பொங்கல் அன்று சூரிய வழிபாடு ஏன்?

பொங்கல் அன்று சூரிய வழிபாடு ஏன்? 'தூரத்தே நெருப்பை வைத்துச் சாரத்தைத் தருபவன் சூரியன்' என்று நயமாகப் பாடியுள்ளார் கவியரசு கண்ணதாசன். இது மாபெரும் உண்மை. ஆதவனின் சாரமாகிய வெப்பம் மற்றும் வெளிச்சத்தின் சக்தியைக் கொண்டுதான்இ இப்புவியில் மரம்இ செடிஇ கொடிஇ புல் பூண்டு மற்றும் மிருகம்இ பறவை இன்னும் புழு- பூச்சி இனங்கள்... ஏன் மனித குலம் வரை அனைத்துமே தோன்றி வளர்ந்துஇ இப்புவியைத் தழைக்கச் செய்கின்றன. மேலும்இ சூரியனின் பேருதவியின்றி எந்த ஓர் உயிரினமும் தனது உணவைப் பெற்றுவிட முடியாது. அதுமட்டும் அன்று! புவியின் அனைத்து உயிரினங்களின் வாழ்வுக்கும் ஒவ்வாதவற்றை அழித்துஇ அவற்றின் சுகாதாரமான நலவாழ்வை உறுதி செய்வதும் சூரியனே! இயற்கைப் படைப்புகளின் அழகின் வெளிப்பாடுஇ பாதுகாப்பு மற்றும் மேம்பாட்டுக்கும் மூலாதாரக் காவலனாக விளங்குவதும் சூரியன்தான். உலகின் தொன்மைப் படைப்பான வேதங்களில்இ 'சூரியனின் பெருமைகள்' கூறப்பட்டுள்ளன. பாரதத்தில் சூரிய வழிபாடுஇ மார்கழி முடிந்து தை பிறக்கின்ற நன்னாளில்இ 'மகர சங்ராந்தி'யாக அனுசரிக்கப்படுகிறது. இதுவே 'பொங்கல் திருநாள்' ஆகும். இந்தக் காலகட்டத்தில் சூரியன்இ தனது வடக்கு நோக்கிய பயணத்தைத் தொடங்குவதால்இ அந்தத் தினம் மிகவும் புனிதமானதாகும். சூரியனின் அந்தப் பயணம்தான் பூமத்திய ரேகைக்கு வடக்கில் அமைந்துள்ள நமது பாரதத்துக்கான கோடையின் தொடக்கமாகும். கோடைக்காலம் தரும் சூரியனின் வட திசைப் பயணம்இ அதாவது உத்தராயணம்இ தேவர்களின் பகல் பொழுது. அதன் தொடக்கம்இ இந்த 'மகர சங்கரமணம்' என்பதால்இ புலரும் சூரியனை அன்று வணங்குவது மிகவும் பொருத்தமானது; புண்ணியம் தரக் கூடியது. தமிழ்நாட்டில் பொங்கல் பண்டிகைஇ மிகவும் பிரபலமானது. பண்டைக் காலத்திலிருந்தே சூரிய வழிபாட்டை தமிழர்கள் தொடர்ந்து கடைபிடித்து வருகின்றனர். சூரியன் தரும் சாரத்தைக் கொண்டு நாம் விளைவித்த பயிர்களை அறுவடை செய்யும் நேரம் அது. அந்த அறுவடையை சூரியன் நமக்களிக்கும் காரணத்தால்இ அதற்கு நன்றி செலுத்தும் விதமாக சூரியனை நாம் வழிபடுகிறோம். இதனால்தான் பொங்கல் பண்டிகையின் தொடர்ச்சியாக 'உழவர் திருநாள்' கொண்டாடப்படுகிறது. பொங்கல் திருநாளன்று பசும்பாலில் உலை வைத்துஇ அதில் புத்தரிசியும் புதுவெல்லமும் சேர்த்துப் பொங்கல் செய்து சூரியனுக்குப் படைக்கிறோம். அச்சமயத்தில் புதிய அறுவடையாகக் கிடைக்கும் புதுமஞ்சள்இ புது இஞ்சி ஆகியவற்றைக் கொத்தோடு படைக்கிறோம். வாழைப் பழம்இ வெற்றிலைஇ பாக்கு போன்றவற்றையும் ஆதவனுக்கு நிவேதனம் செய்துஇ அகம் மகிழ்கின்றோம். பொங்கல் தினத்துக்கு முன் தினம்இ பழையன கழித்துப் புதியன புகுத்திப் போகிப் பண்டிகையும்இ மறுநாள் உழவுக்குத் துணை நின்ற மாடுகளுக்கான மாட்டுப் பொங்கல் மற்றும் கனு எனும் கன்னிப் பொங்கலும் கொண்டாடப்படுகின்றன. நம் பாரதத்தில் மட்டுமல்லாதுஇ உலகின் பல பகுதிகளிலுமே சூரிய வழிபாடு ஏதாவது ஒரு வகையில் இருந்து வருகிறது. கிரேக்க நாட்டினர் சூரியனைஇ 'இவ்வுலகைப் படைத்தவர்' எனக்கருதி வழிபடுகின்றனர். மெக்சிகோவாசிகளும் அப்படியே! அவர்களின் திருமணச் சடங்குகளில் சூரிய ஆராதனைஇ முக்கிய இடம் பெற்றுள்ளது. அது மட்டுமல்ல... கிரேக்கர்கள் நம் பாரத தேசத்தவர் போலவே ஏழு குதிரைகள் பூட்டிய தேரில் கிளம்பி வந்துஇ இரவில் திரும்பிச் செல்பவர் சூரியன் என்று கூறிஇ அவரை ஆராதிக்கின்றனர். வேறு சில வெளி நாட்டினர்இ சூரியனுக்குத் தேக ஆரோக்கியத்துடன் நெருக்கமான தொடர்பு இருப்பதை உணர்ந்துஇ 'சூரிய உபாசனை செய்தால் கொடிய நோய்கள் தீரும்' என்ற நம்பிக்கையோடு வழிபடுகின்றனர். அரசனை சூரியனின் வம்சத்தில் உதித்ததாகக் கருதிஇ ஜப்பானியர்கள் சூரியனை வழிபடுகின்றனர். பண்டைய எகிப்தியர்கள் உதய ரவியை 'ஹோரஸ்' என்றும்இ நண்பகல் சூரியனை 'ஆமென்ரர்' என்றும்இ மாலைச் சூரியனை 'ஓசிரில்' என்றும் அழைத்தனர். 'டைஃபோ' என்ற இருளரக்கன்இ முதலை உருவத்தில் வந்துஇ மாலையில் 'ஓசிரிலை' விழுங்கிவிடுவதாகவும்இ மறுநாள் காலையில் 'ஹோரஸ்' அவனை வென்றுவிடுவதாகவும் நம்பினர். பண்டைய எகிப்தில் பல சூரியக் கோயில்கள் இருந்துள்ளன. சூரிய வழிபாடு மட்டுமல்லாமல்இ அங்கு நட்சத்திர ஆய்வுகளும் நடத்தப்பட்டன. இங்கிலாந்தின் பூர்வ குடிகள்இ திறந்த வெளியில் சூரிய பூஜையை நடத்தினர். வேறு சில நாடுகளில் சூரியச் சிலைகள் அரசனின் உருவத்தில் அமைக்கப்பட்டன. அவற்றுக்குத் தலைக் கவசம்இ உடற் கவசம் மற்றும் காலணிகள் இருந்தன. நேபாளத்தில் இன்றும் சூரியக் கோயில்கள் உள்ளன. அங்கு முறைப்படி சூரிய வழிபாடு நடைபெறுகிறது. இவ்விதம்இ பண்டைக்காலம் தொட்டே உலகின் பல்வேறு நாடுகளில்இ சூரிய வழிபாடு செய்யப்பட்டு வருகிறது என்பது வரலாறு நமக்கு உணர்த்தும் உண்மையாகும். எனவே நாளது பொங்கல் திருநாளை எழுச்சியுடன் கொண்டாடுவோம். இது தமிழர் திருநாள்! ஒவ்வொரு தமிழரின் இல்லத்திலும் மகிழ்ச்சியொளி வீசஇ சூரிய பகவான் திருவருள் பொழிவார்.

தமிழர் திருநாள் தைபொங்கல்

தமிழர் திருநாள் மற்றும் உழவர் திருநாள் என்று அழைக்கப்படும் பொங்கல் பண்டிகை தைத் திங்கள் முதல் நாள் கொண்டாடப்படுகிறது. இந்த நாள் தமிழர்களுக்கே மிகவும் சிறப்பான ஒரு நாள். இந்த நாளன்று உலகில் உள்ள அனைத்து தமிழர்களும் சாதி, மதம் என்ற எந்த ஒரு வேறுபாடில்லாமல், அனைவரும் ஒன்றாக சேர்ந்து கொண்டாடப்படும் ஒரு பண்டிகை. சொல்லப்போனால், அது தமிழர்களின் ஒரு தேசிய திருவிழா என்றும் சொல்லலாம். ஏனெனில் இந்த பொங்கல் பண்டிகை உலமெங்கும் இருக்கும் தமிழர்களால் இன்றும் பல நாடுகளில் கொண்டாடப்படுகிறது. ஆனால் பலருக்கும் இந்த பொங்கல் பண்டிகை எதற்கு கொண்டாடுகின்றோம் என்றே தெரியாது. தெரியாமலேயே இத்தனை வருடங்களாக பலரும் பொங்கல் பண்டிகையை கொண்டாடுகின்றார்கள் . சரி, இப்போது இந்த பொங்கல் பண்டிகை எதற்கு கொண்டாடப்படுகிறது?


 முதல் நாள்:போகி

 இந்தபண்டிகை மார்கழி மாதத்தின் கடைசி நாள் கொண்டாடப்படுகிறது. இது ஆடி மாதத்தில் பயிரிட்ட அரிசியை மார்கழியில் அறுவடை செய்து, மார்கழி கடைசி அன்று புதிதாக வீட்டிற்கு கொண்டு வருவார்கள். மேலும் இந்த நாளன்று பழையன கழிதலும், புதியன புகுதலும் என்ற நோக்கத்தின் காரணமாக, மக்கள் தங்கள் வீட்டில் உள்ள அனைத்து தேவையில்லாத பொருட்களையும் எரித்து விடுவார்கள்.

 இரண்டாம் நாள்: பொங்கல்

 இந்த உலகில் மனிதன் உயிர் வாழ்வதற்கு வேண்டிய அடிப்படை தேவைகளுள் ஒன்று தான் உணவு. பழங்காலத்தில் மக்கள் உயிர் வாழ்வதற்கு உணவைத் தேடி அலைந்துள்ளனர். அப்போது அந்த நிலையை மாற்றுவதற்கு, மக்கள் உணவுப் பொருட்களை உற்பத்தி செய்வதற்கு விவசாயத்தில் ஈடுபட்டு, உணவை உற்பத்தி செய்ய முயன்றனர். அவ்வாறு அயராது உழைத்ததன் பலனாய், அவர்கள் நெல்லை பயிரிட்டு அறுவடை செய்தனர். இப்போது தமிழ்நாட்டின் முதன்மை உணவுப் பொருளே அரிசி தான். பொதுவாக இந்த நெல்லானது ஆடி மாதத்தில் இருந்து பயிரிடப்படும். அப்போது இந்த உணவுப் பொருளை விளைவிக்க உறுதுணையாக இருந்த இயற்கை மற்றும் கால்நடைகளுக்கு நன்றி செலுத்தும் விதமாக தான் பொங்கல் திருநாளைக் கொண்டாடுகின்றோம்.

 மூன்றாம் நாள்:

மாட்டுப் பொங்கல் கொண்டாடப்படும் மாட்டுப் பொங்கலை, திருவள்ளுவர் நாள் என்றும் சொல்வார்கள். பொதுவாக இந்த நாளில் விவசாயம் செய்வதற்கு பெரிதும் உதவியாக இருந்த கால்நடைகளுக்கு நன்றியை செலுத்தும் வகையில் கொண்டாடப்படுகிறது. மேலும், தமிழ்நாட்டில் பிறந்த திருவள்ளுவர் தமது திருக்குறளின் மூலம், தமிழின் பெருமையையும், தமிழர்களின் பெருமையையும் உலகிற்கு தெளிவாக என்றும் அழியாத வகையில் வெளிப்படுத்தியுள்ளதால், இந்த நாளை திருவள்ளுவர் தினமாகவும் கொண்டாடுகின்றோம்.

 நான்காம் நாள்:

காணும் பொங்கல் இந்த நாள் தை மாதம் மூன்றாம் நாள் கொண்டாடப்படுகிறது. இதனை கன்னிப் பொங்கல் என்றும் அழைப்பார்கள். இந்த நாளன்று உறவினர்கள், நண்பர்களின் வீடுகளுக்கு செல்வது மற்றும் பெரியவர்களிடம் ஆசிர்வாதம் பெறுவது போன்றவை அடங்கும். அதுமட்டுமின்றி இந்த நாளன்று தமிழர்களின் வீர விளையாட்டுக்கள் பலவும் நடைபெறும், முக்கியமாக இந்த நாளானது பெண்களுக்குரியது. ஏனெனில் இந்த நாளில் பெண்கள் பொங்கல் பானையில் கட்டியிருக்கும் மஞ்சள் கொத்தினை, முதிர்ந்த சுமங்கலிகள் ஐந்து பேரின் கையில் கொடுத்து வாங்கி, அதனை முகம் மற்றும் உடலில் பூசுவார்கள்.

எம்கடன் பணி செய்து கிடப்பதே

நான் நடந்து வந்த பாதைகளில்,
 என்னைக் கடந்து சென்ற உறவுகளில்,
 என்னைக் கவர்ந்து சென்ற உறவுகளே!
 என்னைக் கண்டு கொண்டு சென்றவரே!
 என் கை குலுக்கிச் சென்றவரே!
 என்னைக் காணாது சென்றவரே!
 என்னைக் காணாதது போல் சென்றவரே!

விண்ணை முட்டும் வேதனைகளோடும்,
 கண்ணை மூடிக்கதறியழத் தோன்றும்
 கலைந்து போன கனவுகளின்
 காரிருள் சூழ்ந்த நினைவுகளோடும்,
 வாழும்எம் தேசத்து உறவுகளின்
 திக்கற்ற வாழ்வு காண ,
 திரும்பி வரும் பொங்கலொன்று
 வழக்கம் போல் திரும்பிச் செல்லுமா?
 எம் வாழ்வை திருத்திச் செல்லுமா?
உங்கள் அனைவருக்கும் என் இனிய
 தைத்திரு நாள் வாழ்த்துக்கள்.

புத்தாண்டே வருக வருக !....

இயந்திரம் போலிங்கு இயங்கிடலாமோ
இன்னலைப் பெருக்கும் வாழ்நாளில்
சுதந்திரம் வேண்டும் புத்தாண்டே
சுந்தர ஒளி நிறை நல்லாண்டே ..!

வருந்திடும் மக்களைப் பார்த்தாயோ?...
வறுமையைப் போக்கிட வரும் ஆண்டே
சுரந்தது கண்களில் உன் நினைவு
சுகம் தர வருவாய் புத்தாண்டே .........

நிரந்தரமானது எதுவுமில்லை என்ற
நினைப்பதை மக்கள் உணர்ந்திடவே
அவரவர் துன்பம் தனைப் போக்கி
அணைத்திட வா இங்கு புத்தாண்டே ...

கலைகளால் உலகம் மகிழட்டும்
கவலைகள் மறந்து சிரிக்கட்டும்
தலைமுறை காத்த பயிர் வளங்கள்
தக தக தகவென வளரட்டும் ....

கடலொடு தரையும் வானுமிங்கே
களிப்புடன் திகழும் வரம் தந்து
புதியதோர் ஆண்டு நீ பிறக்கப்
புண்ணியம் செய்தோம் வா அருகே ...

மலர்களின் மணமது கமழட்டும்
மனதினில் இன்பம் பொங்கட்டும்
உயிர் வளம் காத்திட வரும் ஆண்டே
உனதருள் வேண்டும் எமக்கெல்லாம் ...

மார்கழி முடிந்ததும் வரும் முதல் நாளே
மாவிலைத் தோரணம் உனக்காக
பூரண பொற் குடம் உனக்காக
பூசைகள் செய்வோம் உனக்காக .....

நாளெல்லாம் நன் நாளாய் மலரட்டும்
நாடெல்லாம் கொண்டாடி மகிழட்டும்
காதல் கொள் எம்மோடு புத்தாண்டே
காலத்தைக் கணிக்க வந்த நல்லாண்டே

பிறக்கப் போகும் புத்தாண்டில் இன்பமே சூழ்க எல்லோரும் வாழ்க !....

                                                                

new year sms

பிறக்கும் புத்தாண்டு  புனிதமாய் 

புதுமை புரட்சியோடு 

உங்கள் வாழ்கையில்
வசந்த காற்று வீசி வளமாக வாழ

இறைவனை வேண்டி.....

பிறக்கும் இப்புத்தாண்டில்

வளங்கள் பல பெற்று வாழ
உளமார வாழ்த்துகின்றேன்
என் இணைய நண்பர்களே.....

2

இல்லம் தோறும்  இன்பம் பொங்க
இதயம் அதில் அமைதி தங்க
எங்கும் உயிரினம் மகிழ்வாய் வாழ
இனிய புத்தாண்டே மலர்ந்திடு இங்கே!...

எண்ணிய  எண்ணம் கை கூட
ஏற்றத் தாழ்வு நீங்கிட என்றும்
மண்ணினில் நல் வளம் பெருக்கிடும் ஆண்டாய்
மலர்ந்திடு இனிய புத்தாண்டே !!...........

கண்ணியம் மேலும் உயர்ந்திடவும்
இனிய கனவுகள் யாவர்க்கும் மெய்ப்படவும்
புண்ணியம் செய்த பூமி இதுவென இங்கே
புகழ்ந்திட மலர்ந்திடு இனிய புத்தாண்டே...

கல்வியும் செல்வமும் வீரமும் ஓங்கிடக் 
காரிருள் நீங்கியே  மக்கள் வாழ்வினில் ஒளி பெற
இன்னருள் புரியும் இறைவனின் மனம் இளகிட
வரம் தரும் ஆண்டாய் மலர்ந்திடு இனிய புத்தாண்டே

தண்ணியும் நெருப்பும் காற்றும் மண்ணில்
தாண்டவம் ஆடிடும் நிலைதனை மாற்றி
விண்ணில் இருந்து நற் செய்திகள் பரப்பிட
மலர்ந்திடு இனிய புத்தாண்டே !!................

3.
தனது பாரம்பரிய வாழ் நிலங்களிலே சந்தோமாக பல வண்ணக் கனவுகளுடன் வாழ்ந்து, இன்று தமது வாழ் நிலங்களில் இருந்து துரத்தியடிக்கப்பட்டு வாழ்க்கையில் அனைத்து சந்தோசங்களையும் இழந்து எதிலிக்கப்பட்டு தமது ஜீவ நாடியினைக் காப்பாற்றுவதற்காக வாழ்வின் கடைசி வினாடி வரை போராடிக் கொண்டிருக்கும் எம் உறவுகளின் அனைத்து துயரங்களும் நீங்கி மீண்டும் அவர்களின் சுயமும் மகிழ்ச்சியும் அவர்களிடமே வந்து சேர பிறக்கின்ற விரோதி வருடம் வழிகோல இறைவனைப் பிரார்த்திப்போம்..!

4.

2014 இல் வெளிவரும் கலக்கல் ஹாலிவுட் படங்கள் எவை? : இதோ ட்ரெய்லருடன் பட்டியல்

2014 ஆம் ஆண்டு பிறப்பதற்கு இன்னமும் ஒரு சில நாட்களே உள்ளன. இந்நிலையில் 2013 இன் முக்கிய சம்பவங்கள், இயற்கை அனர்த்தங்கள், உள்நாட்டுப் போர்கள் மட்டுமன்றி பிறக்கவுள்ள புது வருடத்தில் வெளிவரவுள்ள ஹாலிவுட், பாலிவுட் மற்றும் தென்னிந்தியப் படங்கள் குறித்த ஆவலும் தேடலும் கூட செய்திப் பிரியர்கள் மத்தியில் நிச்சயம் இருக்கும். அவ்வகையில்  2014 ஆம் ஆண்டு வெளிவரவுள்ள அதிக எதிர்பார்ப்பு நிலவும் ஹாலிவுட் படங்கள் பற்றிய விபரங்களை அலசுகின்றது 4தமிழ்மீடியாவின் இப்பதிவு :

(கவனத்தில் கொள்க : படங்கள் வெளியாகும் திகதிகள் சிலவேளைகளில் மாற்றமடையலாம்)

ஜனவரி 03 : பரானோர்மல் ஆக்டிவிட்டி (Paranormal Activity: The Marked Ones), அக்டோபர் 24 : பரானோர்மல் ஆக்டிவிட்டி 5 (Paranormal Activity 5)

ஹாலிவுட்டில் இதுவரை வெளிவந்த இயற்கைக்கு அப்பாற்பட்ட சக்தி (super natural) மற்றும் திகில் (horror) படங்களின் வரிசையில் இதுவரை வெளிவந்த அனைத்து பரானோர்மல் ஆக்டிவிட்டி திரைப்படங்களுமே ரசிகர்களை நாற்காலி நுனிவரை வந்து உட்காரும் வகையில் விறுவிறுப்பையும் அச்சத்தையும் ஏற்படுத்தியவை. அவ்வகையில் 2014 ஆம் ஆண்டு இவ்வரிசையில் இரு திரைப்படங்கள் ஜனவரி 3 இல் ஒன்றும் ஆக்டோபர் 24 இல் ஒன்றும் வெளிவரவுள்ளன என அறிவிக்கப் பட்டுள்ளன.

ஜனவரி 10 : தி லெஜென்ட் ஆஃப் ஹெர்குலெஸ் (The Legend of Hercules)

பராமௌன்ட் பிக்சர்ஸ் வெளியிடுகிறது. புரூஸ் வில்லிஸின் பிரபல டை ஹார்ட் 2  திரைப்பட இயக்குனர் ரென்னி ஹார்லினின் இயக்கத்தில் இத்திரைப்படம் வெளிவருகின்றது.

ஜனவரி 24 :  ஃப்ராங்கென்ஸ்டெயின் (I, Frankenstein)

லயன்ஸ்கேட் (Lionsgate) நிறுவனத்தால் தயாரிக்கப்பட்ட கவர்ச்சி மற்றும் அதிரடி (fantasy action) வகைப் படமாகும். கெவின் கிரேவியொக்ஸ் இன் கற்பனை நாவலைத் தழுவி எடுக்கப் பட்டுள்ளது. இத்திரைப்படத்தின் கதை கிறித்தவ மத நம்பிக்கை மற்றும் கதைகள் சிலவற்றையும் தழுவியுள்ளது.

பெப்ரவரி 12 : ரோபோ கோப் (RoboCop)

2014 இல் மிகவும் எதிர்பார்க்கப் படும் விஞ்ஞானப் புனைவு அதிரடி (science fiction action) படங்களில் இதுவும் ஒன்று. கொலம்பியா பிக்சர்ஸ் இனால் தயாரிக்கப் பட்ட இப்படத்தின் கதைப்படி Cyborg எனும் தொழிநுட்பத்தில் மூளையுடன் இணைந்து செயற்படும் எந்திர அங்கி அணிந்த ஒரு போலிஸ் புலனாய்வு அதிகாரி எவ்வாறு தனது தனிப்பட்ட உணர்ச்சிகளுடனும் காவல் துறை அதிகாரியாக திருடர்கள் மற்றும் கொள்ளைக்காரர்களுடனும் போராடுகின்றார் என்பதே திரையில் காட்டப் படவுள்ளது. ரோபோ கோப் ஆங்கில தொலைக்காட்சித் தொடர் நாடகம் 90 களில் உலகை கலக்கியது உங்கள் சின்னவயது நினைவாக இருக்கலாம் அல்லவா! எனவே இத்திரைப்படத்தையும் காணத்தவறாதீர்கள்.

பெப்ரவரி 28 : சன் ஆஃப் கோட் (Son of God)

20th Century Fox ஆல் தயாரிக்கப் படும் இத்திரைப்படம் இயேசு கிறிஸ்துவின் வாழ்க்கையை பிறப்பில் இருந்து சிலுவையில் மரித்து மீள உயிர்த்தெழும் வரை (Resurrection) நாடகப் பாணியில் விவரிக்கின்றது. 'தி பைபிள்' எனும் பெயரில் ஹிஸ்டரி (History channel) சேனலில் வெளிவந்த மினி நாடகத்தின் சுருக்கமே இத்திரைப்படமாகும்.

பெப்ரவரி 28 : நொன் ஸ்டொப் (Non-Stop)

யுனிவேர்சல் பிக்சர்ஸினால் தயாரிக்கப் பட்ட இந்த விறுவிறுப்பான ஆக்சன் திரைப்படம் நியூயோர்க்கில் இருந்து லண்டனுக்குச் செல்லும் விமானம் ஒன்றில் நடக்கவுள்ள ஹை ஜேக் முயற்சி மற்றும் அம்முயற்சியை மேற்கொள்ளும் நபராக எதிர்பார்க்காத விதமாக ஹீரோவே மாட்டிக் கொள்வதையும் திரைக்கதையாகக் கொண்ட படமாகும்.

மார்ச் 07 : 300-ரைஸ் ஆப் அன் எம்பையர் (300- Rise of an Empire)

வார்னெர் புரொஸ் (Warner Bros) நிறுவனத்தால் தயாரிக்கப் பட்ட இத்திரைப்படம் 2014 இல் மிக அதிகம் எதிர்பார்க்கப் படும் அரச சாகசக் கதையம்சம் கொண்ட படமாகும். நோவம் முர்ரோ இனால் இயக்கப் பட்ட இத்திரைப்படத்தின் கதை 2007 இல் வெளிவந்து அதிக எண்ணிக்கையான ரசிகர்களைக் கவர்ந்த 300 எனும் திரைப்படக் கதைக்கு முன்னும் பின்னரும் நிகழும் சம்பவங்களை அடிப்படையாகக் கொண்டு எடுக்கப் பட்டுள்ளது. 300 திரைப்படத்தைப் போன்றே விறுவிறுப்பான அதே நேரம் பேர்சிய போர் வீரர்களின் தனித்துவமான போராட்டத் திறனை இப்படத்திலும் ரசிகர்கள் அதிகம் எதிர்பார்ப்பது குறிப்பிடத்தக்கது.

மார்ச் 07 : ரியோ 2 (Rio 2)

2011 இல் வெளிவந்த கம்பியூட்டர் அனிமேசன் கார்ட்டூன் படமான ரியோவின் 2 ஆம் பாகம் ஆகும் இது. புளூ ஸ்கை ஸ்டூடியோவல் தயாரிக்கப் பட்ட இத்திரைப்படம் பிரேசில் தலைநகர் ரியோ டி ஜனெயிரோவில் இருந்து அமேசன் காட்டுக்குச் சுற்றுலா செல்லும் விலங்குகள் பற்றிய காமெடி கலந்த சாகசக் கதையாகும். இத்திரைப்படத்தின் இசையும் ஹேப்பி ஃபீட் (Happy feet) அனிமேசன் திரைப்படத்தைப் போன்று சிறுவர்கள் முதல் பெரியவர் வரை அனைத்துத் தரப்பினரையும் கவரும் என எதிர்பார்க்கப் படுவதும் குறிப்பிடத்தக்கது.

 மார்ச் 14 : நீட் ஃபோர் ஸ்பீட் (Need for Speed)

எலெக்ட்ரானிக் ஆர்ட்ஸ் நிறுவனத்தின் நீட் ஃபோர் ஸ்பீட் தொடர் (Need for Speed series) ரேசிங் கணணி விளையாட்டுக்கு அடிமையாகாத சிறுவர்களே இருக்க முடியாது. தற்போது இந்த கம்பியூட்டர் கேமில் உள்ள அனைத்து அம்சங்களையும் அடக்கிய முதலாவது ஹாலிவுட் திரைப்படம் அதே பெயரில் இத்திகதியில் வெளியாகின்றது. ஸ்காட் வோ இனால் இயக்கப் பட்டு டிரீம் வேர்க்ஸ் பிக்சர்ஸால் தயாரிக்கப் பட்டுள்ள இத்திரைப்படத்தின் மீது கார் ரேசிங் விளையாட்டுப் பிரியர்கள் மத்தியில் மிகப் பெரிய எதிர்பார்ப்பு நிலவுகின்றது. இதுவரை இதே பாணியில் வெளிவரும் Fast & Furious திரைப்படங்களுக்கு இனி Need for Speed திரைப்படம் கடும் போட்டியக் கொடுக்கும் என நிச்சயம் எதிர்பார்க்கலாம்.

ஏப்பிரல் 04 : கேப்டன் அமெரிக்கா 2 : தி வின்டர் சோல்ஜர் (Captain America 2 : The Winter soldier)

ரசிகர்கள் அதிகம் எதிர்பார்க்கும் மார்வெல் காமிக்ஸின் அடுத்த படம் இது. ஏற்கனவே மார்வெல் காமிக்ஸில் சித்தரிக்கப் படும் 6 சூப்பர் ஹீரோக்கள் ஒன்றாக நடித்து 2012 இல் வெளிவந்த 'தி அவேஞ்சர்ஸ்' திரைப்படம் ரசிகர்களுக்கும் நல்ல விருந்தாக அமைந்திருந்ததுடன் ஹாலிவுட்டில் அவதார் மற்றும் டைட்டானிக் படங்களை அடுத்து 3 ஆவது அதிக வசூலைக் குவித்த படமாக சாதனை படைத்திருந்தது. இப்படத்தின் தொடர்ச்சியாக அயர்ன் மேன் 3 (Iron men 3) 2013 ஏப்பிரலில் வெளிவந்து ஹாலிவுட் வசூலில் 5 ஆவது இடத்தைப் பெற்று சாதனை படைத்தது. இதைத் தொடர்ந்து  2013 ஆக்டோபரில் வெளிவந்த 'தோர் 2' (Thor 2) உம் குறிப்பிடத்தக்க வசூலைப் பெற்றிருந்தது.

இந்நிலையில் அவேஞ்சர்ஸ் படத்தின் கதை முடிந்து 2 ஆண்டுகளின் பின்னர் நடக்கும் சம்பவங்களை அடிப்படையாகக் கொண்டு வெளிவரும் 'கேப்டன் அமெரிக்கா 2' ஆம் பாகமும் ரசிகர்களுக்கு நிச்சயம் விருந்தளிக்கும் என எதிர்பார்க்கலாம்.

ஏப்ரல் 18 - டிரான்ஸ்சென்டென்ஸ் (Transcendence) -

வார்னெர் புரொஸ் பிக்சர்ஸால் (Warner Bros pictures) தயாரிக்கப் பட்டுள்ள விஞ்ஞானப் புனைவு மற்றும் திகில் வகை இப்படம் செயற்கை அறிவை (Artificial intelligence) தவறாக ஊக்குவித்தால் ஏற்படும் விபரீதத்தை மையமாகக் கொண்டு எடுக்கப் பட்டுள்ளது. பைரட்ஸ் ஆஃப் கரிபியன் புகழ் ஜோனி டெப் (Johnny Depp) கதாநாயகனாக நடித்துள்ளார்.

மே 02 - தி அமேசிங் ஸ்பைடர் மேன் 2 (The Amazing Spider-Man 2)

கொலம்பியா பிக்சர்ஸ் மற்றும் மார்வெல் ஸ்டூடியோ இணைந்து தயாரித்துள்ள இப்படம் ஸ்பைடர் மேன் வரிசையில் 5 ஆவது படமாகும். மார்க் வெப் இன் இயக்கத்தில் பீட்டர் பார்க்கர் கதாபாத்திரத்தில் அன்ட்ரூ கரிஃபீல்ட் 2 ஆவது முறையாக இப்படத்தில் நடித்துள்ளார். இத்திரைப்படத்தில் ஸ்பைடர் மேனின் முக்கிய எதிரிகளாக எலெக்ட்ரோ எனும் மின்சாரத்தால் தாக்கும் வில்லனும் ரைனோ எனும் கவசம் அணிந்த இயந்திர மனிதனும் மோதுகின்றனர் என்பது குறிப்பிடத்தக்கது.

மே 16 - கோட்ஸில்லா 2014 (Godzilla 2014) -

1998 ஆம் ஆண்டு ரோலன்ட் எம்ரிச் இயக்கத்திலும் சோனி பிக்சர்ஸ் தயாரிப்பிலும் மிகப் பிரம்மாண்டமாக வெளி வந்த மோன்ஸ்டெர் வகை விஞ்ஞானப் புனை கதைப் படமான 'கோட்ஸில்லா' இனை திரையரங்கில் பார்த்த அனுபவத்தை எவரும் மிக எளிதில் மறக்க முடியாது. தற்போது இதே தலைப்பில் மிகவும் சுவாரஸ்யமான திரைக்கதையுடன் வார்னெர் புரொஸ் மற்றும் லெஜென்டரி பிக்சர்ஸ் கூட்டுத் தயாரிப்பில் கறெத் எட்வார்ட்ஸ் இயக்கத்தில் மறுபடியும் இத்திரைப்படம் வெளிவருகின்றது.
இத்திரைப்படத்தில் கோட்ஸில்லா விஞ்ஞான வளர்ச்சியின் விபரீதத்தால் தோற்றம் பெற்ற பயங்கரமான உயிரினங்களுடன் சண்டையிடவுள்ளமை குறிப்பிடத்தக்கது.

மே 23 - எக்ஸ் மேன்: டேய்ஸ் ஆஃப் ஃபியூச்சர் பாஸ்ட் (X-Men Days of Future Past) -

மார்வெல் காமிக்ஸின் சூப்பர் ஹீரோ கதைகளில் தமது டி என் ஏ களின் தனித் தன்மையால் அபூர்வ சக்திகள் கொண்ட மனிதர்களான மியூடன்ஸ் (Mutants) களில் சாதாரண மனிதர்களை எதிர்க்காத எக்ஸ் மேன் குழுவினர் மற்றும் அவர்களுக்கு எதிரான தீய எண்ணம் கொண்ட மியூடன்ஸ் (Mutants) ஆகியோருக்கு இடையே நடக்கும் யுத்தம் பற்றி ஏற்கனவே 3 பாகங்கள் வெளிவந்தன. அதன் பின் எக்ஸ் மேன் குழுவினர் எவ்வாறு உருவாக்கப் பட்டவர்கள் என ஒரு பாகமும் அவர்களில் வயதாகுதல், மற்றும் காயப் படுதல் ஆகிய தன்மைகள் அற்றவனும் மிக வீரமான போராளியுமான வூல்வரின் (Wolverine) பற்றி இரு பாகங்களும் ஏற்கனவே வெளிவந்து விட்டன.

இந்நிலையில் தற்போது வெளிவரவுள்ள இப்பாகம் இந்த மியூடன்ஸ் மனிதர்கள் எவ்வாறு இணைந்து தமது கடந்த காலத்தை மாற்றியமைத்து எதிர்காலத்தில் தம்மைத் தற்காத்துக் கொள்கின்றனர் எனும் திரைக்கதையுடன் ரசிகர்களுக்கு விருந்தளிக்கவுள்ளது.

 ஜூன் 06 - எட்ஜ் ஆஃப் டுமாரோ (Edge of Tomorrow) -

வார்னர் புரொஸ் நிறுவனத்தின் தயாரிப்பில் ஹாலிவுட்டின் முன்னணி ஆக்‌ஷன் ஹீரோக்களில் ஒருவரான டோம் க்ரூஸ் கதாநாயகனாக நடித்து வெளிவரவுள்ள விஞ்ஞானப் புனைவு மற்றும் ஆக்‌ஷன் வகைத் திரைப்படம் இது. ஜப்பான் நாவலான 'ஆல் யூ நீட் இஸ் கில்' (All You Need is Kill) இனைத் தழுவி எடுக்கப் பட்ட இப்படத்தில் உலகின் எந்த இராணுவத்தாலும் வீழ்த்தப் பட முடியாததும் கால இடைவெளிக்குள் பயணிக்கும் ஏலியன் இனமான 'மிமிக்ஸ்' உடன் மோதும் விசேட அதிரடிப் படையினரின் போராட்டம் விவரிக்கப் படுகின்றது.

ஜூன் 27 - டிரான்ஸ்ஃபோர்மெர்ஸ்: ஏஜ் ஆஃப் எக்ஸிடிங்சன் (Transformers: Age of Extinction) -

பாராமௌன்ட் பிக்சர்ஸ் இன் தயாரிப்பில் டிரான்ஸ்ஃபோர்மெர்ஸ் தொடரில் வரும் 4 ஆவது படம் இது. முன்னைய படங்களைப் போன்றே ஸ்டீவென் ஸ்பில்பேர்க் தயாரிப்பில் மைக்கல் பே இயக்கத்தில் இப்படம் வெளிவருகின்ற போதும் இதில் ரசிகர்களுக்கு ஏமாற்றமளிக்கும் ஓர் விடயமும் உள்ளது. அமெரிக்காவின் சிகாக்கோ நகரை டிரான்ஸ்ஃபோர்மெர்ஸ் தாக்கி 4 வருடம் கழித்து நடைபெறும் சம்பவங்களை அடிப்படையாகக் கொண்டே இப்புதிய திரைப்படம் வெளிவருகின்ற போதும் முன்னைய 3 படங்களிலும் நடித்த ஹீரோ ஷியா லாபேயௌஃப் உட்பட முக்கிய கதாபாத்திரங்கள் எவரும் இதில் நடிக்கவில்லை. முற்றிலும் புதிய கதாபாத்திரங்கள் நடிக்கும் இப்படத்தில் முன்னைய படங்களில் வந்த உருமாறும் இயந்திரங்களான ஆப்டிமஸ் ப்றைம் மற்றும் பம்பிள்பீ ஆகியவை மட்டுமே சேர்க்கப் பட்டுள்ளதும் கவனிக்கத் தக்க செய்தி.

2013 இல் உலகில் நடந்த சில முக்கிய நிகழ்வுகள் : ஒரு சிறப்புப் பார்வை

2013 இல் உலகில் அதிகம் பேசப்பட்ட, அதிகம் உங்களிடையே ஆச்சரியத்தையோ, அதிர்ச்சியையோ, மகிழ்ச்சியையோ ஏற்படுத்திய சம்பவங்கள் குறித்த தொகுப்பு இது.

உங்களது, ஊர் அல்லது உங்களது மாநிலம் என்ற வகையில் இல்லாது மேற்குலகம் சார்ந்த அல்லது உலக நாடுகள் சார்ந்த சில முக்கிய சம்பவங்களின் தொகுப்பே இவை.

குறித்த சம்பவங்கள் நிகழ்ந்த போது அன்றைய தினங்களில் 4தமிழ்மீடியாவில் வெளிவந்த பதிவுகளையும் உங்களுக்கு தருகிறோம்.

ஜனவரி 17, 2013 :   உலகின் மிகவும் மதிக்கத்தக்க, மிகப்புகழ்பெற்ற சைக்கிள் வீரரான லான்ஸ் ஆம்ஸ்ட்ரோங், தான் ஊக்கமருந்து பாவித்து வந்த உண்மையை ஒப்புக்கொண்டார். அவர் அதுவரை பெற்ற அனைத்து பதக்கங்களும் அவரிடமிருந்து பறிக்கப்பட்டன.

பதிவு : ஊக்க மருந்து பயன்படுத்தியதை ஒப்புக்கொண்டார் லான்ஸ் ஆர்ம்ஸ்ட்ராங்!

ஜனவரி 24, 2013 :  யுத்த களத்தில் பெண் இராணுவ வீராங்கணைகள் போர் புரிவதற்கு விதிக்கப்பட்டிருந்த தடையை அமெரிக்க அரசு நீக்கியது

ஜனவரி 27, 2013 : பிரேசிலின் நைட்கிளப் ஒன்றில் ஏற்பட்ட தீ விபத்தில் குறைந்தது 241 பேர் கொல்லப்பட்டனர்.

பதிவு : பிரேசில் இரவு கேளிக்கை விடுதியில் தீ : 245 பேர் பலி

பெப்ரவரி 11, 2013  : அப்போது பாப்பரசராக இருந்த 7வது பெனடிக்ட் தான் திடீரென ஓய்வு பெறப் போவதாக அறிவிப்பு வெளியிட்டார். (வத்திகான் வரலாற்றில் 600 வருடங்களில், இப்படி தானே முன்வந்து ஓய்வு பெறப்போவதாக அறிவித்த தைரியமான முதல் பாப்பரசர் இவர்)

பதிவு : பாப்பரசர் 16 வது பெனடிக்ட் பதவி விலக போவதாக திடீர் அறிவிப்பு

பெப்ரவரி 14, 2013 : உலகின் செயற்கை கால்களுடன் ஓடும் அதிவேக மின்னர் ஓட்ட வீரர் எனப் போற்றப்படும் ஒஸ்கார் பிஸ்டாரியஸ், தனது காதலியை துப்பாக்கியால் சுட்டுக் கொன்றுவிட்டதாக குற்றம் சுமத்தப்பட்டார்.

பதிவு : 'பிளேட் ரன்னர்' ஆஸ்கார் பிஸ்டோரியஸ் காதலியை சுட்டுக்கொன்ற குற்றச்சாட்டில் கைது

பெப்ரவரி 15, 2013 : பூமியில் மிக வேகமாக வந்து வீழ்ந்தது எரிநட்சத்திரம் : ரஷ்யாவிலிருந்த பலரால் நேரடியாக அவதானிக்கப்பட்டது.

பதிவு : அதெப்படிங்க : ரஷ்யாவில் எரிநட்சத்திரம் வீழந்ததை அவ்வளவு தெளிவாக படம்புடிச்சாங்க?

மார்ச் 13, 2013 : உலகின் புதிய பாப்பரசராக பிரான்ஸிஸ் தெரிவானார்

பதிவு : வத்திக்கானில் வெண்ணிறப் புகை - புதிய பாப்பரசராக தெரிவானார் ஆர்ஜெண்டீனாவின் கார்டினல்

ஏப்ரல் 15, 2013 : அமெரிக்காவின் புகழ்பெற்ற பாஸ்டன் மரதன் போட்டிகளின் போது அடுத்தடுத்து இரு குண்டுவெடிப்பு நிகழ்ந்து உலகை அதிர்ச்சிக்கு உள்ளாக்கிய நாள் இதில் 3 பேர் கொல்லப்பட்டும், நூற்றுக்கணக்கானோர் காயமடைந்தும் போயினர்.

பதிவு : உலகப்புகழ் பெற்ற பாஸ்டன் மரதன் போட்டியில் தொடர் குண்டுவெடிப்பு : அதிர்ச்சியில் அமெரிக்கா 

ஏப்ரல் 16, 2013 : இக்குண்டுவெடிப்புக்கு காரணமானவர்கள் ட்சார்னேவ் சகோதரர்கள் என அவர்களுடைய புகைப்படங்களுடன் அடையாளம் காணப்பட்டனர். தாமெர்லான் ட்சார்னேவ் எனும் மூத்த சகோதரர் கொல்லப்பட்டார். இளையவரான ட்ஷோகார் சுற்றுவளைப்பின் படுகாயங்களுடன் மீட்கப்பட்டார். தான் குற்றமற்றவர் என அவர் தொடர்ந்து வாதிட்டார்.

ஏப்ரல் 24, 2013 : பங்களாதேஷில் 8 மாடி கட்டிடம் இடிந்து வீழ்ந்ததில் 1,129 பேர் கொல்லப்பட்டனர்.

பதிவு :  வங்கதேச கட்டிட விபத்து : பலி எண்ணிக்கை 147 ஆக உயர்வு

மே 06, 2013 : நான்கு தசாப்த காலத்தின் பின்னர் அமெண்டா எனும் பெண்மணி தான் கடத்தி வைக்கப்பட்டிருந்த வீட்டுச் சிறையிலிருந்து விடுவிக்கப்பட்டார். இவரைப் போன்று பல பெண்களை கடத்தி சீரழித்த குற்றச்சாட்டில் அரியெல் கஸ்ட்ரோ எனும் நபருக்கு 1,000 வருடங்கள் சிறைத்தண்டனை வழங்கப்பட்டது.

மே 20, 2013 : அமெரிக்காவின் மூரில் டார்னார்டோ புயலால் 25 பேர் கொல்லப்பட்டனர்.

ஜூன் 9, 2013 : அமெரிக்காவின் புலனாய்வுத் துறை, பலரது ரகசிய தொலைபேசி உரையாடல்களை ஒட்டுக்கேட்கிறது எனும் அதிர்ச்சி தகவல்களை முதன்முறையாக உலகுக்கு வெளியிடப்பட்டவர் நான் தான் என  எட்வார்ட் ஸ்னோவ்டன் தன்னை வெளிப்படையாக அறிவித்துக் கொண்டது.

பதிவு : ஸ்னோவ்டெனுக்கு சீனா, ரஷ்யா அடைக்கலம் கொடுத்திருப்பதற்கு அமெரிக்கா கடும் அதிருப்தி

ஜூன் 14 - 19, 2013 : இந்தியாவின் வட மாநிலங்களில் (உத்தரபிரதேசம்) பெய்த கடும் மழை மற்றும் அதனால் வேற்பட்ட வெள்ளப்பெருக்கினால் 6,000க்கும் அதிகமானோர் பலியானார்கள்

பதிவு :  உத்தரகாண்ட் வெள்ளப்பெருக்கு : உயிரிழந்தோர் தொகை 500 ஐ கடந்தது

ஜூலை 03, 2013 : எகிப்து நாட்டின் அதிபர் மோர்ஸி, இராணுவ புரட்சி மூலம் திடீரென பதவியிறக்கப்பட்டார்.

பதிவு :  எகிப்து அதிபர் மோர்ஸியின் பதவி இறக்கத்தை வரவேற்ற மத்திய கிழக்கு நாடுகள்

ஜூலை 13, 2013  : அமெரிக்காவின் கறுப்பினத்தவரான எனும் நபரின் படுகொலையில் ஜோர்ச் சிம்மெர்மேன் எனும் நபர் மீதான குற்றம் நிரூபிக்கப்படவில்லை என அறிவிக்கப்பட்டது

பதிவு :  அமெரிக்காவில் கறுப்பினத்தவருக்கு எதிராக அரங்கேறிய இன்னொரு சம்பவம்?:பல நகரங்களில் ஆர்ப்பாட்டம்

ஜூலை 22, 2013 : இங்கிலாந்தின் வருங்கால இளவரசரும், இளவரசர் வில்லியம்ஸ், கேட் தம்பதியினரின் புதல்வருமான ஜோர்ஜ் பிறந்த தினம்

பதிவு : கேட் வில்லியம் தம்பதியரின் புதிய அரச வாரிசின் பெயர் ஜோர்ஜ் அலெக்ஸாண்டர் லூயிஸ்

ஆகஸ்டு 21, 2013 : அமெரிக்கா இராணுவம் ஈராக்கில் மேற்கொண்ட மனித உரிமை மீறல் குற்றங்களை விக்கிலீக்ஸ் மூலம் வெளிச்சத்திற்கு கொண்டு வந்த அமெரிக்க இராணுவ வீரர் பிராட்லி மேன்னிங்கிற்கு 35 வருட சிறைத்தண்டனை வழங்கப்பட்டது.

பதிவு : கேட் வில்லியம் தம்பதியரின் புதிய அரச வாரிசின் பெயர் ஜோர்ஜ் அலெக்ஸாண்டர் லூயிஸ்

ஆகஸ்டு 21, 2013 : சிரிய போரின் போது இடம்பெற்ற  நச்சுவாயுத்தாக்குதலில் 1,429 பேர் கொல்லப்பட்டனர். இவர்களில் பெரும்பாலானோர் குழந்தைகள் ஆவார்கள். இத்தாக்குதல் தம்மால் நிகழ்த்தப்படவில்லை என சிரிய அதிபர் அசாத்தின் படைகள் மறுப்பு தெரிவித்தன.

பதிவு : சிரியா மீது போர் தொடுக்க மேற்குலக நாடுகள் திட்டம்:ஈரான் கண்டனம்

செப்டெம்பர் 13, 2013 : இந்தியாவை அதிரச்செய்த  டெல்லி மருத்துக் கல்லூரி மாணவியின்  பேருந்து பாலியல் பலாத்காரம் தொடர்பிலான  குற்றவாளிகள் நால்வருக்கும் மரணதண்டனை வழங்கப்பட்டு தீர்ப்பு அறிவிக்கப்பட்டது. எனினும் இந்தியாவில் ஒவ்வொரு 21 நிமிடத்திற்கும் ஒரு தடவை ஒரு பெண் பாலியல் ரீதியில் அச்சுறுத்தலுக்கு உள்ளாக்கப்படுகிறார், அல்லது ஆசிட் வீச்சுக்கு உள்ளாகிறார்.

பதிவு : டெல்லி பாலியல் பலாத்கார வழக்கில் 4 குற்றவாளிகளுக்கும் மரணதண்டனை விதித்தது நீதிமன்றம்

செப்டெம்பர் 16, 2013 : அமெரிக்க வாஷிங்டன் கடற்படைத் தளத்தில் நடந்த துப்பாக்கிச் சூட்டில் 12 பேர் கொல்லப்பட்டனர்

பதிவு : வாஷிங்டன் கடற்படை கட்டுப்பாட்டுத் தளத்தில் துப்பாக்கிச் சூடு : 12 பேர் பலி

செப்டெம்பர் 21, 2013 : கென்யாவின் வர்த்தக மையத்தில் இஸ்லாமிய தீவிரவாதிகள் நடத்திய திடீர் தாக்குதலில் 47 பேர் கொல்லப்பட்டனர்

பதிவு : வாஷிங்டன் கடற்படை கட்டுப்பாட்டுத் தளத்தில் துப்பாக்கிச் சூடு : 12 பேர் பலி

அக்டோபர் 4, 2013 : இந்தியாவின் ஆந்திர பிரதேஷ், ஒடிசாவில் ஏற்பட்ட மிகப்பயங்கரமான பைலின் புயலில் 15 பேர் கொல்லப்பட்டனர். 1999ம் ஆண்டு ஒடிசாவில் ஏற்பட்ட புயலின் பின்னர் இந்தியாவில் ஏற்பட்ட இரண்டாவது மிகப் பாரிய புயலாக உருவான போதும்,  முன்னெச்சரிக்கையாக ஏற்கனவே பல்லாயிரக்கணக்கான பொதுமக்கள் பத்திரமாக இடம்பெயரச் செய்யப்பட்டதால் பலர் கொல்லப்படுவது தவிர்க்கப்பட்டது.  

பதிவு : துவம்சம் செய்தது பைலின் புயல் : இருளில் மூழ்கியது ஒடிசா

அக்டோபர் 17, 2013 : அமெரிக்க அரச அதிகாரிகளின் 16 நாள் திடீர் வேலைப் புறக்கணிப்பு முடிவுக்கு வந்ததுடன், அமெரிக்க அரசு மறுபடி இயங்கத் தொடங்கியது

பதிவு : அமெரிக்க அரசு துறை முடக்கம் : மலேசியா, பிலிப்பைன்ஸ் சுற்றுப் பயணத்தை ஒத்திவைத்தார் ஒபாமா!

நவம்பர் 5, 2013 : செவ்வாய்க்கிரகத்தை நோக்கி இந்தியா அனுப்பிய மங்கல்யான் விண்கலம் வெற்றிகரமாக விண்ணுக்கு ஏவப்பட்ட நாள். ரூ.450 கோடி செலவில், இந்தியாவின் இஸ்ரோ உருவாக்கிய இத்திட்டத்தின் படி செவ்வாய்க்கு செலுத்தப்பட்ட விண்கலம், 9 மாத பயணத்தின் பின்னர், செப்டெப்ம்பர் 24, 2014 இல் செவ்வாய்க் கிரகத்தை சென்றடையவுள்ளது. இது வெற்றிகரமாக செவ்வாய்க்கிரகத்தை சென்றடைந்தால் நாசா, ஐரோப்பிய விண்வெளி ஆராய்ச்சி நிலையம், ரஷ்ய விண்வெளி ஆராய்ச்சி நிலையம் என்பவற்றை அடுத்து செவ்வாய்க்கு வெற்றிகரமாக விண்கலம் அனுப்பிய நான்காவது விண்வெளி நிலையமாக இந்தியாவின் இஸ்ரோ புதிய சாதனை படைக்கும். இப்போதே குறித்த விண்கலம் திட்டமிட்டபடி விண்ணில் வெற்றிகரமாக சென்று கொண்டிருக்கிறது. ஆனால் செவ்வாய்க்கு விண்கலம் அனுப்பும் இந்தியாவின் இத்திட்டத்திற்கு உலகளவில் கடும் விமர்சனமும் எழுந்திருந்தது.

வெறுமனே பணத்தை வீணடிக்கும் முயற்சி இது. இத்திட்டத்திற்கு செலவழித்த பணப் பெறுமதியை இஸ்ரோ தனது, தொலைத்தொடர்பாடல், ஒளிபரப்பு, காலநிலை முன்னறிவிப்பு, இயற்கை அனர்த்தங்கள் தொடர்பிலான எச்சரிக்கை, கடல்  கண்காண்பிப்பு எச்சரிக்கை, கல்வி, பாதை வடிவமைப்பு போன்ற செய்மதிகளுக்கு பயன்படுத்தியிருக்கலாம் என்கின்றன அந்த விமர்சனங்கள். காரணம், இஸ்ரோவின் வருடாந்திர பட்ஜெட் ஒரு பில்லியன் டாலர், ஆனால் நாஸாவின் வருடாந்திர பட்ஜெட் 17.7 பில்லியன் டாலர்களாக இருப்பதுடன்,  ரஷ்ய ஏஜென்ஸியின் பட்ஜெட் 7.9 பில்லியன் டாலர்களாக உள்ளது.

பதிவு : செவ்வாயை நோக்கி மங்கல்யான் சற்று முன்னர் வெற்றிகரமாக தமது பயணத்தை தொடங்கியது!

நவம்பர் 8, 2013 : பிலிப்பைன்ஸில் ஏற்பட்ட ஹையான் தைபூனில் 6,000 பே கொல்லப்பட்டனர்.

பதிவு : பிலிப்பைன்ஸ் ஹையான் புயல் : 10 ஆயிரத்துற்கும் மேற்பட்டோர் பலி?

நவம்பர் 23, 2013 : 1979ம் ஆண்டுக்கு பிறகு அமெரிக்கா - ஈரான் இடையே முதன்முறையாக அணு ஒப்பந்தம் ஒன்று நேரடி பேச்சுவார்த்தையின் பின்னர் கையெழுத்தானது.

டிசம்பர் 05, 2013 : 20ம் நூற்றாண்டின் Living Legend என அழைக்கப்பட்ட மாபெரும் கறுப்பினத் தலைவரும், நிறவெறிக்கு எதிராக போராடி வெற்றி கண்ட தென் ஆபிரிக்காவின் முன்னாள் அதிபருமான நெல்சன் மண்டேலா காலமானார்.

பதிவு : அமைதிப் புரட்சியின் அடலேறே சென்று வா!

டிசம்பர் 8, 2013 : டெல்லி உள்ளிட்ட இந்தியாவின் ஐந்து  மாநிலத் தேர்தல்கள் முடிவுகள் வெளியாகின. காங்கிரஸ் கடும் பின்னடவைச் சந்தித்தது. அதன் தொடர்ச்சியாக இந்தியத் தலைநகர் ஆம் ஆத்மி கட்சி முதன்முறையாக டெல்லியில் ஆட்சி அமைக்கிறது. அர்விந்த் கேஜ்ரிவால் டெல்லி முதல்வராகிறார். 

பதிவு : டெல்லி தேர்தல் : அர்விந்த் கேஜ்ரிவாலின் ஆம் ஆத்மி கட்சியே உண்மையான வெற்றியாளர்?