தனர். சாதனைகளை படைத்தனர் என்பது நமக்குப் புரியும்.
முயற்சி தம் மெய் வருத்தக்கூலி தரும் என்பதை முழுமையாக நம்புங்கள். உங்கள் வாழ்க்கை முறையை நன்கு சீரமைத்துக் கொண்டு, மேன்மையுற்று வாழ்வீர்களாக!

சாதனை வாழ்விற்கான சந்தோஷ வழிமுறைகள்

21. ஆடுங்கள் பாடுங்கள் கொண்டாடுங்கள்

சாதனைகளுக்கு அடிப்படை சந்தோஷம். நம் தொடர்ந்த சந்தோஷத்திற்கு அவ்வப்போது ஏற்படும் தடைகளுக்கு, தோல்விகள், அவமானங்கள், ஏமாற்றங்கள், துன்பங்கள் என எத்தனையோ காரணங்கள் இருக்கலாம். ஆனால் மாசுபட்ட மனமகிழ்ச்சியை எவ்வளவு வேகமாக திருப்பி எடுக்கின்றீர்களோ? அவ்வளவு வேகமாக நீங்கள் உங்கள் உயரிய இலக்கை நோக்கி புத்துணர்வோடு பயணம் செய்து, தொடர்ந்த சந்தோஷ சாதனைகளை சாத்தியமாக்க முடியும்.

இழந்த மகிழ்ச்சியை வேகமாக மீண்டும் மீட்டெடுக்க அனுபவ பூர்வமாக அறிஞர்களால் சுட்டிக்காட்டப்படும் ஒரு வழிமுறை ஆடல், பாடல், மற்றும் கேட்டல் ஆகும். மேடையில் தான் ஆடவேண்டும், பாடவேண்டும் அரங்கில் தான் கேட்க வேண்டும் என்றில்லை. நண்பர்களோடு இணைந்து நட்பு ரீதியிலான கொண்டாட்டங்கள், சமூக இயக்கங்களில் இணைந்து அவர்களுடைய நிகழ்ச்சிகளில், குடும்பநிகழ்ச்சிகள் என எங்கெங்கு வாய்ப்பு கிடைக்கின்றதோ அங்கெல்லாம் ஆடுங்கள், பாடுங்கள், பாடல்கள் இசை மற்றும் உரைகளைக் கேளுங்கள்.

வாய்ப்புகள் கிடைக்கவில்லையெனில், தனிமையிலாவது ஆட்டம், பாட்டம் கொண்டாட்டத்தை அனுபவியுங்கள். இது உங்களிடம் பல காரணங்களினால் காணப்படும் சோர்வு, எதிர்மறை சிந்தனை, மனஅழுத்தம், கோபம், துக்கம் போன்ற பிரச்சனைகளில் இருந்து விடுதலை அடைய உதவி புரிகின்றது.

இது மட்டுமல்ல மருத்துவ விஞ்ஞானிகள், ஆடல், பாடல்களில் ஈடுப்படுபவர் மற்றும் இசையை, உரைகளை ரசிப்பவர்களுக்கு உற்சாகம், உடல் நலம், மன நலம், ஞாபக சக்தி, தன்னம்பிக்கை, நோய் எதிர்ப்பு சக்தி மற்றும் சந்தோஷம் அதிகரிப்பதாக கண்டு பிடித்துள்ளனர்.

ஆகவே ஆடுங்கள், பாடுங்கள், கேளுங்கள். ஆனந்த சுதந்திரத்தைக் கொண்டாடுங்கள்.

22. உடல் நலம் பேணுங்கள்

“சுவரிருந்தால் தான் சித்திரம் வரைய முடியும்” என்ற முன்னோர் சொல் சந்தோஷ சாதனைகளை நோக்கி வீறுநடைபோடும் நம் ஒவ்வொருவருக்கும் தவிர்க்க முடியாத சொல்.

எத்தனையோ, அன்பர்கள் புயலாய் புறப்பட்டு புதிய சாதனைகள் பலவற்றை சாதிக்கின்றனர். செல்வம், செல்வாக்கு, ஆடம்பரம் அனைத்தையும் அடைந்து விடுகின்றனர். ஆனால் அந்தோ பாவம், அடைந்த வெற்றியை அனுபவிக்க முடியாமல், தொடர்ந்து தக்கவைக்க முடியாத அளவுக்கு உடலில் இல்லாத நோய்களெல்லாம் குடிகொண்டுவிடுகின்றது.

என்ன காரணம், உழைப்பு, உழைப்பு, உழைப்பு என உடல் நலம் பேணாமல் விட்டு விடுகின்றனர். ஆகவே அன்பு வாசகர்களே, தொடர்ந்த சந்தோஷத்திற்கு, சாதனை சரித்திரத்திற்கு, தயவு கூர்ந்து உங்கள் உடல் நலனில் தேவையான அளவு அக்கறை காட்டி வாருங்கள்.

உடல்நலம் பேணும் வழிமுறைகள்

கீழ்கண்ட சில வழிமுறைகள் உங்கள் உடல்நலத்தை, உங்கள் வேகத்திற்கு ஏற்ப பாதுகாப்பதற்கு உதவிகரமாக அமையும்.

அ) சிறந்த உணவுமுறை பழக்கங்களை நடைமுறைப்படுத்துங்கள். உணவு முறையில் நார்சத்து மிக்க உணவு வகைகள் அதிகமாகவும், கொழுப்புச் சத்து மிகுந்த உணவுகள் குறைவாகவும் இருக்குமாறு பார்த்துக் கொள்ளுங்கள். புலால் உணவுகளை விட்டு, அதிக அளவு இயற்கை விவசாயத்தில் சாகுபடி செய்யப்படும் பழங்கள், காய்கறிகள், கீரை வகைகளை உண்டு வருவது சிறந்த உடல் நலத்திற்கு வழி வகுக்கும்.

ஆ) தேவையான அளவு தண்ணீர் அருந்துவது, நம் உடலில் தேங்கும் விஷம் மற்றும் அசுத்தங்களை உடனுக்குடன் வெளியேற்றி உடல் நலத்தைப் பேணுவதற்கு உதவி புரியும்.

இ) உடற்பயிற்சி

தொடர்ந்த உடற்பயிற்சி, உங்கள் உடலை கட்டுக்கோப்பாக வைக்க உதவுவதுடன், சிறந்த ஆளுமையையும் அளிக்கின்றது. மேலும் உடற்பயிற்சிகள், உடல் நலத்தையும் பேண உதவிபுரிகின்றது.

ஈ) புகை மது போன்ற பழக்கவழங்களை நெருங்கவிடாதீர்கள். உடல்நலம் பாதுகாப்பாக தொடரும்.
உ) மன அழுத்தத்தினை அண்டவிடாதீர்கள்.
ஊ) தேவையான அளவு தூக்கம் மற்றும் ஓய்விற்கு நேரம் ஒதுக்குவது, நம் உடல் நலத்திற்கு உகந்த பழக்கவழக்கமாகும்.
எ) நேர்மறை மனோபாவத்துடன் வாழ்ந்து வாருங்கள்.
ஏ) காபி, தேயிலை போன்ற பானங்களை முடிந்த அளவு குறைத்து விடுவது நல்லது.

மேற்கண்ட கருத்துக்களைத் தொடர்ந்து பின்பற்றவதுடன், சிறிய சிறிய உடல் உபாதைகள் வந்தவுடன் இயற்கை மருத்துவம், ஆயுர்வேதம், சித்தா மற்றும் ஆங்கில மருத்துவர்களைச் சந்தித்து அவ்வப்போது உடல் நலத்தைப் பேணி வருவது தொடர்ந்த, சிறந்த உடல்நலத்திற்கு அடிப்படையாகும்.

23. மனநலம் மகாபலம்

எத்தனையோ அன்பர்கள், வேகமான செயல்பாடுகளிடையே, அவர்கள் மனநலத்தை பற்றி அக்கறை செலுத்தாமல், சாதனை பயணத்தின் முக்கியமான கட்டத்தில் மனநல மருத்துவர்களை நோக்கி பயணம் செய்து வருகின்றனர்.

நண்பர் ஒருவர் வெண்ணை திரண்டு வர தாழி உடைந்த கதையாக தன் மகன் சிறப்பாக படித்து +2 முடித்து சிறந்த கல்வி நிறுவன அனுமதி பெற வேண்டிய முக்கிய தருணத்தில் மகனுக்கு அளவுக்கு அதிக அழுத்தம் கொடுத்து, பல சிறப்பு ஆசிரியர்களிடம் அழைத்து சென்று படிக்க வைத்து வந்தார்.

திடீரென ஒரு நாள் மன அழுத்தம் அதிகரித்து, பள்ளிக்கு செல்வதை முழுமையாக நிறுத்திவிட்டார் அவர் மகன்.

இப்பொழுது மூன்று வருடங்களாக அவர் தன் மகனை மனநல மருத்துவர்களிடம் அழைத்து சென்று வருவது தான், அவர் முக்கிய பணியாக அமைந்துவிட்டது. ஆகவே உங்கள், மற்றும் உங்கள் குடும்பத்தினரின் மனநலத்தில் தேவையான அக்கறை செலுத்துவது, உங்களை சந்தோஷ சாதனை வாழ்விற்கு இட்டுச் செல்லும்.

மனநலத்தைப் பேணுவது எப்படி?

கீழ்கண்ட வழி முறைகள், உங்கள் மனநலத்தினைப் பாதுகாக்க உதவிகரமாக அமையும்.

• சிறந்த உணவு முறைகள்.

• தன்னம்பிக்கை மற்றும் நம்பிக்கையை உருவாக்குங்கள்.

• நல்ல உறவு முறைகளைப் பின்பற்றி சிறந்த நட்பு வட்டம் மற்றும் சுற்றத்தை உருவாக்கி வளர்த்து வாருங்கள்.

• பொருளாதாரத்தைத் திட்டமிட்டு உங்கள் கட்டுப்பாட்டுக்குள் வைத்திருங்கள்.

• ஓய்வு, தூக்கத்திற்கு நேரம் ஒதுக்குவதுடன் மன அழுத்தத்தை அண்டவிடாமல் பார்த்துக் கொள்ளுங்கள்.

• கொடுக்கும் அருள் உள்ளத்தை உருவாக்குங்கள்.

• ஏற்றுக் கொள்ளும் மன பக்குவம் அவசியம்.

• விட்டுக் கொடுக்கும் மனத்தை மதித்து செயல்படுங்கள்.

• உடற்பயிற்சி, யோகா, தியானம், செய்துவாருங்கள்.

• கோபம், பொறாமை, காமம் போன்ற எதிர்மறை தன்மைகளை வெற்றி கொள்ளுங்கள்.

• நன்மைகளை அவ்வப்போது அசைபோடுவதுடன், அடுத்தவர் அவ்வப்போது உதவிக்கரம் நீட்டுவதற்கு தயக்கம் காட்டவேண்டாம். ஆகவே மேற்கண்ட கருத்துக்களை பின்பற்றி மனநலத்தில் கவனம் செலுத்துங்கள். சந்தோஷ சாதனைகளைச் சொந்தமாக்குங்கள்.

24. உடற்பயிற்சிக்கு நேரம் ஒதுக்குங்கள்

உடற்பயிற்சியின் பயன்கள், வகைகள், தன்மைகள், வழிமுறைகள் என அனைத்து செய்திகளையும், தன்னம்பிக்கை வாசகர்கள் முனைவர் செ.சைலேந்திர பாபு ஐ.பி.எஸ் அவர்கள் எழுதிய “உடலினை உறுதி செய்” தொடர் மூலமாக முழுமையாக தெரிந்திருப்பீர்கள். அல்லாவிடில் அவர் எழுதிய “உடலினை உறுதிசெய்” புத்தகத்தினை வாங்கி தெரிந்து கொள்வது நல்லது. ஏனென்றால் உடற்பயிற்சி கீழ்கண்ட விலை மதிப்பற்ற நன்மைகளை வழங்குகிறது.

அ) உடல் நலம் பல்வேறு நோய்கள் வருகிறதை தடுக்க உதவுகிறது. உடல்
எடை, கொழுப்பு, இரத்த அழுத்தம், மற்றும் மூட்டுகள் இருதயம் போன்ற உடல் உறுப்புகளின் செயல்பாடு என உடல்நலத்தை தொடர்ந்து பாதுகாப்பதற்கு உடற்பயிற்சி உதவி புரிகின்றது.

ஆ) மனநலம் உடல் நலம் சிறப்படைவதுடன், உடல் அமைப்பு கட்டுக்கோப்புடன் இருக்க உடற்பயிறசி பயன்படுகின்றது. உடல் கட்டமைப்பு சிறப்பாக அமையுமானால், தன்னம்பிக்கை, சுயகௌரவம், துணிவு போன்ற பயன்கள் ஏற்படும். இத்தகைய பயன்கள் நம் மனநலத்தை காக்க பெரிதும் உதவும்.

இ) புத்துணர்வு மற்றும் சாதனையை நோக்கிய செயல்பாட்டிற்குத் தேவையான சக்தியை உடற்பயிற்சி வழங்குகிறது.

ஆகவே தொடர்ந்து முறையான உடற்பயிற்சிகளில் ஈடுபடுங்கள். சந்தோஷமான, சாதனைகள் மிகுந்த வாழ்வினை உறுதிசெய்யுங்கள்.

25. உணவுப் பழக்கவழக்கத்தை முறைப்படுத்துங்கள்.

மருத்துவ விஞ்ஞானிகளுடைய கட்டுரைகளை தொடர்ந்து வாசிக்கும் பொழுது நமக்கு புலப்படும் ஒரு முக்கிய செய்தி என்னவென்றால் மனிதன் பயப்படும் பல்வேறு நோய்களுக்கும் அடிப்படை காரணம், நம் உணவுப் பழக்கவழக்கத்தில் காணப்படும் தவறுகளே.

உணவுப்பழக்கத்தைப்பற்றி எழுதும்போது உடனடியாக என் கவனத்திற்கு வரும் கருத்து, ஒரு முறை மதுரை மாநகரில் ஒரு கடையில் ஒட்டப்பட்டிருந்த ஒரு சுவரொட்டியின் வாசகமே. அந்த வாசகம்.
“இறந்த மிருகங்களின் பிணத்தை புதைப்பதற்கு என் வயிறு என்ன சுடுகாடா”

மேற்கண்ட கருத்து சரியா? தவறா? என்று வாதிடுவது என் பணியல்ல. பல்வேறு ஆராய்ச்சியாளர்களின் ஆய்வுகளின் முடிவுகள்படி இன்று மனிதனை தாக்கும் பல்வேறு நோய்களுக்கான ஒரு காரணம், நம் உண்ணும் புலால் உணவே.

இதை தவிர கீழ்கண்ட உணவு ஒழுங்குமுறைகளை கடைப்பிடிப்பது நமக்கு சந்தோஷத்தினையும், தொடர்ந்து சாதனைகளையும் வழங்குகிறது.

அ) மிதமான உணவை உண்பது நல்லது. அளவுக்கு அதிகமாகவோ, குறைவாகவோ உண்ணாமல் இருப்பது நல்லது.
ஆ) உப்பின் மற்றும் சர்க்கரையின் உபயோகத்தை குறைப்பது நல்லது.
இ) சுண்ணாம்பு மற்றும் புரோட்டீன் உணவுகளாகிய நிலைப்படுத்தப்பட்ட
பால், பீன்ஸ், சோயா, பருப்பு, பாதாம் போன்றவற்றை தேவையான அளவு உண்பது நல்லது.
உ) பழங்கள், உலர் பழங்கள், முளை வைத்த கடலை, பயிறு வகைகள், கீரை வகைகள் அதிகம் உண்பது நல்லது.
ஊ) துரித உணவு வகைகள், பதப்படுத்தப்பட்ட உணவுவகைகள் எண்ணையில் பொரிக்கப்பட்ட உணவு வகைகள், இராசாயனங்கள் கலக்கப்பட்ட உணவு மற்றும் பானங்கள், நிறங்கள் மற்றும் சுவை ஊட்டிகள் கலந்த உணவுகள், இனிப்பு மற்றும் சாக்லேட் போன்றவை அதிகம் பயன்படுத்தாமல் இருப்பது உடல்நலத்திற்கு நன்மை பயக்கும்.
எ) நொறுக்குத் தீனிகளை குறைத்து, சரியான வேளைகளில் உண்ணும் உணவு முறையை பின்பற்றுவது மிகவும் நல்லது.

உணவு உண்ணும் போது பொதுவாக அசைபோட்டு உண்ணுவதுடன் அதிகமாக இயற்கை விவசாயத்தில் விளைந்த இயற்கை உணவுப் பொருட்களை உண்பது நல்லது, உணவுப் பழக்கவழக்கத்தை முறைப்படுத்தினால் உடல்நலம் மற்றும் மனநலம் மேம்படுகின்றது. சந்தோஷம் தொடர்கின்றது. சாதனைகள் சாதாரண நிகழ்வுகள் ஆகின்றது.

26. எதிர்மறையை ஏற்படுத்தும் செய்தியை பார்க்க வேண்டாம்.

சாதனைகள் நிகழ்த்த தேவையான சந்தோஷ வாழ்வு வாழலாம் என முடிவெடுக்கும் போது ஏற்படும் முதல் தடை எதிர்மறை மனோபாவம். வாழ்வில் ஒரு புதிய முயற்ச்சியை எடுக்கலாம் என்று ஆலோசனை நடத்தும்போது, முதலில் பெற்றோர் (விதிவிலக்குகள் உண்டு) பின் உற்றார், உறவினர், நண்பர்கள் என பலரும் ஐய்யோ அவன் தோல்வி அடைந்தான். அவன் தொழில் தொடங்கி தற்கொலை செய்தான். நம் முன்னோர் கூட சொல்லியிருக்கின்றனர். “போதுமென்ற மனமே பொன் செய்யும் மருந்து” எனவே பேசாமல் இப்படியே டீசன்டா ஒரு தொழிலாளியாக வாழ்ந்து வா. உன் குடும்பத்தை தெருவில் கொண்டுவந்து விடாதே.

இதே போன்று இன்று சமுதாயத்தில் எதிர்மறை மனோபாவத்திற்கு பஞ்சமே இல்லை. பத்திரிக்கை, சினிமா, வலை தளம், தொலைக்காட்சி என எதை எடுத்தாலும் கொலை, கொள்ளை, தற்கொலை, விபத்து, தீவிரவாதம், சண்டை, சச்சரவுகள் அதாவது எதிர்மறை செய்திகளின் தாக்கமே அதிகமாக காணப்படுகிறது. ஆகவே சந்தோஷம் வேண்டும் சாதனை வேண்டும் என எத்தனித்துவரும் என் அன்பு நண்பர்களே புறக்கணியுங்கள் எதிர்மறை செய்திகளை, எதிர்மறை காட்சிகளை, எதிர்மறை அறிவுரைகளை, எதிர்மறை எண்ணங்களை, எதிர்மறை கருத்தேற்றங்களை விழிப்புணர்வோடு இருங்கள். நம்பிக்கையோடு முடியும் என்று முடிவெடுங்கள்.

உங்கள் வாழ்வில் சாதனை மிகுந்த சந்தோஷ வாழ்வு என்றென்றும் நிலை கொள்ளும்

ஆண் இனங்களிலேயே பிரசவிக்கும் திறன்படைத்த ஒரே உயிரினம் கடல்குதிரைகள் தான்

கண்களை எந்தப் பக்கமும் திருப்புதல், குதித்து குதித்து ஓடும் ஒருவகை மீன் இனம், குதிரை போன்ற முக அமைப்பு, குரங்கு போன்ற வால், ஆண் இனங்கள் இனப்பெருக்கம் செய்தல் இப்படியாக பல்வேறு சிறப்புகளையுடைய அரியவகை கடல்வாழ் உயிரினமான கடல் குதிரைகள் பல்வேறு காரணங்களால் கொஞ்சம் கொஞ்சமாக அழிந்துவருவதை அரசு தடுக்க தீவிர நடவடிக்கை எடுக்க வேண்டும்.

உடலமைப்பை பொருத்தவரை நன்கு நீண்டு வளையங்களால் அமைந்தது போன்றும் வாய் நீண்டு குழல் போலவும் மார்புப் பகுதி சற்று அகன்று விரிந்தும் காணப்படுகிறது. உடலில் பக்கவாட்டுக் கோடுகள் மற்றும் நீண்ட புள்ளிகள் தென்படுகின்றன. சுமார் 6 செ.மீ முதல் 17 செ.மீ வரை நீளமும் எடை 4 கிராம் முதல் 14 கிராம் வரையும் இருக்கிறது.

பெண் கடற்குதிரைகள் தங்களின் முட்டைகளை (200) ஆண்களின் வால் பகுதியில் உள்ள இனப்பெருக்கப் பைகளில் விட்டுவிடும். அதனை ஆண் கடற்குதிரைகள் கங்காரு போல நன்கு பேணி ஆறு வாரங்கள் பாதுகாத்து குஞ்சுகளாகப் பொரிக்கின்றன. குஞ்சுகளின் எண்ணிக்கையும் 50 முதல் 100 வரை இருக்கும். பிறக்கும் குஞ்சுகளின் நீளம் ஏறத்தாழ ஒரு செ.மீட்டராக இருந்தாலும் பெற்றோரின் பாதுகாப்பு அதிகமாகவே இருக்கும்.

உலகில் மொத்தம் 35 வகையான கடல் குதிரைகள் காணப்படுகின்றன. இவை பெரும்பாலும் ஆழம் குறைந்த கடல் பகுதிகளான கடற்புற்கள் பவளப்பாறைகள் நிரம்பிய இடங்களில் வாழ்கின்றன இவற்றின் முக்கிய உணவு இறால்களாகும். கடல் குதிரைகள் தங்களின் வாலைப் புல்களில் கட்டிக்கொண்டு நிற்க முடியும். இதன் உடல் கடினமான எலும்பு போன்ற பொருள்களினால் ஆன போதிலும் நண்டு பெங்குவின் முதலியன இவற்றை வேட்டையாடி உண்கின்றன. பெரும்பாலான மீன்கள் கடல் குதிரையைக் கண்டுகொள்வதில்லை.கடல் குதிரைக்குக் கடலில் உள்ள விரோதிகளைக் காட்டிலும் நிலத்தில் உள்ள விரோதியான மனிதன் தான் மிகுந்த தொல்லை கொடுக்கிறான்.

மீன் இனத்தைச் சேர்ந்த உயிரினம்தான் கடல்குதிரை. பார்ப்பதற்கு முதலைக் குட்டியைப் போலிருக்கும். ஆண் கடல் குதிரையின் வாலின் கீழே பை போன்ற அமைப்பு இருக்கும். ஆண் கடல் குதிரைகளின் இந்தப் பையில்தான் பெண் கடல் குதிரைகள் முட்டையிடுகின்றன. முட்டைகள் பொரிவதும் வெளிவரும் குஞ்சுகள் சிறிது காலம் வளர்வதும் இந்தப் பையில்தான். முட்டைகள் பொரிந்து குஞ்சுகள் வெளிவரும் நேரத்தில் அப்பா கடற்குதிரைக்கு பிரசவ வலி வரும். அப்போது
அது நீருக்கடியில் உள்ள புதற்களுக்கிடையே கிடந்து மிகவும் சிரமப்படும். உடலை முன்னும் பின்னுமாக அசைத்து வளைக்கும். இப்படி வளையும்போது பையின் தசைகள் விரிவடையும். ஒவ்வொரு முறை வளையும்போதும் ஒவ்வொரு குஞ்சு வெளிவரும்.

இதில் பிரச்சனை என்னவென்றால் கடல்குதிரையின் இனப்பெருக்க வேகம் மிகவும் குறைவு. மனிதர்களுக்கு வேகத்தைத் தரும் கடல் குதிரைகளுக்குத் தான் வேகம் வருவதில்லை. இப்படியே போனால் எதிர்காலத்தில் கடல் குதிரைகள் என்கிற இனம் என்ன ஆகுமென்று யாருக்கும் தெரியாது.

"உலகத்திலேயே கடல் குதிரை தான் ஆண் வர்க்கத்தில் கர்ப்பம் தரித்து குழந்தை பெற்று கொள்ள முடியும்"

மின்காந்த அலைகள் மூலம் மூளையைத் தூண்டுதல்

லண்டன்: மின்காந்த அலைகளைக் கொண்டு மூளையின் செயல்பாட்டை சீராக்க முடியும் என்பது மருத்துவ ஆராய்ச்சியின் சமீபத்திய கண்டுபிடிப்பு. மனிதர்களின் அனைத்து செயல்களையும் நிர்ணயம் செய்வது மூளைதான். அதுதான் நமக்கு எஜமான்.

மூளையின் கட்டளைக்கு ஏற்பதான் உடலின் எல்லா உறுப்புகளும் இயங்குகின்றன. மூளையில் ரத்த ஓட்டம் சீராக இல்லாதபோது பல்வேறு பாதிப்புகள் ஏற்படுகிறது. இங்கிலாந்தை சேர்ந்த மருத்துவ ஆராய்ச்சியாளர் குழுவினர் சோகன் கந்தோஷ் தலைமையில் மூளையின் செயல்பாடு மற்றும் குறைபாடுகளை களைவது குறித்த ஆராய்ச்சியில் இறங்கினர்.

மூளையின் குறிப்பிட்ட பகுதியை குறைந்த அழுத்தம் உள்ள மின்சக்தியால் தூண்டுவதன் மூலம் அவர்களை கணக்கில் புலிகளாக்கலாம் என்பதை கண்டுபிடித்துள்ளனர். ஆய்வு முடிவில் கிடைத்த தவகல்கள்: மூளையின் குறிப்பிட்ட பகுதியை குறைந்த அழுத்தம் உள்ள மின்சக்தியால் தூண்டுவதன் மூலம் அவர்களுக்கு கணக்கு பார்முலாக்கள் அத்துபடியாகும்.

கணக்கில் திறமைசாலியாக வரமுடியும். இத்தகைய சிகிச்சை முறையால் டிஸ்கேல்குலியா அல்லது எண் பார்வை குறைபாட்டை சரிசெய்ய முடியும். ஆனால் சரியான முறையில் சிகிச்சை அளிக்காவிட்டால் எதிர்மறை விளைவுகள் ஏற்படும் ஆபத்துக்களும் அதிகம் இருக்கிறது. மூளையின் பிற குறைபாடுகளை களைய மேற்கொள்ளப்பட்ட ஆராய்ச்சியின்

12 ராசிகளுக்கும் உரிய நவம்பர் மாத ராசி பலன் மற்றும் குருபெயர்ச்சி

பன்னிரு இராசிகளுக்குமான நவம்பர் மாதப் பலன்களுடன், இம் மாதம் 21ந் திகதி இடம்பெறும் குரு மாற்றத்திற்குரிய பலன்களும் இணைந்து வருகிறது. இவையணைத்தும் உங்கள் ராசிகளுக்கான பொதுப்பலன்கள். இப் பொதுப் பலன்களைக் கணித்தவர் மதுரை - பொருணைச் செல்வன்

இந்த மாதம் முக்கிய கிரகங்களில் குருபகவான் 7 ந் தேதி வக்கிர நிவர்த்தி அடைந்து நற்பலனை கொடுப்பார். அவர் 21 ம் தேதி மீனத்திற்கு மாறுகிறார். அதன் பின் அவரால் நன்மைகள் குறைவு. சனி 6 ம் இடத்தில் இருந்தும்கேது 3 ம் இடத்தில் இருந்தும் தொடர்ந்து நன்மைகளை தந்து கொண்டிருக்கிறார்கள். மேலும் புதன் விருச்சிகத்தில் இருந்து மாதம் முழுவதும் நற்பலனை கொடுப்பார். கேதுவால் ஆன்மீக தொடர்பான ஈடுபாடுகள் அதிகரிக்கும். எந்த ஒரு காரியத்தையும் சிறப்பாக முடிக்க கேது உறுதுணையாக இருப்பார். பொருளாதார வளம் சிறப்பாக இருக்கும். தேவைகள் பூர்ததியாகும். மதிப்பு மரியாதை சிறப்பாக இருக்கும்.

குடும்பத்தில் மகிழ்ச்சியும் நிம்மதியும் இருக்கும் காலம்.திருமணம் போன்ற சுபகாரியங்கள் நடக்கும்.3,4,30 திகதிகளில் புத்தாடை அணிகலன்கள் வாங்கலாம். பெண்கள் மிகவும் உதவிகரமாக இருப்பர்.குறிப்பாக 5,6,9,20,21 திகதிகளில் அவர்கள் மூலம் நன்மைகள் அதிகம் கிடைக்கும். 14,15,16 திகதிகளில் உறவினர் வருகையும் அவர்களால் நன்மையும் கிடைக்கும். உத்தியோகத்தில், வேலைப்பளு குறைவதுடன் கூடுதல் வருமானமும் பெற வாய்ப்புண்டு. மேல் அதிகாரிகளின் ஆதரவு கிடைக்கும். வணிகத்தை பொறுத்த மட்டில் உங்கள் கடின உழைப்புக்கு ஏற்ற பலன் நிச்சயம் உண்டு. புதிய தொழில் வாய்ப்புகள் சிறப்பாக அமையும். ஆனால் அதிக முதலீட்டை செய்ய வேண்டாம்.3,4 திகதிகளில் எதிர்பார்த்த வருவாய் கிடைக்கும். 27 ம் திகதிக்கு பிறகு முயற்சிகள் விழலுக்கு இறைத்த நீராக அமையும். பொருள் நஷ்டம் ஏற்பட வாய்ப்பிருப்பதால் கூடுதல் கவனத்துடன் இருக்கவும்.

கலைஞர்கள் சிறப்பான இடத்தை பெறுவர்.பெண்கள் வகையில் சிறிய பிரச்சனைகள் தலைதூக்கலாம். பொதுச்சேவையில் உள்ளோர், அரசியல்வாதிகள் அனுகூலமான பலனை காணலாம். மாணவர்கள் போட்டித் தேர்வுகளில் எதிர்பார்த்த பலனை பெறலாம். விவசாயம் தொடர்பான தொழில்களில் இருப்பவர்கள்அதிகமாக உழைக்க வேண்டியது இருக்கும். தானியம் மற்றும் பயறு வகைகளில் கூடுதல் மகசூல் கிடைக்கும். கால்நடை தொடர்பான தொழில்களில் நல்ல லாபம் கிடைக்கும்.

பெண்கள் விருந்து விழா என்று அழைப்புகளுக்கு சென்று வருவீர்கள்.பிள்ளைகளால் மகிழ்ச்சியும்,பெருமையும் கிட்டும்.மருத்துவச் செலவு குறையும். 1,2,28,29 திகதிகளில் வெப்பம் தொடர்பான பிணிகள் வரலாம். அதாவது பித்த மயக்கம்,சளி போன்ற தொந்தரவுகள் இருக்கும்.
அதிர்ஷ்ட திகதிகள்-5,7. அதிர்ஷ்ட நிறங்கள்-பச்சை மற்றும் சிவப்பு.
பிரச்சனைகள் தீர முருகன் வழிபாடு கைகொடுக்கும்.

குரு மாதத்தின் தொடக்கத்தில் நற்பலன்களை வழங்கினாலும் 7 ம் திகதிக்கு பிறகு வக்கிர நிவர்த்தி அடைவதால் நன்மைகளை தரமாட்டார். பிறகு 21 ம் திகதி மீனத்திற்கு வந்த நிலையில் நன்மைகளை வழங்குவார். சூரியன் 17 ம் திகதி வரை துலாம் ராசியில் இருந்து நன்மைகளை தருவார். இந்த மாதத்தில் பெரும்பாலான கிரகங்கள் சாதகமற்ற நிலையில் இருப்பதால் எந்த ஒரு காரியத்தையும் சற்று சிரத்தை எடுத்து முடிக்க வேண்டிய நிலை இருக்கும்.

செவ்வாய் 7 ம் இடத்தில் இருப்பதால் செலவுகள் அதிகரிக்கும். கையிலிருக்கும் பணத்தை நிதானித்து செலவுகளை செய்யவும். மனைவியுடன் எந்த வித விவாதங்களும் வேண்டாம்.
குடும்பத்தை பொறுத்த மட்டில் வசதிகள் வரும்.தேவைகள் பூர்த்தியாகும். பெண்கள் மிகவும் உதவிகரமாக இருப்பர்.7,8,22,23 திகதிகளில் அவர்களால் நன்மை கிடைக்கும். 26,27 திகதிகளில் புத்தாடை அணிகலன்கள் வாங்கலாம்.உறவினர்கள் வகையில் நன்மைகள் கிடைக்கும்.

உத்தியோக அளவில் சற்று கடினமான உழைப்பு இருக்கும். 21ம் திகதிக்கு பிறகு உழைப்பின் பலன் சிறப்பாக இருக்கும். வணிகத்தை பொறுத்த அளவில், பணப்புழக்கம் அதிகரிக்கும். செவ்வாய் அனுகூலமற்ற நிலையில் இருப்பதால் வீண்விரயம் இருக்கலாம். புதிய வியாபாரம் அனுகூலத்தை கொடுக்கும். 5,6 திகதிகளில் எதிர்பாராத பணவரவு இருக்கும். 19,20,21,24,25 திகதிகளில் சந்திரனால் சிறு தடைகள் வரலாம்.
கலைஞர்கள் சிறப்பான நிலையில் இருப்பர். புதிய ஒப்பந்தங்கள் கிடைக்கும். இருந்தாலும் பணவரவு குறைவாக தான் இருக்கும். மாணவர்கள் தொடர்ந்து மன ஒருங்கிணைப்புடன் படிப்பது மட்டுமே சிறந்த நிலை அடைய வழிதரும்.
விவசாயத்தை பொறுத்த மட்டில் கரும்பு,பழவகைகள்,காய்கறிகள் மற்றும் கீரைவகைகளில் நல்ல மகசூல் கிடைக்கும். கால்நடை பண்ணையில் ஆவினங்களிலிருந்து சிறப்பான பலன் உண்டு.
பெண்கள் குடும்பத்தில் விட்டுக் கொடுத்து போகவும். குழந்தை பாக்கியம் உருவாகும். 12,13 திகதிகளில் வயிறு தொடர்பான பிரச்சனைகள் வரலாம்.
அதிர்ஷ்ட எண்கள்-3,5. பால் வெண்மை அதிர்ஷ்ட நிறமாக இருக்கிறது.

குருபகவான் 21 ம் திகதி வரை நற்பலனை வழங்குகிறார். செவ்வாய் 28 ம் திகதி வரை விருச்சிகத்தில் இருந்து நன்மைகளை கொடுப்பார். புதன் விருச்சிகத்தில் நின்றும் சுக்கிரன் 5 ம் இடத்தில் இருந்தும் நன்மை செய்கிறார்கள். நினைத்த காரியங்கள் வெற்றிகரமானதாக அமையும். 17 ம் திகதிக்கு பிறகு உங்களுக்கு இருந்து வந்த தடைகள் விலகும். செவ்வாயால் பொருளாதார வளம் சிறக்கும். குடும்பத்தில் பெரியோர்களின் ஆதரவும் அனுசரனையும் தொடரும். நண்பர்கள் வகையில் உதவிகள் கிடைக்கும். 9,10,11,24,25 திகதிகளில் பெண்கள் மிகவும் உதவிகரமாக இருப்பர். மாத்தின் இரண்டாவது பகுதியில் உறவினர்களின் வருகையும்,நன்மையும் கிடைக்கும். 27 ம் திகதிக்கு பிறகு பணிநிமித்தம் அலைச்சல் இருக்கும்.
உத்தியோகத்தில் நல்ல முன்னேற்றங்களை காணலாம். இடமாற்றம் விரும்பிய படி உண்டு. காவல் பணியில் உள்ளவர்கள் ராணுவத்தினர் செவ்வாயின் ஆதிக்கத்தால் செல்வாக்குடன் காணப்படுவர்.
வணிகத்தில், பொருளாதார வளம் உயரும். பகைவர்களின் இடையூறுகள் விலகும். அவர்களால் மனக்குழப்பத்தில் இருந்த உங்களின் துயரம் தீரும். அதிக முதலீடுகளை தவிர்த்து விடுங்கள். எதிலும் நிதானமாக சிந்தித்து பின்னர் செயலில் இறங்கவும். 7,8 திகதிகளில் பணவரவு இருக்கும்.
கலைஞர்களுக்கு சீரான முன்னேற்றம் காணப்படும். அரசியல்வாதிகளுக்கு இருந்த பிரச்சனைகள் குறையும். சிலர் வெளிநாட்டு பயணங்கள் செல்வதற்கான வாய்ப்புகள் வரும். மாணவர்கள் அதிக அளவில் முயற்சித்தால் தான் போட்டி தேர்வுகளில் வெற்றி கிடைக்கும்.
விவசாயத்தில் நெல்,கேழ்வரகு,மொச்சை,கிழங்கு வகைகளில் அதிக லாபம் கிட்டும்.
உடல் நலன் சிறப்புடன் இருக்கும். மருத்துவ செலவு குறையும்.
1,5,6 அதிர்ஷ்ட எண்கள்.மஞ்சள்,பச்சை,சிவப்பு அதிர்ஷ்ட நிறங்கள்.



செவ்வாயின் சுழற்சி 28 ம் திகதிக்கு பிறகு தனுசுக்கு வருகிற நிலையில் குடும்பத்தில் இருந்த வந்த பிரச்சனைகள் நீங்கும். சனி 3 ம் இடத்தில் இருப்பதால் எந்த பிரச்சனை வந்தாலும் எளிதாக சமாளித்து விடுவீர்கள். வெற்றி காண்பீர். குரு 20 ம் திகதிக்கு பிறகு மீனத்திற்கு மாறி நற்பலனை வழங்குவார். குடும்பத்தில் மகிழ்ச்சியும், ஆனந்தமும் நிலவும். இது வரை உங்களிடம் இருந்த வந்த மனக்குழப்பம் விலகத் தொடங்கும். பிரச்சனைகள் யாவும் இருந்த இடம் தெரியாமல் மறையும். 12,13,26,27 திகதிகளில் பெண்கள் மிகவும் உதவிகரமாக இருப்பர். மாதத்தின் கடைசி பகுதியில் உறவினர்கள் வருகையும் அவர்களால் நன்மையும் இருக்கும்.

உத்தியோகத்தில் வேலைப்பளு குறையும். அதிகாரிகளின் ஆதரவு உண்டு. உங்கள் சார்பில் வைக்கப்பட்ட கோரிக்கைகள் நிறைவேறும் காலமிது. பெண்கள் வகையில் சில பிரச்சனைகள் வரலாம் என்பதால் சற்று ஒதுங்கி இருங்கள். வணிகத்தை பொறுத்தளவில் சீரான நிலை இருக்கும். எவரிடமும் வீணான வாக்குவதத்தை தவிர்க்கவும். பெண்கள் வகையில் எச்சரிக்கையுடன் இருக்கவும். 16 ம் திகதிக்கு பிறகு எதிரிகளால் சில பிரச்சனைகள் வரலாம். அலைச்சல் அதிகரிக்கும். தொழில்ரீதியாக வெளியூர் பயணம் ஏற்படலாம். 27 ம் திகதிக்கு பிறகு உங்களின் பலமும், ஆற்றலும் அதிகரிக்கும். கலைஞர்கள் சிறப்பான இடத்தை பெறுவர். பாராட்டுகள் கிடைக்கும்.

மாணவர்கள் புதனால் நற்பலனை பெறுவர். விவசாயிகளுக்கு வருமானத்திற்கு குறைவு இருக்காது. கால் நடை மூலம் வருமானம் குறைந்தாலும், பயிர் வகைகளில் அதிக லாபம் கிட்டும். பெண்கள் மகிழ்ச்சியுடன் இருப்பர். சுப நிகழ்ச்சிகளில் கலந்து கொள்ளும் வாய்ப்புண்டு. செவ்வாய் சாதகமற்ற இடத்தில் இருப்பதால் உடல் நலம் லேசாக பாதிக்கப்படலாம். 17,18 திகதிகளில் வயிற்று தொடர்பான உபாதைகள் வரலாம். 5,6 அதிர்ஷ்ட எண்கள். கறுப்பு,நீலம் அதிர்ஷ்ட நிறங்கள்.

உங்களுக்கு இந்த காலத்தில் புதன்,கேது நன்மைகளை வழங்குவார்கள். 17 ம் திகதி வரை சூரியன் துலாமில் இருந்து நற்பலன்களை தருவார். பொருளாதார வளம் சிறப்பாக இருக்கும். முயற்சிகளில் தடை வந்தாலும் அதை முறியடித்து வெற்றி காண்பீர்கள். சுற்றுவட்டாரத்தில் மதிப்பு மரியாதை உயரும். குடும்பத்தில் மகிழ்ச்சி நிலவும். பிரிந்த தம்பதிகள் ஒன்று சேர்வர். கணவன், மனைவி இடையே இருந்த பிரச்சனைகள் விலகி அன்பு மேலோங்கும். 7,8 தேதிகளில் உறவினர் வகையில் மனக்கசப்பு வரலாம். உத்தியோகத்தில் ஒரு பிடிப்பு இல்லாத நிலை காணப்படும். வேலைப்பளுவும்,அலைச்சலும் அதற்கு காரணமாக இருக்கலாம்.

வியாபரத்தை பொறுத்த மட்டில் உழைப்புக்கு ஏற்ற பலன் இருக்கும். வரவு செலவு கணக்குகளை துல்லியமாக பராமரிக்கவும். 16 ம் திகதிக்கு பிறகு பெண்களால் தொல்லை வரலாம். புதிய தொழில்கள் தொடங்கும் முயற்சியில் இறங்க வேண்டாம். 12,13 திகதிகளில் பணவரவு இருக்கும். 3,4,26,27,30 திகதிகளில் சந்திரனால் சிறுசிறு தடைகள் வரலாம்.
கலைஞர்கள் புதிய ஒப்பந்தங்களால் ஏற்றம் பெறுவார்கள்.அரசியல்வாதிகளுக்கு சாதகமான நிலை இல்லை. ஆனால் அவர்களின் கவுரவத்திற்கு பாதிப்பில்லை. எதிர்பார்த்த பதவி கிடைக்காமல் போகலாம்.

மாணவர்கள் சற்று அதிக முயற்சி எடுத்தால் மட்டுமே வெற்றிகள் கிடைக்கும்.பெண்களுக்கு கணவரின் ஆதரவு நிறைவாக கிட்டும். விவசாயத்தை பொறுத்த அளவில் சீரான மகசூல் இருக்கும். பழவகைகள் தொடர்பான வியாபாரத்தில் நல்ல லாபம் உண்டு. மருத்துவச் செலவு குறையும். செவ்வாயால் சிறு உபாதைகள் வரலாம். சிலர் கெட்டசகவாசத்தால் அவதிக்குள்ளாகலாம். பிள்ளைகள் நலனில் அக்கறை தேவை. வயிற்று தொடர்பான கோளாறுகள் இருக்கும். 4,7 அதிர்ஷ்ட எண்கள். வெள்ளை, பச்சை அதிர்ஷ்ட நிறங்கள்.
பிரச்சனைகள் தீர் விநாயகர் வழிபாடு கைகொடுக்கும்.

2 ல் சுக்கிரன்,3 ல் செவ்வாய் இருப்பது நற்பலன்கள் தொடர வழிவகுக்கும். 7 ம் திகதி வரை குருவக்கிரத்தில் இருந்து நன்மைகளை தருவார். சூரியன் 17 ம் திகதிக்கு பிறகு விருச்சகத்தில் இருந்து நன்மைகளை செய்கிறார். ஆனால் சனி,3ல் உள்ள புதன்,4 ம் இடத்தில் உள்ள ராகு,10 ல் உள்ள கேது ஆகியோர் நன்மைகளை தரும் இடத்தில் இல்லை. எடுத்த காரியங்கள் இனிதாக நிறைவேறும்.

16 ம் திகதி வரை சூரியன் சாதகமற்ற இடத்தில் இருப்பதால் வீண்விரயங்கள் இருக்கும். குடும்பத்தில் கணவன் மனைவி இடையே அன்பு மேலோங்கும். வீட்டுக்கு தேவையான வசதிகளை செய்து கொள்ள வழி உண்டாகும். பெண்கள் உதவிகரமாக இருப்பர். 3 ம் திகதிக்கு மேல் 4,17,18,30 திகதிகளில் பெண்களால் நன்மைகள் கிடைக்கும்.
26,27 திகதிகளில் உறவினர்கள் வருகையும், அவர்களால் நன்மையும் உண்டு. உத்தியோகத்தில் மேல் அதிகாரிகளின் ஆதரவும்,ஆலோசனையும் கிடைக்கும். 24,25 திகதிகளில் நல்ல பலன்களை காணலாம்.

வியாபாரத்தில் எதிர்பார்த்த பணப்புழக்கம் இருக்கும். புதிய தொழில் அனுகூலமான போக்கை தரும். பகைவர்களின் இடையூறுகள் இருந்தாலும் பெரிய பாதிப்பு இருக்காது. வரவு செலவு கணக்கை சரியாக நிர்வகிக்கவும்.16 ம் திகதிக்கு பிறகு வீண்விரயங்கள் இருக்காது.வியாபாரிகளுக்கு அரசாங்கத்தின் வழியில் சில அனுகூலங்கள் கிடைக்கும்.
கலைஞர்கள் முன்னேற்றமான பலன்களை காணலாம். திறமை சிறப்பாக வெளிப்பட்டு புகழ்,பாராட்டு கிடைக்கும். சமூக சேவையில் ஈடுபடுவோருக்கு விருதுகளும், பாராட்டும் கிடைக்கும். மாணவர்கள் படிப்பில் மட்டும் அல்லாது ஏணைய போட்டி விளையாட்டுக்களிலும் வெற்றி காண்பர்.

விவசாயத்தில் செலவுகள் குறைந்து லாபம் அதிகரிக்கும். கரும்பு,சோளம்,நெல் பயிர்களில் அதிக வருமானம் இருக்கும். கால்நடை தொழில்களில் லாபம் அதிகரிக்கும்.
பெண்களுக்கு கணவரின் அன்பு அதிகரிக்கும். மாதம் முற்பகுதியில் விருந்து, விழா என்று சுபநிகழ்ச்சிகளுக்கு அழைப்புகள் வரும். 3,4,30 திகதிகள் சிறப்பான நாட்களாக இருக்கும்.
உடல்நலம் சிறப்பாக இருக்கும். சூரியனின் சஞ்சாரத்தால் கண்வலி வரலாம். 3.6 அதிர்ஷ்ட எண்கள்.வெள்ளை,சிவப்பு அதிர்ஷ்ட நிறங்கள்.

இந்த மாதத்தில் 3ம் இடத்தில் இருக்கும் ராகு மற்றும் உங்கள் ராசியில் இருக்கும் சுக்கிரன் ஆகியோர் மாதம் முழுவதும் நன்மைகளை தருகிறார்கள். குரு 7 ம் திகதி வக்கிர நிவர்த்தி அடைந்து நற்பலனை தருகிறார். ஆனால் இவை தவிர பெரும்பாலான கிரகங்கள் சாதகமற்ற இடத்தில் இருப்பதால் முயற்சிகளில் தடைகள் இருக்கும்.அதிக அலைச்சலும் இருக்கும். தவறான முடிவால் அவப்பெயர் வரலாம். ராகுவால் பொருளாதார பற்றாக்குறை இருக்காது. ஆனால் திடீர் செலவுகள் அதிகரிக்கும். எனவே சிக்கனம் தேவை.

குடும்பத்தில் ஆயிரம் பிரச்சனைகள் இருந்தாலும் வீட்டில் நிம்மதியும்,குதூகலமும் இருக்கும். கணவன் மனைவி இடையே அன்பு மேம்படும். வீட்டிற்கு தேவையான வசதிகள் கிடைக்கும். குழந்தை பாக்கியம் இல்லாதவர்கள் கருத்தரிப்பர். 5,6,19,20,21 திகதிகளில் பெண்களால் நன்மைகள் அதிகம் கிடைக்கும். உத்தியோகத்தில் சீரான நிலை இருக்கும்.ஆனால் உழைப்பு அதிகமாக இருக்கும். புதன் 3 ம் இடத்தில் இருப்பதால் இடமாற்றம் இருக்கலாம். மேல் அதிகாரிகள் கேட்டால் மட்டுமே ஆலோசனை சொல்லுங்கள்.

வணிகத்தில் அயராது உழைத்து கொண்டே இருங்கள். உங்கள் உழைப்புக்கு ஏற்ற வருமானம் கிடைக்கும். 17 ம் திகதிக்கு பிறகு வீண்செலவுகள் இருக்கும். பொருள்கள் களவு போக நேரிடலாம். கவனம் தேவை.பகைவர்களின் இடையூறு இருக்கும். அவற்றை சமாளிக்கும் வல்லமை கிடைக்கும். கலைஞர்கள் புதிய ஒப்பந்தங்களை பெறுவர்.புகழ்,பாராட்டு கிடைக்கும். பெண்கள் மூலம் அனுகூலமான பலனை காணலாம். மாணவர்கள் கடினமாக உழைத்தாலும் நினைவுத்திறனில் குறைவு இருக்கும். ஆனால் முயற்சியை கைவிட வேண்டாம். குருவின் பார்வை சாதகமாக இருப்பதால் பிற்போக்கான பலன் இருக்காது.

பெண்கள் கணவரின் அன்பை பெறுவர். திருமணம் சுபநிகழ்ச்சிகள் கைகூடி வரும். செவ்வாய் சாதகமற்ற இடத்தில் இருப்பதால் சிறுசிறு உடல் உபாதைகள் வரலாம். குறிப்பாக வயிறு மற்றும் கண்வலி வந்து நீங்கும். அதிர்ஷ்ட எண்கள்-7,8. அதிர்ஷ்ட நிறங்கள்-வெள்ளை,நீலம்.



இந்த மாதத்தில் 11 ம் இடத்தில் இருக்கும் சனி மாதம் முழுவதும் நற்பலனை தருவார். 7 ம் திகதி வரை குரு வக்கிரத்தில் சிக்கி இருப்பது சாதக பலனை தரும். தேவைகள் அனைத்தும் பூர்த்தியாகும். செவ்வாய் உங்கள் முயற்சியில் தடைகளை ஏற்படுத்த வாய்ப்புண்டு. எனவே சிரத்தை எடுத்தால் தான் காரிய அனுகூலம் ஏற்படும். மதிப்பு மரியாதை சிறப்பாக இருக்கும். 17 ம் திகதிக்கு பிறகு அலைச்சலும்,சோர்வும் ஏற்படும். செல்வாக்கு பாதிக்கப்படலாம்.

குடும்பத்தில் கணவன் மனைவி இடையே அன்பு நீடிக்கும். 7,8,22,23 திகதிகளில் பெண்களால் உதவிகள் கிடைக்கும். 3,4,30 திகதிகளில் உறவினர்கள் வருகை இருக்கும். 12,13 திகதிகளில் புத்தாடை,அணிகலன்கள் வாங்க உகந்த வாய்ப்புகள் வரும்.உத்தியோகத்தில் உங்கள் திறமைக்கு ஏற்ற பொறுப்புகள் கிடைக்காமல் போகலாம். அதிகாரிகளிடம் அனுசரித்து போகவும். சிலர் இடமாற்றத்தை சந்திக்க நேரிடும்.28,29 திகதிகளில் எதிர்பாராத நற்பலன்கள் கிடைக்கும்.

வணிகத்தில் லாபத்திற்கு குறைவிருக்காது. தொழில் தொடர்பாக அரசாங்கத்திடம் எதிர்பார்த்த சலுகைகள் கிட்டும். 5 ம் திகதிக்கு மேல் சந்திரனால் சிறுசிறு தடைகள் வரலாம்.
பொதுசேவையில் ஈடுபடுவோர்,அரசியல்வாதிகளுக்கு பிரச்சனைகள் இல்லை. மாணவர்கள் தீயசேர்க்கைக்கு ஆளாக வாய்ப்பிருப்பதால் கவனம் தேவை. விவசாயம் சிறப்பான நிலையில் இருக்கும். நிலக்கடலை மற்றும் பசுக்களின் மூலம் சீரான வருமானம் இருக்கும். புதிய சொத்து ஒன்றை வாங்கி வாய்ப்பிருக்கிறது.

பெண்களுக்கு ஆடம்பர பொருட்கள் கிடைக்கலாம். வீட்டில் சிற்சில பிரச்சனைகள் காணப்பட்டாலும் அது பெரிதாகாது. உடல்நலன் சிறப்பாக இருக்கும். வயிறு தொடர்பான பிரச்சனைகள் வரலாம். அதிர்ஷ்ட எண்-4,7. அதிர்ஷ்ட நிறங்கள்- நீலம்,பலவண்ண கலவை.



இந்த மாதத்தில் சுக்கிரன் நற்பலன்களை தருகிறார். சூரியன் 16 ம் திகதி வரை நன்மைகளை வழங்குகிறார். மற்ற கிரகங்களான புதன்,சனி,கேது ஆகியோரால் சாதகமான அம்சங்கள் இல்லை. குரு 7 ம் திகதிக்கு வக்கிர நிவர்த்தி அடைந்தாலும் பெரிய அளவில் நன்மை இல்லை. மாத முற்பகுதியில் சூரியனால் அனுகூலங்கள் பல கிடைக்கும். அரசின் உதவி கிடைக்கும்.

சுக்கிரன் பலத்தால் காரிய அனுகூலம் ஏற்படும். முயற்சியில் இருந்து வந்த தடைகள் நீங்கி காரியங்கள் வெற்றியடையும். மதிப்பு,மரியாதை சிறப்பாக இருக்கும். குடும்பத்தில் மகிழ்ச்சியும்,ஆனந்தமும் நீடிக்கும். 9 ம் திகதிக்கு மேல் பெண்களால் அனுகூலமான பலன்களை காணலாம். அதே வேளையில் 17,18 திகதிகளில் அவர்கள் வகையில் மனக்கசப்பு வரலாம்.
14,15,16 திகதிகளில் புத்தாடை,அணிகலன்கள் வாங்க வாய்ப்புண்டு. உத்தியோகத்தில் சிறப்பான நிலை இருந்து வரும். சிலருக்கு விரும்பிய இடமாற்றம் கிடைக்கும். இருந்தாலும் அலைச்சல் அதிகரிக்கும். 30ம் திகதி வாக்கில் அலுவலக ரீதியான முனனேற்றமான சம்பவம் நடைபெறலாம். வணிகத்தில் சீரான பலனை எதிர்பார்க்கலாம். லாபம் குறையாது. பகைவர்களின் இடையூறு மறைந்து போகும். கொடுக்கல் வாங்கல் சிறப்பாக இருக்கும். சிலர் தீயோர் சேர்க்கைக்கு ஆளாகி அவதிப்பட நேரிடும். கவனம். 22,23 திகதிகளில் எதிர்பாராத பணவரவு இருக்கும்.
கலைஞர்கள் முன்னேற்ற பாதையில் செல்வர். மாணவர்கள் ஆசிரியர்களின் வழிகாட்டுதலை தேர்வது நல்லது. விவசாயிகள் கால்நடைகள் மூலம் கூடுதல் வருமானம் பெறுவர். சோளம்,கடலை தொடர்பான விவசாயம் மற்றும் தொழில்களில் லாபம் சிறக்கும். வழக்கு விவகாரங்கள் எதுவும் இருந்தால் சிறப்பு கவனத்துடன் இருக்கவும்.
பெண்கள் குடும்பத்தின் முக்கிய முடிவுகளில் சிறப்பான இடத்தை வகிப்பர். பிள்ளைகள் வகையில் சற்று கவனம் தேவை. உடல் நலம் சிறப்பாக இருந்தாலும் 17ம் திகதிக்கு பிறகு சிறு வயிறு உபாதைகள் வரலாம். அதிர்ஷ்ட எண்கள்-3,5. அதிர்ஷ்ட நிறங்கள்-வெள்ளை.செந்தூரம்.

நிழல்கிரகமான கேது உங்கள் ராசிக்கு 6 ம் இடத்தில் இருந்து தொடர்ந்து நன்மைகளை தருகிறார். 11 ம் இடத்தில் உள்ள புதனும் நற்பலன்களை தருகிறார். குரு 7 ம் திகதி வக்கிர நிவர்த்தி அடைந்து நன்மைகளை தருகிறார். ஆனால் 21 ம் திகதிக்கு பிறகு வக்கிர நிவர்த்தி அடைவதால் அந்த பலன்கள் கிடைப்பதில்லை. இந்த கட்டத்தில் எந்த ஒரு செயலையும் வெற்றிகரமாக செய்து முடிக்க புதன், கேது துணை நிற்பர். பணப்புழக்கம் அதிகரிக்கும். மதிப்பு மரியாதை கூடுதலாக இருக்கும். தேவைகள் அனைத்தும் பூர்த்தியாகும்.

குடும்பத்தில் மகிழ்ச்சியும், ஆனந்தமும் அதிகரிக்கும். கணவன்,மனைவி இடையே அன்பு நீடிக்கும். பெண்களால் கூடுதலான நன்மைகள் உண்டு. உத்தியோகத்தில் அதிகமான உழைப்பு தேவைப்படும். நண்பர்கள் மற்றும் சகஊழியர்கள் உதவிகரமாக இருப்பர். 5,6 திகதிகளில் சிறப்பான பலனை காணலாம். வணிகத்தில் பொருளாதார வரவு சிறப்பாக இருக்கும். புதிய தொழில் அனுகூலத்தை தரும். தடைகளும், எதிரிகளின் சதியும் முறியடிக்கப்படும். 24,25 திகதிகளில் திடீர் பணவரவுக்கு வாய்ப்புண்டு.

கலைஞர்களுக்கு எதிரிகளின் தொல்லை அதிகரிக்கும். அவப்பெயர் வரலாம். மாணவர்கள் கல்வியில் நல்ல முன்னேற்றம் காண்பர். புதன் சாதகமான இடத்தில் இருப்பதால் போட்டிகளில் வெற்றி கிடைக்கும். பெண்களால் குடும்பம் சிறக்கும். விவசாயத்தில் அதிக உழைப்பை செலுத்த வேண்டியதிருக்கும். கால்நடைகள் நல்ல பலனை தரும். உடல் நலன் பாதிப்பில்லை. இருந்தாலும் சீரண கோளாறுகள் வரலாம். கவனம் தேவை. அதிர்ஷ்ட எண்கள்-1,3,7 அதிர்ஷ்ட நிறங்கள்-சிவப்பு,பச்சை,நீலம்

இந்த ராசிக்கு புதன், சுக்கிரன், ராகு ஆகியோர் மாதம் முழுவதும் நன்மைகளை தருகிறார்கள். செவ்வாய் 28 ம் திகதிக்கு பிறகு நன்மைகளை தருவார். 16 ம் திகதிக்கு பிறகு சூரியன் விருச்சிகத்திற்கு வந்த நன்மைகளை தருகிறார். ஆனால் சனி,கேது ஆகியோர் சாதகமற்ற இடத்தில் இருப்பதால் நன்மைகள் இல்லை. பெரும்பாலான கிரகங்கள் சாதகமாக காணப்படுவதால் உங்களுக்கு நற்பலன்கள் இந்த மாதத்தில் தொடரும். பணப்புழக்கம் இருக்கும். நினைத்த காரியம் நிறைவேறும்.

17 ம் திகதி வரை எதிலும் நிதானத்துடன் செயல்படுங்கள். மரியாதைக்கு இழுக்கு வரும்படியான நிகழ்வுகள் வரலாம். குடும்பத்தில் மகிழ்ச்சி நிலவும். திருமணம் போன்ற சுபநிகழ்ச்சிகள் கைகூடும். பிள்ளைகளால் பெருமையடைவீர்கள். உத்தியோத்தில் பெண்களின் ஆதரவு உண்டு. பொருள்சேரும். பதவி,சம்பள உயர்வு போன்றவை வந்து சேரும். மாதத்தின் பிற்பகுதியில் சகஊழியர்கள் உதவியாக இருந்து ஒரு திட்டத்தை முடிக்க ஒத்துழைப்பர். காவல் பணியில் இருப்பவர்கள் சிறப்பான பலனை காண்பர்.

வணிகத்தில் லாபம் அதிகரிக்கும். ஆனால் அஷ்டமத்தில் சனி இருப்பதால் எதிலும் அதிக முதலீடு போடவேண்டாம். 17 ம் திகதிக்கு பிறகு செலவு அதிகரிக்கும். எதிரிகளின் இடையூறு இருந்தாலும் பெரிய தாக்கம் இருக்காது. 12,13,17,18 திகதிகளில் சந்திரனால் தடைகளை சந்திக்க வேண்டி நேரலாம். கலைஞர்களுக்கு முன்னேற்றமான காலகட்டம். நல்ல பலன்கள் கிடைக்கும்.
மாணவர்கள் புதனால் கூடுதலான அனுகூலத்தை காணலாம். விவசாயத்தில் வருமானத்திற்கு குறைவிருக்காது. பயறுவகைகளில் நல்ல லாபம் கிடைக்கும். சொத்து வாங்க அனுகூலமான காலகட்டம் இது. பெண்கள் குடும்பத்தில் முக்கிய முடிவுகளை எடுப்பார்கள். 14,15,16 திகதிகளில் சிறப்பான பலனை காணலாம். உடல்நலம் சிறப்பாக இருக்கும். பயணத்தின் போது கவனம் தேவை.

அதிர்ஷ்ட எண்கள்-5,6,7 அதிர்ஷ்ட நிறங்கள்-பச்சை,நீலம்.



சுக்கிரன் மட்டும் இந்த மாதத்தில் நற்பலன்களை தருகிறார். 7 ம் திகதி குரு வக்கிர நிவர்த்தி அடைந்தாலும் நன்மை தருவதாக அமையவில்லை. கேது, ராகு ஆகியவை நன்மை தரும் இடத்தில் இல்லை. சந்திரன் பெரும்பாலான நாட்கள் நன்மை தருவார். கிரகங்கள் பலவும் சாதகமற்ற நிலையில் இருப்பது கவனமாக இருப்பது நல்லது. ஆனால் இந்த கிரகங்கள் கெடுதல் எதுவும் பெரிதாக செய்ய போவதில்லை.

குருவின் பார்வை சாதகமாக இருப்பதால் பலம் உங்கள் பக்கம். அதன் மூலம் உங்களுக்கு வரும் தடைகளை தகர்க்கலாம். புதன் சாதகமற்ற இடத்தில் இருப்பதால் யாரிடமும் வீண் விவாதம் வேண்டாம். பொறுமையும் விட்டுக் கொடுத்து போகும் போக்கையும் கடைபிடியுங்கள். குடும்பத்தில் வசதிகள் பெருகும். பெண்கள் ஆதரவாக இருப்பர். சிக்கனம் தேவை. உத்தியோகத்தில் வேலைப்பளு அதிகரிக்கும். மேல் அதிகாரிகளிடம் அனுசரித்து போவது நல்லது. 9,10,11 திகதிகளில் எதிலும் வெற்றி காணலாம்.

வியாபாரத்தில் நல்ல முன்னேற்றம் லாபம் இருக்கும். எதிலும் அதிக முதலீடு போட வேண்டாம். சந்திரனால் தடைகள் வந்தாலும், எதிர்பாராத வகையில் சந்திரனின் அனுகூலத்தால் பணம் கிடைக்கும். மாணவர்களும் கலைஞர்களும் சிறப்பான பலனை காண்பார்கள். விவசாயத்தில் இருந்த தொய்வு நிலை மாறிவிடும். புதிய சொத்து வாங்க முடிவெடுத்தால் சற்று பொறுத்திருங்கள்.

பெண்களால் குடும்பத்தில் மகிழ்ச்சி நிலவும்.செவ்வாய் சாதகமற்ற இடத்தில் இருப்பதால் நெருப்பு தொடர்பான வேலையில் இருப்பவர்கள் கவனமுடன் இருப்பது நல்லது.
அதிர்ஷ்ட எண்கள்-7 அதிர்ஷ்ட நிறங்கள்-வெள்ளை. நவகிரக வழிபாடு பிரச்சனைகளை தகர்த்து வெற்றிக்கான வழியை ஏற்படுத்தும்.

கணித்தவர்- பொருணைச்செல்வன்,மதுரை.

குடி குடியை‌‌க் கெடு‌க்கு‌ம், குடி நா‌ட்டு‌க்கு‌ம், ‌வீ‌ட்டு‌க்கு‌ம் கேடு

இந்த படத்தைப் பார்த்ததும் இந்த பதிவின் நோக்கம் உங்களுக்கு

புரிந்திருக்கும்.

குடி குடியை‌‌க் கெடு‌க்கு‌ம், குடி நா‌ட்டு‌க்கு‌ம், ‌வீ‌ட்டு‌க்கு‌ம் கேடு எ‌ன்பது போ‌ன்ற வாசக‌ங்க‌ள் மதுபான பா‌ட்டி‌ல்க‌ளிலேயே எழுத‌ப்ப‌ட்டிரு‌க்கு‌ம். ஆனா‌ல் அதை வா‌ங்‌கி‌க் குடி‌க்கு‌ம் குடிமக‌ன்க‌‌‌ள் யாரு‌ம் அதை‌ப் படி‌ப்பது‌ம் இ‌ல்லை, படி‌த்து நட‌ப்பது‌ம் இ‌ல்லை.

கோ‌யி‌ல் இ‌ல்லாத ஊ‌ரி‌ல் குடி‌யிரு‌க்க வே‌ண்டா‌ம் எ‌ன்பா‌ர்க‌ள். ஆனா‌ல் ந‌ம்மூ‌ர் ஆ‌ண்மக‌ன்களோ, பா‌ர் இ‌ல்லாத ஊ‌ரி‌ல் குடி‌யிரு‌க்கவே மா‌ட்டா‌ர்க‌ள். அ‌‌ந்த அள‌வி‌ற்கு குடி‌ப் பழ‌க்க‌ம் த‌ற்போது அ‌திக‌ரி‌த்து வரு‌கிறது. காலை‌யி‌ல் 10 ம‌ணி‌க்கு டா‌‌ஸ்மா‌ர்‌க் கடைக‌ள் ‌திற‌க்க‌ப்படு‌கி‌ன்றன. இரவு 10 ம‌ணி‌க்கு மூட‌ப்படு‌கி‌ன்றன. காலை‌யி‌ல் வேலை‌க்கு‌ச் செ‌ல்வோரு‌ம், ப‌ள்‌ளி‌க்கு‌ச் செ‌ல்லு‌ம் ‌பி‌ள்ளைகளு‌ம் அவசரக‌தி‌யி‌ல் இய‌ங்‌கி‌க் கொ‌ண்டிரு‌க்கு‌ம் அ‌ந்த சமய‌த்‌திலு‌ம், டா‌ஸ்மா‌ர்‌க் கடைக‌ளி‌ன் வா‌யி‌ல்களை அடை‌த்து‌க் கொ‌ண்டு ‌நி‌ற்கு‌ம் பலரை நா‌ம் காண முடியு‌ம். மேலே உள்ள படத்தைப் பார்த்தாலே புரியும்.

காலை‌யிலேயே இ‌வ‌ர்க‌ள் இ‌ப்படி எ‌ன்றா‌ல், மாலை‌யு‌ம், அதையு‌ம் தா‌ண்டி இர‌விலு‌ம் இவ‌ர்க‌ள் எ‌ப்படி இரு‌ப்பா‌ர்‌க‌ள். மேலை நாடுக‌ளி‌ல் ‌நிலவு‌ம் த‌ட்பவெ‌ப்ப ‌நிலையை‌த் தா‌ங்க அவ‌ர்க‌ள் குடி‌க்‌கிறா‌ர்க‌ள். அதுவு‌ம் உட‌ல் நல‌த்‌தி‌ற்கு ஏ‌ற்ற அள‌வி‌ற்கு ம‌ட்டுமே. ஆனா‌ல் அதை நமது குடிமக‌‌ன்களோ ‌தினமு‌ம் ‌நிறைய த‌ண்‌ணீ‌ர் குடி‌ங்க எ‌ன்று மரு‌‌த்துவ‌ர் கூறுவதை‌க் கே‌ட்டு ந‌ல்ல ‌பி‌ள்ளையாக ‌இ‌ந்த‌ த‌ண்‌ணியை‌க் குடி‌த்து‌க் கொ‌ண்டிரு‌க்‌கிறா‌ர்க‌ள். இது நமது உடலு‌க்கு‌ம் கேடு, நமது ‌வீ‌ட்டி‌ற்கு‌ம் கேடு எ‌‌ன்பதை எ‌ப்போது உண‌ர்வா‌ர்க‌ள்.

இவை எல்லாவற்றிலும் கொடுமை என்னவென்றால் அரசே மது விற்பனை செய்வதுதான். குடிமக்களை காக்கவேண்டிய அரசே மக்களை குடிகாரர்களாக ஆக்கிகொண்டிருக்கிறது என்பதுதான். சாராயம் வித்தவர்கள் எல்லாம் இன்று கல்வி தந்தையாகி விட்டார்கள். கல்வியைப் போதிக்க வேண்டிய அரசோ சாராயம் விற்றுக் கொண்டிருக்கிறது. கொடுமைக் கொடுமை என்று கோயிலுக்கு போனால் அங்கே இரண்டு கொடுமை டிங்கி,டிங்கி என்று ஆடியதாம். அது போலத்தான் இருக்கிறது அரசு சாராயம் விற்கும் முறை.

ஆண்கள் மட்டும் குடித்துகொண்டிருந்த நிலை மாறி இன்று பெண்களும் குடிக்கும் நிலைக்கு முன்னேறி இருக்கிறார்கள். கைநிறைய சம்பளம் வாங்கும் மேல்தட்டு வர்க்க பெண்கள்( எல்லா பெண்களும் அல்ல ) பார்ட்டிகளிலும்,பப்பே,டிஸ்கொத்தே போன்ற நிகழ்ச்சிகளிலும் குடித்து கும்மாலமடிப்பதை செய்திகளிலும் பத்திரிகைகளிலும் அன்றாடம்

நாம் படிகின்றோம்.

குடி‌ப்பத‌ற்கு மு‌ன் எ‌வ்வளவு ந‌ல்லவ‌ர்களாக இரு‌க்‌கிறா‌ர்களோ, போதை தலை‌க்கே‌றியது‌ம் அ‌வ்வளவு‌க்கு அ‌வ்வளவு ‌தீய செய‌ல்க‌ளி‌ல் எ‌ந்த ‌தய‌க்கமு‌ம் இ‌ல்லாம‌ல் இற‌‌ங்கு‌கிறா‌ர்க‌ள். குடி‌ப்பதாலேயே பலரு‌க்கு‌ம் தவறு செ‌ய்ய அனை‌த்து உ‌ரிமையு‌ம் இரு‌ப்பதாக ‌நினை‌த்து மனை‌வியை அடி‌ப்பது, குழ‌ந்தைகளை அடி‌ப்பது, தெரு‌வி‌ல் போவோ‌ர் வருவோ‌ரிட‌ம் ச‌ண்டை போடுவது என பலவாறான ‌தீய செய‌ல்க‌ளி‌ல் ஈடுபடு‌கிறா‌ர்க‌ள்.

ஒரு ந‌ல்ல குடு‌ம்ப‌ம், குடு‌ம்ப‌த் தலைவ‌னி‌ன் குடி‌ப்பழ‌க்க‌த்தாலேயே கெ‌ட்டு ‌சீரழிந்து போனதை ந‌ம்‌மி‌ல் பலரு‌ம் வா‌ழ்‌க்கை‌யி‌ல் பா‌ர்‌த்‌திரு‌ப்போ‌ம். இ‌ன்னு‌ம் எ‌த்தனையோ குடு‌‌ம்ப‌ங்க‌ள் ‌சீ‌ர‌ழி‌ந்து கொ‌ண்டிரு‌ப்பதையு‌ம் க‌ண்கூடாக பா‌ர்‌த்து‌க் கொண்டிருக்கிறோம்.

கூ‌லி வேலை செ‌ய்பவ‌ர்க‌ள் ம‌ட்டும‌ல்ல‌, எ‌த்தனையோ பெ‌ரிய ‌நிறுவன‌ங்க‌ளி‌ல் பெ‌ரிய பத‌விக‌ளி‌ல் ப‌ணிபு‌ரியு‌ம் நப‌ர்க‌ள் கூட, த‌ங்களது ச‌ம்பா‌த்‌திய‌த்தை முழுவது‌ம் டா‌ஸ்மா‌ர்‌க் கடைக‌ளி‌லேயே செலவ‌ழி‌த்து‌வி‌ட்டு ‌வீ‌ட்டி‌ற்கு போவதை பா‌ர்‌த்‌திரு‌க்‌கிறோ‌ம்.

குடி‌ப்பழ‌க்க‌த்தா‌ல் குடு‌ம்ப‌த்தை இழ‌ந்தவ‌ர்க‌ள் பல‌ர், வா‌ழ்‌க்கையை தொலை‌த்தவ‌ர்க‌ள் பல‌ர், கு‌ற்றவா‌ளிகளானவ‌ர்க‌ள் பல‌ர், உ‌ற்றவரை கு‌‌ற்றவா‌ளியா‌க்‌கியவ‌ர்களு‌ம், உ‌யிரையே இழ‌ந்தவ‌ர்களு‌ம் பல‌ர் உ‌ள்ளன‌ர். இ‌ப்படி‌யிரு‌க்கு, அ‌ந்த குடியா‌ல் அடையு‌ம் ந‌‌ன்மைதா‌ன் எ‌ன்ன?

சாலை‌யி‌ல் நட‌க்கு‌ம் பல வாகன ‌விப‌த்துகளு‌க்கு‌ம் மு‌க்‌கிய‌க் காரணமாக குடிய‌ல்லவா இரு‌க்‌கிறது. வாகன‌த்‌திலு‌ம் ச‌ரி, வா‌ழ்‌க்கை‌யிலு‌ம் ச‌ரி ‌விப‌த்தை ஏ‌ற்படு‌த்து‌ம் இ‌ந்த குடி எ‌ன்ற அர‌க்கனை ந‌ம் ‌வீ‌ட்டி‌ற்கு‌ள் வராம‌ல் தடு‌க்க வே‌ண்டாமா? சமுதாய‌த்தையே ‌சீர‌ழி‌க்கு‌ம் குடியா‌ல் ‌உ‌ங்க‌ள் குடி கெட வே‌ண்டுமா?

குடி‌ப்பதை மற‌ப்போ‌ம், குடு‌ம்ப‌த்தை ‌காப்போம்.

அமெரிக்க லொத்தர் விசா 2012 க்கு விண்ணப்பங்கள் கோரப்பட்டுள்ளன

அமெரிக்காவில் நிரந்தரமாகக் குடியேறுவதற்கான அமெரிக்க லொத்தர் விசாவிற்கு இணையத்தினூடாக விண்ணப்பிக்க முடியும். ஒக்டோபர் 5 ஆம் திகதி செவ்வாய்க்கிழமை தொடக்கம் நவம்பர் 3 ஆம் திகதி புதன்கிழமை வரை இதற்கு விண்ணப்பிக்கலாம் எனத் தெரிவிக்கப்பட்டுள்ளது. வருடாந்தம் வெவ்வேறு வகைப்பட்ட குடியேற்ற விசா திட்டத்தின் மூலம் 50,000 விசாக்களை அமெரிக்கா வழங்குகிறது. பிரேஸில், கனடா, சீனா, கொலம்பியா, டொனிக்கன் குடியரசு, ஈகுவாடோர், எல்சல்வடோர், குவாட்டமாலா, ஹெய்டி, இந்தியா, ஜமேக்கா, மெக்ஸிக்கோ, பாகிஸ்தான், பெரு, பிலிப்பைன்ஸ், போலந்து, தென்கொரியா, ஐக்கிய இராச்சியம், (வடஅயர்லாந்து விதிவிலக்கு) வியட்நாம் போன்ற நாடுகளைப் பிறப்பிடமாகக் கொண்டவர்கள் விண்ணப்பிக்க முடியாது. அதேசமயம், ஹொங்கொங், மக்காவூ, தாய்வானைச் சேர்ந்தவர்கள் விண்ணப்பிக்க முடியும்.

2005 இலிருந்து இலத்திரனியல் பதிவுமுறையை அமெரிக்க இராஜாங்கத் திணைக்களம் இந்த விசா முறை தொடர்பாக நடைமுறைப்படுத்தி வருகிறது. சட்டவிரோத குடியேற்றத்துக்காக மோசடியில் ஈடுபடுபவர்களை அடையாளம் கண்டுகொள்ள நவீன தொழில்நுட்பமுறையை திணைக்களம் பயன்படுத்துகிறது. முழுமையான விபரங்களையும் அறிவுறுத்தல்களையும் srilanka.usembassy.gov/visas/diversity-visa-lottery-program.html இதனூடாகப் பெற்றுக்கொள்ள முடியும்